عن أبي عبد الله جابر بن عبد الله الأنصاري رضي الله عنهما أن رجلاً سأل رسول الله صلى الله عليه وسلم فقال: أرأيت إذا صليت المكتوبات، وصمت رمضان، وأحللت الحلال، وحرمت الحرام، ولم أزد على ذلك شيئاً، أأدخل الجنة؟ قال: «نعم».
[صحيح] - [رواه مسلم]
المزيــد ...

අබූ අබ්දුල්ලාහ් ජාබිර් බින් අබ්දුල්ලාහ් අන්සාරී (රළියල්ලාහු අන්හුමා) විසින් වාර්තා කරන ලදී. සැබැවින්ම මිනිසෙකු අල්ලාහ්ගේ දූතයාණන්ගෙන් (සල්ලල්ලාහු අලයිහි වසල්ලම්) මෙසේ විමසීය: ‘මම අනිවාර්යය සලාත් ඉටු කර; රමළාන් උපවාසය රැක, අනුමත දෑ අනුමත කර, තහනම් දෑ තහනම් කර, මේවාට වඩා වෙනත් කිසිවක් අමතරව සිදු නොකළ තත්ත්වයේ මා ස්වර්ගයට පිවිසෙනු ඇතැයි ඔබ සිතන්නෙහිද? එතුමා ‘එසේය’ යැයි පැවසූහ.
පූර්ව සාධක සහිත හදීසයකි. - ඉමාම් මුස්ලිම් එය වාර්තා කර ඇත.

විවරණය

අබූ අබ්දුල්ලාහ් ජාබිර් බින් අබ්දුල්ලාහ් අන්සාරී (රළියල්ලාහු අන්හුමා) විසින් වාර්තා කරන ලදී. සැබැවින්ම මිනිසකු අල්ලාහ්ගේ දූතයාණන්ගෙන් (සල්ලල්ලාහු අලයිහි වසල්ලම්) මෙසේ විමසීය: ‘ඔබ කුමක් සිතන්නෙහි ද?’ එනම් අනිවාර්යය සලාතයන් -අනිවාර්යය පස්වාර සලාතයන්- මා ඉටු කර; ඒවා සඳහා අතිරේක සලාතයක් ඉටු නොකළේ නම්, අතිරේක උපවාසයන් නොමැතිව රමළාන් මාසයේ පමණක් මා උපවාසය රැක, අනුමත දෑ අනුමත කරමින් එනම්: අල්ලාහ් අනුමත කළ දෑ අනුමත බව විශ්වාස කොට, තහනම් දෑ තහනම් කරමින් අනුමත දෑ සිදු කොට තහනම් දෑ තහනම් බව විශ්වාස කර එය අනුමත කර ගන්නට නොබලා ඉන් දුරස් වී; මීට අමතරව කිසිවක් මා සිදු නොකළ තත්ත්වයේ ස්වර්ගයට පිවිසීමට මේවා ප්රමාණවත් වන්නේ දැ?යි මට දන්වා සිටිනු යන්නයි. එවිට නබි (සල්ලල්ලාහු අලයිහි වසල්ලම්) පිළිතුරු දෙමින් “එසේය” යැයි පැවසූහ. ඊට හේතුව බැතිමත් කමින් අපේක්ෂා කරනුයේ නියෝග කරනු ලබන දෑ සිදු කිරීම හා තහනම් කරනු ලැබූ දෑ අතහැරීමය. මධ්යස්ථව කටයුතු කරන්නෙකු යනුවෙන් මූලාශ්ර වල සඳහන් වන්නේ මොහුය. තවද ඔහු වනාහි අල්ලාහ් ඔහුට අනිවාර්යය කළ දෑට අමතරව කිසිවක් සිදු නොකරයි. එමෙන්ම ඔහුට තහනම් කළ දෑ හැර වෙනත් කිසිවක් අත් නොහරියි.

අර්ථ කථනය: ඉංග්‍රීසි ස්පැැනිෂ් උරුදු ඉන්දුනීසියානු රුසියානු බෙංගාලි පර්සියානු ඉන්දියානු වියට්නාම කුර්දි පෘතුගීසි මලයාලම් ස්වාහිලි දමිළ බර්මානු තායිලන්ත
අර්ථ කථන නිරීක්ෂණය

ප්‍රතිලාභ

  1. සත්යය හා යහමග දැන ගැනීමටත් එය පිළිපැදීමටත් සහාබාවරුන් අතර පැවති උනන්දුව, එමෙන්ම ස්වර්ගය වෙත සේන්දු කරවන හා ස්වර්ග වාසීන් ස්වර්ගය වෙත ළඟා කරවන දෑ දැන ගැනීමට ඔවුන් තුළ තිබූ දැඩි ආශාව.
  2. සැබැවින්ම ස්වර්ගය අපේක්ෂා කරනු ලබන්නකි. සැබැවින්ම මිනිසා උත්තරීතර අල්ලාහ්ගේ තෘප්තිය ලබන්නටත් ඔහුව ස්වර්ගයේ පදිංචි කරවීමටත් මිනිසා දැහැමි ක්රියාවන් සිදු කළ යුතු යැයි මෙම හදීසය පෙන්වා දෙයි.
  3. සැබැවින්ම යහකම් ස්වර්ගයට පිවිසීමට හේතුවක් වන බව හදීසය පෙන්වා දෙයි.
  4. පස්වේල සලාතයන්හි වැදගත්කම, සැබැවින්ම ඒවා ක්රියාවන් අතරින් වඩාත් වැදගත් මෙන්ම සාක්ෂියේ ප්රතිපත්තිමය ප්රකාශ දෙකට පසු ශ්රේෂ්ඨතම ක්රියාව වන්නේය.
  5. රමළාන් උපවාසයේ වැදගත්කම අතිමහත්ය. සමහර විට මේ කරුණු පිළිබඳ විමසූ ඒ පුද්ගලයා ඒ පිළිබඳ විමසන අවස්ථාවේ ෙෂරීආවේ වෙනත් කටයුතු පූර්ණවත් නොවී තිබෙන්නට පුළුවණි. නැතහොත් සකාත් දෙන්නට තරම් ධනයක් ඔහු සතුව නොතිබී තිබෙන්නට පුළුවණි.
  6. අනුමත දෑ අනුමත කිරීමෙහි ද තහනම් දෑ තහනම් කිරීමෙහි ද අල්ලාහ් හා ඔහුගේ දූතයාණන්ගෙන් පැමිණි දෑට අනුගත වෙමින් පිළිපදින්නෙකු විය යුතුය. එවිට අල්ලාහ් ඔහුට අනුමත කළ ඔහුට පිළිගත හැකි දෑ ඔහු ගෙන එනු ඇත. කවර කරුණක් වළක්වමින් හා තහනම් කරමින් පැමිණ ඇත්තේ ද එසේ අල්ලාහ් තහනම් කළ දැයින් ඔහු දුරස් වනු ඇත. සැබැවින්ම එය තහනම් කරනු ලැබූවක් යන විශ්වාසය සමග තහනම් කරන ලද සෑම දෙයකින් ම දුරස්වීම ද එහි ඇතුළත් වේ.
අමතර