Hadithi: Ntimukarahire ku nkozi z'ibibi no ku bakurambere banyu

عَنْ عَبْدِ الرَّحْمَنِ بْنِ سَمُرَةَ رضي الله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«لَا تَحْلِفُوا بِالطَّوَاغِي، وَلَا بِآبَائِكُمْ».
[صحيح] - [رواه مسلم] - [صحيح مسلم: 1648]

Hadith yaturutse kwa Abdu Rahman Ibun Samurat (Imana imwishimire) yaravuze ati: Intumwa y'Imana (Imana iyihe amahoro n'imigisha) yaravuze iti:
"Ntimukarahire ku nkozi z'ibibi no ku bakurambere banyu."
[Hadithi y'impamo] - [Yakiriwe na Muslim] - [Swahih Muslim - 1648]

Ibisobanuro birambuye.

Intumwa y'Imana (Imana iyihe amahoro n'imigisha) yabujije kurahirira ku nkozi z'ibibi nk'ibigirwamana ababangikanyamana bajyaga bagaragira mu cyimbo cya Allah, ari nabyo mpamvu y'ubugizi bwa nabi bwabo n'ubuhakanyi bwabo. Intumwa y'Imana (Imana iyihe amahoro n'imigisha) kandi yabujije kurahirira ku bakurambere; kubera ko byari mu muco w'abarabu mbere y'ubuyisilamu kurahirira ku bakurambere mu rwego rwo kubiratana.

Zimwe mu nyungu dukura muri Hadithi.

1. Kurahirira ku bindi ntibyemewe uretse kuri Allah, no ku mazina ye, n'ibisingizo bye.
2. Ni ikizira kurahirira ku bigirwamana no ku bakurambere no ku batware, n'ibindi nkabyo bitari ukuri.
3. Kurahira ku kindi kitari Allah ni ibangikanyamana rito rishobora no kuba ibangikanyamana rikuru, iyo urahiye yumvise mu mutima we ahaye agaciro icyo arahiriye ndetse akanacyubaha nk'uko yubaha Allah cyangwa se akemera ko nacyo gikwiye kugaragirwa.