হাদীছ: কেৱল ফৰজ আদায় কৰা।
عن أبي عبد الله جابر بن عبد الله الأنصاري رضي الله عنهما أن رجلاً سأل رسول الله صلى الله عليه وسلم فقال: أرأيت إذا صليت المكتوبات، وصمت رمضان، وأحللت الحلال، وحرمت الحرام، ولم أزد على ذلك شيئاً، أأدخل الجنة؟ قال: «نعم».
[صحيح] - [رواه مسلم]
المزيــد ...
আবু আব্দুল্লাহ জাবিৰ বিন আব্দুল্লাহ আল-আনচাৰী ৰাদ্বিয়াল্লাহু আনহুমাৰ পৰা বৰ্ণিত, এজন ব্যক্তিয়ে ৰাছুলুল্লাহ চাল্লাল্লাহু আলাইহি অছাল্লামক সুধিলে, মোক কওকচোন! যদি মই কেৱল ফৰজসমূহ আদায় কৰোঁ, ৰমাজান মাহৰ ৰোজা ৰাখোঁ, হালালক হালাল আৰু হাৰামক হাৰাম বুলি মানো, ইয়াৰ বাহিৰে যদি বেলেগ একো নকৰোঁ তেন্তে মই জান্নাতত প্ৰৱেশ কৰিব পাৰিমনে? তেখেতে ক’লেঃ হয়।
ছহীহ - ইয়াক মুছলিমে বৰ্ণনা কৰিছে
আবু আব্দুল্লাহ জাবিৰ বিন আব্দুল্লাহ আনচাৰী ৰাদ্বিয়াল্লাহু আনহুমাৰ পৰা বৰ্ণিত, এজন ব্যক্তিয়ে ৰাছুলুল্লাহ চাল্লাল্লাহু আলাইহি অছাল্লামক সুধিলে, হে আল্লাহৰ ৰাছুল! মোক জনাওকচোন, যদি মই অকল ফৰজ নামাজ পঢ়োঁ, নফলবোৰ যদি আদায় নকৰোঁ, কেৱল ৰমজান মাহৰ ৰোজা ৰাখোঁ, নফল ৰোজা যদি নাৰাখোঁ, আৰু হালালক হালাল অৰ্থাৎ আল্লাহে যিটো হালাল কৰিছে সেইটোক মানি লওঁ আৰু তেওঁ যিটোক হাৰাম কৰিছে সেইটোক হাৰাম বুলি মানি আঁতৰি থাকোঁ, ইয়াৰ বাহিৰে যদি বেলেগ আমল নকৰোঁ, তেন্তে এইখিনি আমল জান্নাতত প্ৰৱেশৰ বাবে যথেষ্ট হ’বনে? তেতিয়া তেখেতে চাল্লাল্লাহু আলাইহি অছাল্লামে ক’লে, ‘হয়’। কাৰণ তাক্বৱাৰ দাবী হৈছে এই যে, মানুহে যেন আদেশসমূহ পালন কৰে আৰু নিষেধসমূহৰ পৰা আঁতৰি থাকে। কোৰআন হাদীছৰ বাণীত ইয়াকে মধ্যম পন্থা বুলি অবিহিত কৰা হৈছে। অৰ্থাৎ যিয়ে আল্লাহে ওৱাজিব কৰা আমলবোৰ পালন কৰে আৰু তেওঁৰ নিষেধকৃত বিষয়বোৰৰ পৰা আঁতৰি থাকে, তেওঁ মধ্যম পন্থাত পৰিচালিত।
হাদীছৰ পৰা সংগৃহীত উপকাৰিতাসমূহ
- সত্য আৰু হিদায়ত সম্পৰ্কে জানিবলৈ আৰু ইয়াৰ প্ৰতি আমল কৰিবলৈ চাহাবাসকল অতি আগ্ৰহী আছিল, এইদৰে তেওঁলোকে জান্নাতৰ বিষয়ে জ্ঞান আহৰণৰ প্ৰতিও আগ্ৰহী আছিল আৰু সেইবোৰ বিষয় জনাৰ বাবেও আগ্ৰহী আছিল যিবোৰে জান্নাতীক জান্নাতলৈ লৈ যায়।
- এই হাদীছে এই কথাও প্ৰমাণ কৰে যে, জান্নাত হৈছে এটা লক্ষ্য। মানুহে নেক আমল এইকাৰণেই কৰে যাতে আল্লাহৰ সন্তুষ্টি অৰ্জন কৰিব পাৰে, আৰু তেওঁৰ জান্নাতত ঠাই লাভ কৰিব পাৰে।
- হাদীছটোৱে এইটোও প্ৰমাণ কৰে যে, নেক আমল হৈছে জান্নাতত প্ৰৱেশ কৰাৰ উপায়।
- পাঁচ ওৱাক্ত নামাজৰ গুৰুত্ব। শ্বাহাদাতাইনৰ পিছত এইটো হৈছে অতি গুৰুত্বপূৰ্ণ তথা মহান আমল।
- ৰমাজানৰ ৰোজাৰ গুৰুত্ব। সম্ভৱতঃ প্ৰশ্নকাৰীৰ প্ৰশ্ন কৰাৰ সময়ত অন্যান্য চৰীয়তি বিষয়বোৰ সম্পূৰ্ণ হোৱা নাছিল। অথবা তেওঁৰ ওচৰত যাকাত আদায় কৰিব পৰা উপযুক্ত সম্পদ নাছিল।
- হালালক হালাল আৰু হাৰামক হাৰাম বুলি মানি লোৱাৰ ক্ষেত্ৰত আল্লাহ আৰু তেওঁৰ ৰাছুলে দিয়া বিধানক মানুহে অনুসৰণ কৰা উচিত। এতেকে তেওঁ সেইটোকে হালাল বুলি মানি লোৱা উচিত যিটোক আল্লাহে হালাল কৰিছে আৰু সেইবোৰ বস্তুৰ পৰা আঁতৰি থকা উচিত যিটোক আল্লাহে হাৰাম কৰিছে। এতেকে এইক্ষেত্ৰত প্ৰত্যেক হাৰাম বস্তুক হাৰাম বুলি মানি বৰ্জন কৰিব লাগিব।
শ্ৰেণীবিন্যাসসমূহ
- আক্বীদাহ . নাম আৰু ইয়াৰ বিধান
- আক্বীদাহ . নাম আৰু ইয়াৰ বিধান
- আক্বীদাহ . নাম আৰু ইয়াৰ বিধান . ঈমানৰ বিভিন্ন শাখাসমূহ
- আক্বীদাহ . নাম আৰু ইয়াৰ বিধান . ঈমানৰ বিভিন্ন শাখাসমূহ
- ফিক্হ আৰু উচুলে ফিক্হ . ইবাদাত সম্পৰ্কীয় ফিক্হ . নামাজ . নামাজৰ ফজিলত
- ফিক্হ আৰু উচুলে ফিক্হ . ইবাদাত সম্পৰ্কীয় ফিক্হ . নামাজ . নামাজৰ ফজিলত
অধিক
- হাদীছ: এদিনাখন আমি ৰাছুলুল্লাহ চাল্লাল্লাহু ‘আলাইহি অছাল্লামৰ ওচৰত বহি আছিলোঁ, ঠিক সেই সময়তে হঠাৎ এজন ব্যক্তি আমাৰ সন্মুখত আহি উপস্থিত হয়, যাৰ কাপোৰ আছিল অতিকৈ বগা, চুলি আছিল ভীষণ ক’লা; তাৰ ওপৰত ভ্ৰমণৰ কোনো লক্ষণ পৰিলক্ষিত হোৱা নাছিল। আমাৰ মাজৰ কোনেও তেওঁক চিনিও পোৱা নাছিল।
- হাদীছ: হে মোৰ বান্দাসকল! মই মোৰ ওপৰত অন্যায়-অত্যাচাৰক হাৰাম কৰি লৈছোঁ, আৰু তোমালোকৰ মাজতো ইয়াক হাৰাম কৰিছোঁ। গতিকে তোমালোকেও ইজনে সিজনক অন্যায় নকৰিবা। হে মোৰ বান্দাসকল! তোমালোক আটায়েই পথভ্রষ্ট; কিন্তু সেই ব্যক্তিৰ বাহিৰে যাক মই সঠিক পথ দেখুৱাইছোঁ (অৰ্থাৎ হিদায়ত প্ৰদান কৰিছোঁ)। গতিকে তোমালোকে মোৰ ওচৰত হিদায়ত কামনা কৰা, ময়ে তোমালোকক সঠিক পথ দেখুৱাম।
- হাদীছ: নিশ্চয় আল্লাহ তা‘আলাই অত্যাচাৰীক অৱকাশ দিয়ে। কিন্তু যেতিয়া তেওঁ কৰায়ত্ব কৰে তেতিয়া কোনো পধ্যেই এৰি নিদিয়ে।
- হাদীছ: যি ব্যক্তিয়ে গণকৰ ওচৰলৈ যায় আৰু তাক কিবাকিবি সোধে আৰু সেই কথাক বিশ্বাস কৰে। চল্লিশ দিনলৈ সেই ব্যক্তিৰ চালাত (নামাজ) কবুল নহয়।