Ҳадис: Ба бутҳо (маъбудони ботил) ва падаронатон савганд ёд накунед

عَنْ عَبْدِ الرَّحْمَنِ بْنِ سَمُرَةَ رضي الله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«لَا تَحْلِفُوا بِالطَّوَاغِي، وَلَا بِآبَائِكُمْ».
[صحيح] - [رواه مسلم] - [صحيح مسلم: 1648]

Аз Абдурраҳмон ибни Самура (разияллоҳу анҳу) ривоят аст, ки Паёмбар (саллаллоҳу алайҳи ва саллам) фармуданд:
"Ба бутҳо (маъбудони ботил) ва падаронатон савганд ёд накунед."
[Саҳеҳ] - [رواه مسلم] - [Саҳеҳ Муслим - 1648]

Шарҳ

Паёмбар (саллаллоҳу алайҳи ва саллам) аз савганд ёд кардан ба тоғутҳо наҳйи кардаанд. "Тавоғит" ҷамъи "тоғут" аст ва он бутҳое буданд, ки мушрикон онҳоро ба ҷои Аллоҳ Таъоло ибодат мекарданд, ки сабаби куфру туғёни онон шуда буданд. Ҳамчунин Паёмбар (саллаллоҳу алайҳи ва саллам) аз савганд ёд кардан ба падарон низ наҳй карданд. Чунки дар замони ҷоҳилият арабҳо ба падаронашон савганд ёд мекарданд ва бо ин роҳ ифтихор карда, онҳоро бузург медоштанд.

Аз фоидаҳои ҳадис

1. Савганд ёд кардан танҳо ба номи Аллоҳ ва номҳову сифатҳои Ӯ ҷоиз аст.
2. Савганд ёд кардан ба тоғутҳо, падарон, роҳбарон, бузургон, бутҳо ва монанди инҳо ҳаром аст.
3. Савганд ёд кардан ба ҷуз Аллоҳ, ширки асғар аст ва мумкин аст то ширки акбар бирасад, агар дар дили худ ба савгандёдшуда таъзим ва бузургворӣ намояд. Зеро ин монанди бузург донистани Худованд ва эътиқоди чизе аз ибодат барои он аст.