Ҳадис: Мисоли касе, ки назди ҳудуди илоҳӣ истода (ва ба он ворид намешавад), ва онки дар он воқеъ шудааст, монанди гуруҳе аст, ки (барои нишастан) дар як киштӣ қуръа кашиданд, пас насиби баъзеҳо болои он шуд ва насиби дигарон поини он

عَنِ النُّعْمَانِ بْنِ بَشِيرٍ رَضِيَ اللَّهُ عَنْهُمَا عَنِ النَّبِيِّ صَلَّى اللهُ عَلَيْهِ وَسَلَّمَ قَالَ:
«مَثَلُ القَائِمِ عَلَى حُدُودِ اللَّهِ وَالوَاقِعِ فِيهَا، كَمَثَلِ قَوْمٍ اسْتَهَمُوا عَلَى سَفِينَةٍ، فَأَصَابَ بَعْضُهُمْ أَعْلاَهَا وَبَعْضُهُمْ أَسْفَلَهَا، فَكَانَ الَّذِينَ فِي أَسْفَلِهَا إِذَا اسْتَقَوْا مِنَ المَاءِ مَرُّوا عَلَى مَنْ فَوْقَهُمْ، فَقَالُوا: لَوْ أَنَّا خَرَقْنَا فِي نَصِيبِنَا خَرْقًا وَلَمْ نُؤْذِ مَنْ فَوْقَنَا، فَإِنْ يَتْرُكُوهُمْ وَمَا أَرَادُوا هَلَكُوا جَمِيعًا، وَإِنْ أَخَذُوا عَلَى أَيْدِيهِمْ نَجَوْا، وَنَجَوْا جَمِيعًا».
[صحيح] - [رواه البخاري] - [صحيح البخاري: 2493]

Аз Нуъмон ибни Башир (разияллоҳу анҳу) ривоят аст, ки Паёмбар (салллаллоҳу алайҳи ва саллам) фармуданд:
"Мисоли касе, ки назди ҳудуди илоҳӣ истода (ва ба он ворид намешавад), ва онки дар он воқеъ шудааст, монанди гуруҳе аст, ки (барои нишастан) дар як киштӣ қуръа кашиданд, пас насиби баъзеҳо болои он шуд ва насиби дигарон поини он. Пас онон ки дар поин буданд ва ҳаргоҳ ниёз ба об мешуданд, аз назди касоне ки дар боло буданд мегузаштанд. Пас (худ ба худ) гуфтанд: Агар дар қисме ки мо ҳастем (табақаи поини киштӣ) сурохе бикунем (барои об гирифтан) ва касоне ки дар болои мо ҳастанд музоҳими онон нашавем. Ҳоло агар ононро бо қасде ки доранд раҳо кунанд, ҳама ҳалок мешаванд (касони дар боло буда ва касони дар поён будаги), Ва агар монеъи онон шаванд, ҳамаашон наҷот меёбанд".
[Саҳеҳ] - [رواه البخاري] - [Саҳеҳ Бухорӣ - 2493]

Шарҳ

Паёмбар (Салому дуруди Аллоҳ бар ӯ бод) барои касоне, ки ҳудуди Аллоҳро риоят мекунанд ва фармони Аллоҳро ба ҷой меоранд, амри ба маъруф ва наҳйи аз мункар мекунанд, мисол овардааст, Ва барои касоне ки дар ҳудуди Аллоҳ воқеъ мешаванд ва ба он дастдарозӣ мекунанд ва корҳои некро тарк карда муртакиби корҳои бад мешаванд ва таъсири онон дар наҷоти ҷомеъа, мисол заданд. Онон монанди касоне ҳастанд, ки савори киштӣ шуданд ва сипас қуръа андохтанд, ки кадоме аз онҳо дар болои киштӣ ва кадоми онҳо дар поини киштӣ савор мешаванд, Пас гуруҳе аз онҳо дар болои киштӣ ва гуруҳе дар поини киштӣ нишастанд. Гуруҳе ки дар поини киштӣ буданд, ҳаргоҳ мехостанд об биёранд аз назди боло будагиҳо мегузаштанд ва ононро музоҳим мешуданд, Пас ононе ки дар поин буданд бо ҳамдигар гуфтанд: Агар мо дар назди худ киштиро сурохе мекардем ва аз онҷо об мегирифтем, то ба касоне, ки дар болои мо ҳастанд ба онон зиён нарасонем. Агар онон, ки дар боло ҳастанд поин будагиҳоро раҳо мекарданд ва иҷоза медоданд, ки киштиро сурох кунанд, ҳамаашон ғарқ мешуданд, Ва агар ононро манъ кунанд, ҳамаашон наҷот меёбанд.

Аз фоидаҳои ҳадис

1. Аҳамияти амри маъруф ва наҳй аз мункар дар нигоҳдорӣ ва наҷоти ҷомеаҳо.
2. Яке аз усулҳои таълим додан зикр кардани зарбулмасал аст, ки он бо тасвири воқеӣ ба зеҳн наздик кардани маъноҳо мебошад.
3. Анҷом додани кори мункар бидуни инкори он мафсадае аст, ки зиёни он ба ҳамаи ҷомеа мерасад.
4. Ҳалокати ҷомеа вақте ба амал меояд, ки гунаҳгорон раҳо шаванд, то дар рӯйи замин харобкорӣ кунанд.
5. Тасарруфи хато ва нияти нек, барои дурустии кор кифоят намекунад.
6. Масъулият дар ҷомеаи мусулмонӣ муштарак аст ва маҳдуд ба як шахси муайян нест.
7. Оммаи мардум бо гуноҳони афроди хос - агар онро инкор накунанд - мавриди азоб қарор мегиранд.
8. Онҳое, ки корҳои ношоиста мекунанд, бадиҳои худро тавре нишон медиҳанд, ки барои ҷомеа фоидаовар бошад, мисли мардуми мунофиқ.