Hadithi: “Mos u betoni në idhuj e as në baballarët tuaj!”

عَنْ عَبْدِ الرَّحْمَنِ بْنِ سَمُرَةَ رضي الله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«لَا تَحْلِفُوا بِالطَّوَاغِي، وَلَا بِآبَائِكُمْ».
[صحيح] - [رواه مسلم] - [صحيح مسلم: 1648]

Abdurrahman ibn Semure (Allahu qoftë i kënaqur me të!) transmeton se i Dërguari i Allahut ﷺ ka thënë:
“Mos u betoni në idhuj e as në baballarët tuaj!”
[Ky hadith është sahih] - [E shënon Muslimi] - [Sahihu i Muslimit - 1648]

Shpjegimi

Profeti ﷺ në këtë hadith ndaloi të betohemi në idhuj. Idhujt janë ata që idhujtarët i adhuronin në vend të Allahut dhe ata ishin shkak që i tejkaluan kufijtë dhe bënë kufër (mosbesim). Profeti ﷺ ndaloi të betohemi në prindërit. Ky ishte zakon i arabëve në periudhën e xhahilietit (kohës paraislame), meqë ata betoheshin në baballarët e tyre duke u krenuar dhe duke i madhëruar ata.

Mësime nga hadithi

1. Betimi bëhet vetëm në Allahun, emrat dhe cilësitë e Tij.
2. Është haram të betohemi në tagutë (idhuj), baballarë, prijës, statuja dhe kotësi të tjera të ngjashme.
3. Betimi në diçka tjetër përveç Allahut është shirk i vogël, por mund të jetë shirk i madh, nëse ai me zemër e madhëron atë për të cilin është betuar dhe e madhëron atë ashtu siç e madhëron Allahun, ose beson se atij i takon ndonjë formë adhurimi.