Hadith: ((ئه‌گه‌ر مرۆڤ نه‌ساخ بوو یان چوو گه‌شتێ؛ هنگی خێرا وان كارێن وی ل ده‌مێ ل مال و یێ ساخله‌م دكرن دێ بۆ هێته‌ نڤیسین))

عن أبي موسى الأشعري رضي الله عنه قال: قال رسول الله صلى الله عليه وسلم:
«إِذَا مَرِضَ الْعَبْدُ أَوْ سَافَرَ كُتِبَ لَهُ مِثْلُ مَا كَانَ يَعْمَلُ مُقِيمًا صَحِيحًا».
[صحيح] - [رواه البخاري] - [صحيح البخاري: 2996]

ژ ئەبو مووسایێ ئەشعەری (خودێ ژێ ڕازی بیت) گۆت: پێغەمبەرێ خودێ (صەلات و سەلامێن خودێ ل سەر بن) گۆت:
((ئه‌گه‌ر مرۆڤ نه‌ساخ بوو یان چوو گه‌شتێ؛ هنگی خێرا وان كارێن وی ل ده‌مێ ل مال و یێ ساخله‌م دكرن دێ بۆ هێته‌ نڤیسین)).
[صحيح] - [رواه البخاري] - [صحيح البخاري - 2996]

Explanation

پێغه‌مبه‌ر (صه‌لات و سه‌لامێن خودێ ل سه‌ر بن) به‌حسێ قه‌نجی و دلۆڤانییا خودێ دكه‌ت و به‌حس ل وێ ئێكێ دكه‌ت كو ئه‌گه‌ر مرۆڤێ موسلمان به‌رده‌وام كاره‌كێ باش ل ده‌مێ ساخله‌می و ئاكنجیبوونا خۆدا بكه‌ت، پاشی هێجه‌ت و ئه‌گه‌ره‌كێ شه‌رعی بۆ چێبیت و نه‌ساخ بیت و نه‌شێت وی كارێ به‌ری هنگی به‌رده‌وام دكر ئه‌نجام بده‌ت، یان ژی ژ به‌ر چوونا گه‌شتێ نه‌شێت وی كاری بكه‌ت، یان ژ به‌ر هه‌ر ئه‌گه‌ره‌كێ دی شیانێن ئه‌نجامدانا وی كاری نه‌مینن، هنگی خێرا وی كاری ب ته‌مامی دێ بۆ هێته‌ نڤیسين، هه‌روه‌كی وی ئه‌ڤ كاره‌ كربیت و ئه‌و یێ دروست و ل مالا خۆ.

Benefits from the Hadith

1. قه‌نجی و باشییا خودێ یا به‌رفره‌ھ د گه‌ل عه‌بدێن خۆ.
2. هاندان ل سه‌ر خۆزه‌حمه‌تدانێ د كرنا عیباده‌تاندا و ب ده‌رفه‌ت وه‌رگرتنا وی ده‌مێ مرۆڤ تێدا یێ ساخله‌م و بێكار بیت.