হাদীছ: যি ব্যক্তিয়ে শ্বিৰ্ক নকৰাকৈ আল্লাহক সাক্ষাৎ কৰিব তেওঁ জান্নাতত প্ৰৱেশ কৰিব, আনহাতে যি ব্যক্তিয়ে মুশ্বৰিক অৱস্থাত আল্লাহৰ সৈতে সাক্ষাৎ কৰিব সি জাহান্নামত প্ৰৱেশ কৰিব।
عن جابر بن عبد الله رضي الله عنهما أن رسول الله صلى الله عليه وسلم قال: "مَنْ لَقِيَ الله لا يُشْرِك به شَيئا دخل الجنَّة، ومن لَقِيَه يُشرك به شيئا دخَل النار".
[صحيح] - [رواه مسلم]
المزيــد ...
জাবিৰ ৰাদ্বিয়াল্লাহু আনহুৰ পৰা বৰ্ণিত, ৰাছুলুল্লাহ চাল্লাল্লাহু আলাইহি অছাল্লামে কৈছেঃ "c2">“যি ব্যক্তিয়ে শ্বিৰ্ক নকৰাকৈ আল্লাহক সাক্ষাৎ কৰিব তেওঁ জান্নাতত প্ৰৱেশ কৰিব, আনহাতে যি ব্যক্তিয়ে মুশ্বৰিক অৱস্থাত আল্লাহৰ সৈতে সাক্ষাৎ কৰিব সি জাহান্নামত প্ৰৱেশ কৰিব।” ছহীহ – এই হাদীছটোক মুছলিমে বর্ণনা কৰিছে।
ছহীহ - ইয়াক মুছলিমে বৰ্ণনা কৰিছে
এই হাদীছটোত ৰাছুলুল্লাহ চাল্লাল্লাহু আলাইহি অছাল্লামে আমাক সংবাদ দিছে যে, যি ব্যক্তিয়ে শ্বিৰ্ক নকৰাকৈ মৃত্যুবৰণ কৰিব, তেওঁৰ ৰুবূবিয়্যাততেই হওক অথবা উলূহিয়্যাতত নাইবা তেওঁৰ নাম আৰু গুণাৱলীত, সেই ব্যক্তি নিশ্চয় জান্নাতত প্ৰৱেশ কৰিব। আনহাতে যি ব্যক্তিয়ে আল্লাহৰ সৈতে শ্বিৰ্ক কৰা অৱস্থাত মৃত্যুবৰণ কৰিব, তাৰ পৰিণতি হৈছে জাহান্নাম।
হাদীছৰ পৰা সংগৃহীত উপকাৰিতাসমূহ
- যি ব্যক্তিয়ে তাওহীদৰ ওপৰত মৃত্যুবৰণ কৰিব তেওঁ কেতিয়াও চিৰস্থায়ী জাহান্নামী নহ’ব। তেওঁৰ ঠিকনা হ’ব জান্নাত।
- যিয়ে শ্বিৰ্ক কৰি মৃত্যুবৰণ কৰিব তাৰ বাবে জাহান্নাম নিশ্চিত।
- জান্নাত আৰু জাহান্নাম বান্দাৰ নিচেই ওচৰত। বান্দাৰ মাজত আৰু জান্নাত-জাহান্নামৰ মাজত প্ৰাচীৰ হৈছে কেৱল মৃত্যু।
- শ্বিৰ্কত পতিত হোৱাৰ ভয় সদায় অন্তৰত থকা ওৱাজিব। কিয়নো, জাহান্নামৰ পৰা ৰক্ষা পাবলৈ হ’লে শ্বিৰ্কৰ পৰা বাচি থাকিব লাগিব।
- আমল বেছি হোৱাটোৱে বিবেচ্য বিষয় নহয়; বিবেচ্য বিষয় হৈছে শ্বিৰ্কৰ পৰা মুক্ত থকা।
- কলিমা লা ইলাহা ইল্লাল্লাহৰ অৰ্থই প্ৰমাণ কৰে যে, শ্বিৰ্ক ত্যাগ কৰা আৰু একমাত্র আল্লাহৰ ইবাদত কৰা।
- শ্বিৰ্কমুক্ত ব্যক্তিৰ ফজিলত।
- জান্নাত আৰু জাহান্নামো প্ৰমাণিত।
- শেষ অৱস্থাৰ আমলেই হৈছে বিবেচ্য বিষয়।
শ্ৰেণীবিন্যাসসমূহ
অধিক
- হাদীছ: হে আল্লাহ! তুমি মোৰ কবৰক উপাসনাস্থল বনাই নিদিবা। আল্লাহৰ প্ৰকোপ-ক্ৰোধ সেই জাতিৰ ওপৰত, যিসকলে নিজৰ নবীৰ কবৰক ছাজদাৰ স্থান বনাই লৈছিল।
- হাদীছ: যি ব্যক্তিয়ে আল্লাহৰ বাহিৰে আনৰ নামত শপত কৰিলে, সি কুফৰী কৰিলে অথবা শ্বিৰ্ক কৰিলে।
- হাদীছ: মই তেমালোকৰ ওপৰত যিটো বিষয়ক আটাইতকৈ বেছি ভয় কৰোঁ সেইটো হৈছে সৰু শ্বিৰ্ক। এই সম্পর্কে প্ৰশ্ন কৰাত তেখেতে কৈছেঃসেইটো হৈছে ৰিয়া (লোকক দেখুৱাবলৈ কৰা আমল)।
- হাদীছ: সিহঁতে সেইবোৰক হাৰাম নকৰেনে যিবোৰক আল্লাহে হালাল কৰিছে, ফলত তোমালোকে সেইবোৰক হাৰাম বুলি মানি লৈছা? আৰু সিহঁতে সেইবোৰক হালাল নকৰেনে যিবোৰক আল্লাহে হাৰাম কৰিছে, ফলত তোমালোকে সেইবোৰকো হালাল বুলি মানি লৈছা? মই ক’লোঁ, হয় নিশ্চয়। তেখেতে ক’লেঃ এইটোকেই সিহঁতৰ ইবাদত কৰা বুজাইছে।
- হাদীছ: ৰাছুলুল্লাহ চাল্লাল্লাহু আলাইহি অছাল্লামক নুশ্বৰাহ সম্পৰ্কে প্ৰশ্ন কৰাত তেখেতে ক’লেঃ সেইটো হৈছে চয়তানৰ কাম।
- হাদীছ: যিয়ে কুলক্ষণক কেন্দ্ৰ কৰি নিজৰ প্ৰয়োজন পূৰণৰ পৰা আঁতৰি থাকে সি শ্বিৰ্ক কৰে। চাহাবাসকলে সুধিলেঃ ইয়াৰ কাফফাৰা কি? তেখেতে ক’লেঃ এই কথা কোৱা: হে আল্লাহ! তোমাৰ কল্যাণৰ বাহিৰে আন কোনো কল্যাণ নাই, আৰু তোমাৰ অকল্যাণৰ বাহিৰে আন কোনো অকল্যাণ নাই, লগতে তোমাৰ বাহিৰে আন কোনো সত্য উপাস্য নাই।
- হাদীছ: আল্লাহৰ বাণী: (অর্থ) “তোমালোকে কেতিয়াও তোমালোকৰ উপাস্যসকলক বৰ্জন নকৰিবা, লগতে পৰিত্যাগ নকৰিবা অদ্দ, ছুৱাআ, ইয়াগুছ, ইয়াউক্ব আৰু নাছৰক।” ইবনু আব্বাছ ৰাদ্বিয়াল্লাহু ‘আনহুমাই এই বিষয়ে কৈছেঃ এইবোৰ হৈছে নূহ সম্প্রদায়ৰ পূণ্যৱান লোকসকলৰ নাম।