عن جابر بن عبد الله -رضي الله عنهما- أن رسول الله -صلى الله عليه وسلم- قال: "مَنْ لَقِيَ الله لا يُشْرِك به شَيئا دخل الجنَّة، ومن لَقِيَه يُشرك به شيئا دخَل النار".
[صحيح] - [رواه مسلم]
المزيــد ...

ဂျာဗိရ်ဗင်န်အဗ်ဒုလ္လာဟ် (ရဿွိယလ္လာဟုအန်ဟုမာ)က ဆင့်ပြန်ခဲ့သည်။ အလ္လာဟ်အရှင်မြတ်၏ ရစူလ်တမန်တော် (ဆွလ္လလ္လာဟုအလိုင်ဟိဝစလ္လမ်)က မိန့်ကြားတော်မူသည်။ အကြင်သူသည် အလ္လာဟ်အရှင်မြတ်နှင့်တစ်စုံတစ်ရာကို ရှိရ်က် ယှဉ်တွဲကိုးကွယ်ခြင်းမပြုဘဲ အလ္လာဟ်အရှင်မြတ်နှင့်တွေ့ဆုံခဲ့လျှင် ဂျန္နသ်သုခဘုံသို့ဝင်ရောက်ရမည်။ အကြင်သူသည် အလ္လာဟ်အရှင်မြတ်နှင့် တစ်စုံတစ်ရာအား ရှိရ်က် ယှဉ်တွဲကိုးကွယ်မှုပြု၍ အရှင်မြတ်နှင့် တွေ့ဆုံခဲ့လျှင် ဂျဟန္နမ်ငရဲဘုံသို့ ဝင်ရောက်ရမည်။
ဤဟဒီးဆ်သည် ဆွဟီးဟ် အဆင့်ရှိသည်။ - မွတ်စ်လင်မ်ကျမ်း။

ရှင်းလင်းချက်

ဤဟဒီးဆ်ဩဝါဒတော်တွင် တမန်တာ်မြတ်(ဆွလ္လလ္လာဟုအလိုင်ဟိဝစလ္လမ်)သည် ကျွန်ုပ်တို့အား အသိပေးမိန့်ကြားထားသည်မှာ အကြင်သူသည် အလ္လာဟ်အရှင်မြတ်၏ မွေးမြူဖန်ဆင်းတော်မူခြင်း၌လည်းကောင်း၊ ခဝပ်ကိုးကွယ်မှုခံထိုက်ခြင်း၌လည်းကောင်း၊ ဂုဏ်တော်နာမတော်များ၌လည်းကောင်း တစ်စုံတစ်ရာကို အလ္လာဟ်အရှင်မြတ်နှင့်အတူ ယှဉ်တွဲကိုးကွယ်ခြင်းမပြုဘဲ သေဆုံးခဲ့လျှင် ဂျန္နသ်သုခဘုံသို့ဝင်ရောက်ရမည်ဖြစ်သည်။ အကယ်၍ ကြီးကျယ်မြင့်မြတ်တော်မူသော အလ္လာဟ်အရှင်မြတ်အား ယှဥ်တွဲကိုးကွယ်သူ (မွရှ်ရိက်)အဖြစ်နှင့် သေဆုံးခဲ့လျှင် ၎င်းသူ ပြန်လှည့်ရမည့် နေရာဌာနသည် ဂျဟန္နမ်ငရဲမီးပင်ဖြစ်သည်။

ဘာသာပြန်: အင်္ဂလိပ် ပြင်သစ် စပိန် တူရကီ အုရ်ဒူ အင်ဒိုနီးရှား ဘော့စနီးယား ဘင်္ဂလီ တရုတ် ဖါရစီ(ပါရှန်း) တဂ္ဂလော့ ဟင်ဒီ ဆင်ဟာလီ ဝီဂါ ကာ့ဒ် ဟောက်ဆာ ပေါ်တူဂီ မလေးရာလမ် တေလဂူ ဆွာဟီလီ တမီးလ်
ဘာသာပြန်များကို ကြည့်ရှုရန်

အကျိုးကျေးဇူးများ

  1. အကြင်သူသည် သောင်ဟီးဒ်တရားပေါ်တွင် သေဆုံးကွယ်လွန်ခဲ့လျှင် ဂျဟန္နမ်ငရဲမီးတွင် အမြဲထာဝရမနေထိုင်ရပေ၊ ၎င်းသူ ပြန်လှည့်ရာ နေရာဌာနသည် ဂျန္နသ်သုခဘုံပင်ဖြစ်သည်။
  2. အကြင်သူသည် ရှိရ်က် ဖက်စပ်ကိုးကွယ်မှု ကျူးလွန်၍ သေဆုံးကွယ်လွန်ခဲ့လျှင် မုချ ဂျဟန္နမ်ငရဲမီးသို့ လားရမည်ဖြစ်သည်။
  3. ဂျန္နသ်နှင့် ဂျဟန္နမ် နှစ်ခုစလုံးသည် လူသားနှင့်နီးကပ်ပြီး ၎င်းနှင့် ထိုဌာနနှစ်ခုကြား၌ သေခြင်းတရားသာ ခြားထားသည်။
  4. ရှိရ်က်ဖက်စပ်ကိုးကွယ်မှုမှ စိုးရိမ်စိတ်ထားရန်အရေးကြီးသည်။ အဘယ်ကြောင့်ဆိုသော် ဂျဟန္နမ်မှလွတ်မြောက်ရန် စည်းကမ်းချက်မှာ ရှိရ်က် ဖက်စပ်ကိုးကွယ်မှုမှ ကင်းရှင်းခြင်း ဖြစ်သည်။
  5. ဂျဟန္နမ်မှလွတ်မြောက်ခြင်းသည် အမလ်ကောင်းမှု များပြားခြင်းအပေါ်တွင် မမူတည်ဘဲ ရှိရ်က် ဖက်စပ်ကိုးကွယ်မှု ကင်းရှင်းခြင်းပေါ်တွင်သာ မူတည်သည်။
  6. (လာအိလာဟအိလ္လလ္လာဟ်) ၏အဓိပ္ပာယ်ကို တင်ပြထားသည်။ ၎င်းမှာ ရှိရ်က် ဖက်စပ်ယှဉ်တွဲကိုးကွယ်မှုကို စွန့်လွှတ်ပြီး အလ္လာဟ်အရှင်မြတ် တစ်ဆူတည်းကိုသာ ခဝပ်ကိုးကွယ်ခြင်းဖြစ်သည်။
  7. ရှိရ်က် ဖက်စပ်ကိုးကွယ်မှုမှ ကင်းစင်သူ၏ မွန်မြတ်မှုကို တင်ပြထားသည်။
  8. ဂျန္နသ် သုခဘုံနှင့် ဂျဟန္နမ် ငရဲဘုံတို့အား အတည်ပြုထားသည်။
  9. လုပ်ရပ်များ၏ အကျိုးဆက်သည် ၎င်း၏ နိဂုံးလုပ်ဆောင်ချက်များပေါ်တွင် မူတည်သည်။
ထပ်၍