عن أبي عبد الله جابر بن عبد الله الأنصاري رضي الله عنهما أن رجلاً سأل رسول الله صلى الله عليه وسلم فقال: أرأيت إذا صليت المكتوبات، وصمت رمضان، وأحللت الحلال، وحرمت الحرام، ولم أزد على ذلك شيئاً، أأدخل الجنة؟ قال: «نعم».
[صحيح] - [رواه مسلم]
المزيــد ...
له ابو عبد الله جابر بن عبد الله انصاري - رضي الله عنهما - څخه روایت دی چې یو سړي له رسو ل - صلی الله علیه وسلم - څخه پوښتنه وکړه او ویې ویل: که چېرته فرضي لمونځونه وکړم، د رمضان میاشت روژه ونیسم، حلال؛ حلال وګڼم، حرام؛ حرام وګڼم، او پدې (کارونو) نور هیڅ شي ورزیات نه کړم، آیا جنت ته به داخل شم؟ ویې ویل: هو.
صحيح - مسلم روايت کړی دی
ابو عبد الله جابر بن عبد الله انصاري - رضي الله عنهما - روایت کړی چې یو سړي له رسول الله - صلی الله علیه وسلم - څخه پوښتنه وکړه ویې ویل: ما ته خبر راکړه که چېرته فرضي لمونځونه وکړم: یعنې پنځه وخته فرضي لمونځونه، او نفل پرې ورزیات نه کړم، او یوازې د رمضان روژه ونیسم پرته له نفلي روژو څخه، حلال؛ حلال وګڼم: یعنې هغه څه چې الله حلال کړي زه یې هم حلال وګڼم، او هغه څه چې حلال او روا وي ویې کړم، او تر څنګه یې حرام؛ حرام وګڼم، یعنې ځان ترې لرې وساتم او په حراموالي یې باور ولرم، او په روا کارونو سره ترې ځان مستغني کړم، او لدې زیات نور هیڅ و نه کړم، نو آیا (همدومره کارونه) جنت ته د ننوتلو لپاره بسنه کوي، نو رسول الله صلی الله علیه وسلم جواب ورکړ (هو)، ځکه د تقوا غوښتنه د اوامر پر ځای کول او د منهیاتو پرېښودل دي، او همدا په دلایلو کې په: مقتصِد سره پېژندل کیږي، یعنې هغه څوک چې پر هغو کارونو هیڅ زیاتوالی نه کوي چې الله فرض کړي دي او هیڅ کار نه پریږدي پرته له هغو چې الله حرام کړي دي.