हदीस: ”हे काका, तपाईं 'ला इलाहा इल्लाल्लाह' भन्नुहोस्, म अल्लाहको दरबारमा यसलाई तपाईको लागि प्रमाणको रूपमा पेश गर्नेछु ।
عن سَعِيدِ بْنِ الْمُسَيَّبِ، عَنْ أَبِيهِ قَالَ:
لَمَّا حَضَرَتْ أَبَا طَالِبٍ الْوَفَاةُ، جَاءَهُ رَسُولُ اللهِ صلى الله عليه وسلم فَوَجَدَ عِنْدَهُ أَبَا جَهْلٍ وَعَبْدَ اللهِ بْنَ أَبِي أُمَيَّةَ بْنِ الْمُغِيرَةِ، فَقَالَ: «أَيْ عَمِّ، قُلْ: لَا إِلَهَ إِلَّا اللهُ، كَلِمَةً أُحَاجُّ لَكَ بِهَا عِنْدَ اللهِ»، فَقَالَ أَبُو جَهْلٍ وَعَبْدُ اللهِ بْنُ أَبِي أُمَيَّةَ: أَتَرْغَبُ عَنْ مِلَّةِ عَبْدِ الْمُطَّلِبِ، فَلَمْ يَزَلْ رَسُولُ اللهِ صلى الله عليه وسلم يَعْرِضُهَا عَلَيْهِ، وَيُعِيدَانِهِ بِتِلْكَ الْمَقَالَةِ، حَتَّى قَالَ أَبُو طَالِبٍ آخِرَ مَا كَلَّمَهُمْ: عَلَى مِلَّةِ عَبْدِ الْمُطَّلِبِ، وَأَبَى أَنْ يَقُولَ: لَا إِلَهَ إِلَّا اللهُ، قَالَ: قَالَ رَسُولُ اللهِ صلى الله عليه وسلم: «وَاللهِ لَأَسْتَغْفِرَنَّ لَكَ مَا لَمْ أُنْهَ عَنْكَ»، فَأَنْزَلَ اللهُ: {مَا كَانَ لِلنَّبِيِّ وَالَّذِينَ آمَنُوا أَنْ يَسْتَغْفِرُوا لِلْمُشْرِكِينَ} [التوبة: 113]، وَأَنْزَلَ اللهُ فِي أَبِي طَالِبٍ، فَقَالَ لِرَسُولِ اللهِ صلى الله عليه وسلم: {إِنَّكَ لا تَهْدِي مَنْ أَحْبَبْتَ وَلَكِنَّ اللهَ يَهْدِي مَنْ يَشَاءُ} [القصص: 56].
[صحيح] - [متفق عليه] - [صحيح البخاري: 4772]
المزيــد ...
सईद बिन मुसैयबले आफ्नो बुबाबाट बयान गरेका छन्, उनले भने :
जब अबु तालिबको मृत्युको समय नजिक आयो, तब नबी (सल्लल्लाहु अलैहि वसल्लम) उनीकहाँ जानुभयो । त्यहाँ अबु जहल र अब्दुल्लाह बिन अबु उमैया बिन मुगिरा पहिलादेखि उपस्थित थिए । उहाँले भन्नुभयो: ”हे काका, तपाईं 'ला इलाहा इल्लाल्लाह' भन्नुहोस्, म अल्लाहको दरबारमा यसलाई तपाईको लागि प्रमाणको रूपमा पेश गर्नेछु ।" यो सुनेर अबु जहल र अब्दुल्लाह बिन अबु उमैयाले भने: के तपाईं अब्दुल मुत्तलिबको धर्मलाई छोड्नु हुन्छ? नबी (सल्लल्लाहु अलैहि वसल्लम) ले बारम्बार कल्मा पढ्न अनुरोध गरिरहनु भयो र यी दुवैले उनलाई रोक्न खोजिरहे । अन्ततः अबु तालिबले म अब्दुल मुतालिबको धर्ममा अडिग रहनेछु भनेर घोषणा गरे र ‘ला इलाह इल्लल्लाह’ लाई भन्न इन्कार गरे । वाचकले भन्छन्: तर रसूल (सल्लल्लाहु अलैहि वसल्लम) ले भन्नुभयो: "मलाई मनाही नगरेसम्म म तपाईंको लागि क्षमा माग्नेछु ।" तब अल्लाहले यो आयत अवतरण गर्नुभयो: “नबी र आस्थावानहरूले बहुदेववादीहरूका लागि माफी माग्नु उपयुक्त छैन, चाहे तिनीहरू आफन्तहरू नै भए पनि ।” [अत-तौबा: ११३] र अल्लाहले अबु तालिबको बारेमा यो आयत अवतरण गर्नुभयो: “तिमी जसलाई माया गर्छौ, उसलाई मार्गदर्शन गर्न सक्दैनौ, तर अल्लाह जसलाई चाहनुहुन्छ मार्गदर्शन गर्नुहुन्छ ।” [अल कसस: ५६]
[सही] - [मुत्तफकुन अलैहि] - [सही बुखारी - 4772]
जब अबु तालिबको मृत्युको समय नजिक आयो, तब नबी (सल्लल्लाहु अलैहि वसल्लम) उनीकहाँ जानुभयो र उनलाई भन्नुभयो: हे काका, तपाईं 'ला इलाहा इल्लाल्लाह' भन्नुहोस्, म यही एउटा वाक्यको आधारमा अल्लाहको सामु तपाईंको लागि गवाही दिनेछु । यो सुनेर अबु जहल र अब्दुल्लाह बिन अबु उमैयाले भने: अबु तालिब ! के तपाईं आफ्नो बुबा अब्दुल मुत्तलिबको धर्म छोड्नुहुन्छ? त्यो धर्म वास्तवमा मूर्तिपूजाको धर्म थियो । ती दुवैले उनलाई भनिरहे, यहाँसम्म कि उनको अन्तिम वचन: "म अब्दुल मुत्तलिबको धर्मको अनुसरण गर्दै यो संसार छोड्दैछु" थियो । अर्थात्, शिर्क र मूर्तिपूजक धर्ममा । यो सुनेर रसूल (सल्लल्लाहु अलैहि वसल्लम) ले भन्नुभयो: मेरो प्रभुले मलाई मनाही नगरेसम्म म तपाईंको लागि माफी मागिरहनेछु । तसर्थ, यो यो आयत अवतरित भएको थियो: “नबी र आस्थावानहरूले बहुदेववादीहरूका लागि माफी माग्नु उपयुक्त छैन, चाहे तिनीहरू आफन्त नै भए पनि र तिनीहरू वास्तवमा नरकका कैदीहरू हुन् स्पष्ट भईसके पछि ।" [अत-तौबा: ११३] अबु तालिबको बारेमा अवतरित आयत : “तिमी जसलाई माया गर्छौ, उसलाई मार्गदर्शन गर्न सक्दैनौ, तर अल्लाह जसलाई चाहनुहुन्छ मार्गदर्शन गर्नुहुन्छ र उहाँ निर्देशित हुनेहरूलाई राम्रोसँग जान्नुहुन्छ ।” [अल कसस: ५६] तिमी जसलाई माया गर्छौ, उसलाई मार्गदर्शन गर्न सक्दैनौ । तिम्रो काम केवल सन्देश पुर्याउनु हो। अल्लाह जसलाई चाहनुहुन्छ सत्यको मार्गमा डोऱ्याउनुहुन्छ ।
हदीसका केही फाइदाहरू
- मुश्रिक (बहुदेववादी) हरूका लागि क्षमा माग्न निषेध गरिएको छ, चाहे तिनीहरूको नाता, काम वा परोपकार जति ठूलो भए पनि ।
- बाजे र पुर्खाको झूटो अनुकरण गर्नु इस्लाम पूर्वका मानिसहरूको काम हो ।
- नबी (सल्लल्लाहु अलैहि वसल्लम) को अपार दया र मानिसहरूलाई आमन्त्रित गर्न र तिनीहरूलाई मार्गदर्शन गर्न उहाँको उत्सुकता ।
- अबु तालिबले इस्लाम ग्रहण गरेको दाबी गर्नेहरूको खण्डन ।
- "कार्यहरू तिनको अन्त्यले मूल्याङ्कन गरिन्छ।"
- लाभ पुर्याउन वा हानिबाट बचाउनको लागि नबी र अरूसित संलग्नताको अमान्यता ।
- जसले ज्ञान, विश्वास र आस्थाका साथ "ला इलाह इल्लल्लाह" अर्थात "अल्लाह बाहेक कोही पूज्य छैन" गवाही दिन्छ ऊ इस्लाममा प्रवेश गर्दछ ।
- दुष्ट र खराब साथीहरू मानिसका लागि हानिकारक छन् ।
- "ला इलाह इल्लल्लाह" को अर्थ: मूर्ति, औलिया र धर्मी मानिसहरूको पूजा त्याग्नु र केवल अल्लाहको उपासना गर्नु हो । बहुदेववादीहरूलाई यसको अर्थ थाहा थियो ।
- मुश्रिक (बहुदेववादी) रोगीलाई इस्लामको निमन्त्रणा दिने उद्देश्यले भेट्न अनुमति छ ।
- हिदायात (मार्गदर्शन) केवल अल्लाहको हातमा छ, उहाँको कोही साझेदार छैन । नबीको काम भनेको इस्लामतर्फ आह्वान गर्नु र मार्ग देखाउनु हो ।