হাদীছ: তোমালোকে বাতিল উপাস্য আৰু পিতৃপুৰুষসকলৰ শপত নাখাবা।
عَنْ عَبْدِ الرَّحْمَنِ بْنِ سَمُرَةَ رضي الله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«لَا تَحْلِفُوا بِالطَّوَاغِي، وَلَا بِآبَائِكُمْ».
[صحيح] - [رواه مسلم] - [صحيح مسلم: 1648]
المزيــد ...
আব্দুৰ ৰহমান বিন ছামুৰাহ ৰাদ্বিয়াল্লাহু আনহুৰ পৰা বৰ্ণিত তেওঁ কৈছে, ৰাছুলুল্লাহ চাল্লাল্লাহু আলাইহি অছাল্লামে কৈছেঃ
"তোমালোকে বাতিল উপাস্য আৰু পিতৃপুৰুষসকলৰ শপত নাখাবা।"
[ছহীহ] - [(মুছলিম)] - [ছহীহ মুছলিম - 1648]
নবী চাল্লাল্লাহু আলাইহি অছাল্লামে হাদীছটোত তাৱাগীৰ শপত খাবলৈ নিষেধ কৰিছে। তাৱাগী হৈছে তাগিয়াৰ বহুবচন। ইয়াৰ দ্বাৰা সেইবোৰ মূৰ্ত্তিক বুজোৱা হৈছে, যিবোৰ মূৰ্ত্তিৰ উপাসনা মুশ্বৰিকসকলে আল্লাহৰ বাহিৰে কৰিছিল। লগতে এইটোৱে আছিল সিহঁতৰ কুফৰী আৰু অস্বীকাৰ কৰাৰ কাৰণ। এইদৰে তেখেত চাল্লাল্লাহু আলাইহি অছাল্লামে পিতৃপুৰুষৰ শপত খাবলৈ নিষেধ কৰিছে। কাৰণ অজ্ঞতাযুগত আৰবীয়ানসকলে সগৌৰৱে নিজৰ পিতৃপুৰুষৰ শপত খাইছিল।
হাদীছৰ পৰা সংগৃহীত উপকাৰিতাসমূহ
- মহান আল্লাহ, তেওঁৰ নাম আৰু গুণাৱলীসমূহৰ বাহিৰে আনৰ নামত শপত খোৱা বৈধ নহয়।
- বাতিল উপাস্য, পিতৃপুৰুষ, প্ৰভাৱশালী ব্যক্তি আৰু মূৰ্ত্তি আদিৰ শপত খোৱা হাৰাম। এনেকুৱা সকলো প্ৰকাৰ বস্তুৰ শপত খোৱা বাতিল।
- আল্লাহৰ বাহিৰে আনৰ নামত শপত খোৱাটো হৈছে শ্বিৰ্কে আচগৰ। কেতিয়াবা ই শ্বিৰ্কে আকবাৰো হয়। যদি শপতকৃত সত্ত্বাক অন্তৰেৰে উপাস্য সমতুল্য গণ্য কৰে, যিদৰে আল্লাহক সন্মান কৰা হয়। অথবা তাক যদি উপাসনাযোগ্য বুলি ধাৰণা কৰে।
শ্ৰেণীবিন্যাসসমূহ
অধিক
- হাদীছ: ইয়াহুদী আৰু খ্ৰীষ্টানসকলৰ ওপৰত আল্লাহৰ অভিসম্পাত হওক, সিহঁতে সিহঁতৰ নবীসকলৰ সমাধিসমূহক উপাসনালয়ত পৰিণত কৰিছে।’’ সিহঁতে যি কৰিছে তাৰ পৰা তেওঁ সতৰ্ক কৰিছিল। অন্যথা তেখেতৰ কবৰক উন্মুক্ত ৰখা হ’লহেঁতেন। কিন্তু তেখেত আশংকা কৰিছিল যে, তেখেতৰ কবৰক ছাজদাৰ স্থানত পৰিণত কৰা হ’ব।
- হাদীছ: মই সকলো অংশীদাৰৰ শ্বিৰ্কৰ পৰা মুক্ত। যদি কোনোবাই এনেকুৱা কোনো আমল কৰে যি আমলত সি মোৰ সৈতে আনক অংশী কৰে, তেন্তে মই তাক আৰু তাৰ এই শ্বিৰ্কক বর্জন কৰোঁ।
- হাদীছ: তোমালোকৰ মাজৰ কাৰোবাক খলীল হিচাপে গ্রহণ কৰাৰ পৰা মই আল্লাহৰ ওচৰত সম্পূৰ্ণ মুক্ত। কিয়নো আল্লাহ তাআলাই মোক খলীল হিচাপে গ্রহণ কৰিছে। যিদৰে তেওঁ ইব্ৰাহীম আলাইহিচ্ছালামক খলীল হিচাপে গ্রহণ কৰিছিল। আৰু মই যদি মোৰ উম্মতৰ মাজৰ কাৰোবাক খলীল হিচাপে গ্রহণ কৰিলোহেঁতেন তেন্তে নিশ্চয় আবু বকৰক খলীল হিচাপে গ্রহণ কৰিলোহেঁতেন।
- হাদীছ: তোমালোকে মোৰ বিষয়ে সীমালংঘন নকৰিবা, যিদৰে খ্ৰীষ্টানসকলে ইবনে মাৰইয়াম সম্পৰ্কে সীমালংঘন কৰিছিল। মই হৈছোঁ কেৱল এজন বান্দা। গতিকে তোমালোকে মোক কেৱল আল্লাহৰ বান্দা আৰু তেওঁৰ ৰাছুল বুলি কোৱা।
- হাদীছ: আপোনাৰ মধ্যস্ততাৰ দ্বাৰা কোনে সৌভাগ্য লাভ কৰিব? তেখেতে ক’লেঃ যি ব্যক্তিয়ে আন্তৰিকতাৰে নিৰ্ভেজালভাৱে লা ইলা-হা ইল্লাল্লাহ (আল্লাহৰ বাহিৰে আন কোনো সত্য উপাস্য নাই) স্বীকাৰ কৰিব।
- হাদীছ: যিয়ে এই সাক্ষ্য দিয়ে যে, আল্লাহৰ বাহিৰে আন কোনো সত্য ইলাহ নাই, তেওঁ একক অদ্বিতীয়, তেওঁৰ কোনো অংশীদাৰ নাই, আৰু মুহাম্মদ (চাল্লাল্লাহু আলাইহি অছাল্লাম) তেওঁৰ বান্দা আৰু তেওঁৰ ৰাছুল। আৰু ঈছা (আলাইহিচ্ছালাম) আল্লাহৰ বান্দা আৰু তেওঁৰ ৰাছুল, আৰু তেওঁৰ কলিমা যিটো তেওঁ মাৰয়ামৰ প্ৰতি অৰ্পন কৰিছিল আৰু তেওঁৰ তৰফৰ পৰা এটা ৰূহ। জান্নাত সত্য আৰু জাহান্নাম সত্য, সেই ব্যক্তিক আল্লাহ তাআলাই জান্নাতত প্ৰৱেশ কৰাব তাৰ আমল যেনেকুৱাই নহওক কিয়।
- হাদীছ: আল্লাহৰ বাহিৰে আনক আহ্বান কৰা অৱস্থাত যিয়ে মৃত্যুবৰণ কৰিব, সি জাহান্নামত প্ৰৱেশ কৰিব।