ဟဒီးဆ်: ငါကိုယ်တော်သည် အသင်တို့အတွက် အစိုးရိမ်ဆုံးကိစ္စမှာ ရှိရ်က် အဆ်ွဂရ်(ရှိရ်က် အသေးစား)ပင်ဖြစ်သည်။ ဤသည် အဘယ်ရာပါနည်း ဟုမေးမြန်းလျှောက်ထားခြင်းခံရသည့်အခါ ကိုယ်တော်မြတ်(ဆွလ္လလ္လာဟုအလိုင်ဟိဝစ္စလာမ် )က ပြစားမှုဖြစ်သည်ဟု ဖြေကြားတော်မူခဲ့သည်။
عن محمود بن لبيد رضي الله عنه مرفوعاً: "أَخْوَفُ ما أخاف عليكم: الشرك الأصغر، فسئل عنه، فقال: الرياء".
[صحيح] - [رواه أحمد]
المزيــد ...
မဟ်မူဒ်ဗင်န်လဗီဒ် (ရဿွိယလ္လာဟုအန်ဟု)က တမန်တော်မြတ်(ဆွလ္လလ္လာဟုအလိုင်ဟိဝစ္စလာမ် )ထံမှ ဆင့်ပြန်ခဲ့သည်။ ငါကိုယ်တော်သည် အသင်တို့အတွက် အစိုးရိမ်ဆုံးကိစ္စမှာ ရှိရ်က် အဆ်ွဂရ် (ရှိရ်က်အသေးစား)ပင် ဖြစ်သည်။ ဤသည်အဘယ်ရာပါနည်း ဟုမေးမြန်းလျှောက်ထားခြင်းခံရသည့်အခါ ကိုယ်တော်မြတ်(ဆွလ္လလ္လာဟုအလိုင်ဟိဝစလ္လမ်)က ပြစားမှုဖြစ်သည်ဟု ဖြေကြားတော်မူခဲ့သည်။
[ဤဟဒီးဆ်သည် ဆွဟီးဟ် အဆင့်ရှိသည်။] - [အိမာမ် အဟ်မဒ် ဆင့်ပြန်ခဲ့သည်။]
ဤဟဒီးဆ်တော်တွင် တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)သည်ကျွန်တော်တို့အပေါ် စိုးရိမ်ကြောင်းနှင့် ကျွန်တော်တို့အတွက် အစိုးရိမ်ဆုံးကိစ္စမှာ ရှိရ်က်အဆ်ွဂရ်(ရှိရ်က်အသေးစား)ဖြစ်ကြောင်း အသိပေးမိန့်ကြားထားသည်။ ဤသည် မိမိ၏အွမ္မသ်နောက်လိုက်သားတို့အပေါ် သနားကြင်နာခြင်း၊ ကရုဏာတရားပြည့်ဝခြင်းနှင့် ၎င်းတို့၏အခြေအနေအား ကောင်းမွန်စေမည့်အရာများအပေါ် အလိုဆန္ဒပြင်းပြခြင်း စသည့်ကိုယ်တော်မြတ်(ဆွလ္လလ္လာဟုအလိုင်ဟိဝစလ္လမ်)၏ ဂုဏ်အရည်အချင်းများကို ဖော်ပြနေသည်။ ရှိရ်က် အသေးစားဖြစ်သည့် ပြစားမှုကို ဖြစ်စေသောအကြောင်းခံများ၏ အင်အားကြီးမားမှုနှင့် ထိုဘက်သို့ဖိတ်ခေါ်နေသည့်အရာများ များပြားကြောင်း ကိုယ်တော်က သိရှိတော်မူသည့်အတွက် အလွန်စိုးရိမ်ခဲ့ခြင်းဖြစ်သည်။ ၎င်းပြစားမှုသည် တစ်ခါတစ်ရံ မွတ်စ်လင်မ်များထဲသို့ မသိမသာဝင်ရောက်လာပြီး ၎င်းတို့အား ဆိုးကျိုးဖြစ်စေသဖြင့် ကိုယ်တော်သည် မွတ်စ်လင်မ်တို့အား ၎င်းမှရှောင်ကြဥ်နိုင်ရန် သတိပေးနှိုးဆော်တော်မူခဲ့သည်။
ဟဒီးဆ်မှ သိမှတ်ဖွယ်ရာများ
- ပြစားမှုသည် သူတော်ကောင်းတို့အတွက် ဒဂ်ျဂျာလ်၏ အန္တရာယ်ထက်ပင် ပို၍ စိုးရိမ်စရာဖြစ်သည်။
- ပြစားမှုနှင့် (ရှိရ်က်)ဖက်စပ်ကိုးကွယ်မှုအားလုံးမှ သတိပေးတားမြစ်ထားသည်။
- ကိုယ်တော်မြတ်သည် မိမိ၏(အွမ္မသ်)နောက်လိုက်သားတို့အပေါ် အလွန်သနားကရုဏာထားတော်မူကာ ၎င်းတို့ လမ်းမှန်တရားရရှိရန်နှင့် ၎င်းတို့၏ကောင်း ကျိုးကိုသယ်ပိုးရန် ဆန္ဒပြင်းပြတော်မူသည်။
- (ရှိရ်က်)ဖက်စပ်ယှဥ်တွဲကိုးကွယ်ခြင်းအား (အက္ကဗရ်)ရှိရ်က်အကြီးနှင့် (အဆ်ွဂရ်)ရှိရ်က်အသေးဟူ၍ ခွဲခြားထားသည်။ ရှိရ်က်အကြီးဆိုသည်မှာ အလ္လာဟ်အရှင်မြတ်တစ်ဆူတည်းအတွက်သာ သီးသန့်ဖြစ်သည့်အရာများတွင် အခြားတစ်စုံတစ်ရာကို အလ္လာဟ်အရှင်မြတ်နှင့် တန်းတူပြုလုပ်ခြင်းဖြစ်သည်။ ရှိရ်က်အသေးဆိုသည်မှာ ကျမ်းမြတ်ကုရ်အာန်နှင့် ဟဒီးဆ်ဩဝါဒတော်တို့တွင် ရှိရ်က်ဟူသည့်အသုံးအနှုံးဖြင့်ဖေါ်ပြထားသော်လည်း ရှိရ်က်အကြီး၏ အဆင့်သို့မရောက်ရှိသည့် အမျိုးအစားဖြစ်သည်။ ၎င်းတို့နှစ်ခု၏ ခြားနားချက်မှာ (က)ရှိရ်က်အကြီးသည် အမလ်ကောင်းမှုအားလုံးကို ပျက်စီးစေသည်။ ရှိရ်က်အသေးသည် ထိုရှိရ်က်ပါဝင်သည့်အမလ်ကောင်းမှုကိုသာ ပျက်စီးစေသည်။ (ခ) ရှိရ်က်အကြီးကျူးလွန်သူသည် ဂျဟန္နမ်ငရဲဘုံတွင် ထာဝရ နေထိုင်ရမည်။ ရှိရ်က်အသေးကျူးလွန်သူသည် ဂျဟန္နမ်ငရဲဘုံတွင် အမြဲမနေထိုင်ရပါ။ (ဂ)ရှိရ်က်အကြီးသည် အစ္စလာမ်သာသနာ၏ ဘောင်အပြင်သို့ရောက်စေသည်။ ရှိရ်က်အသေးသည် အစ္စလာမ်သာသနာ၏ ဘောင်အပြင်သို့ မရောက်စေပါ။
အမျိုးအစားများ
ထပ်၍
- ဟဒီးဆ်: အို-အလ္လာဟ်အရှင်မြတ် ကျွန်တော်မျိုး၏ ကဗရ်အား ကိုးကွယ်ရာအဖြစ်မပြု လုပ်လိုက်ပါနှင့်။ မိမိတို့နဗီတမန်တော်များ၏ ကဗရ်များကို ဦးချရာနေရာများအဖြစ် သတ်မှတ်ခဲ့ကြသော အမျိုးသားတို့အား အလ္လာဟ်အရှင်မြတ်သည်အလွန်အမျက်ထွက်တော်မူသည်။
- ဟဒီးဆ်: အကြင်သူသည် အလ္လာဟ်အရှင်မြတ်မှအပ အခြားတစ်စုံတစ်ရာဖြင့် ကစမ်ကျိန်ဆိုခဲ့လျှင် ထိုသူသည် (ကုဖ်ရ်)သွေဖည်ငြင်းပယ်မှု သို့မဟုတ် (ရှိရ်က်) ဖက်စပ်ယှဉ်တွဲမှု ပြုခြင်းဖြစ်သည်။
- ဟဒီးဆ်: အလ္လာဟ်အရှင်မြတ်က ဟလာလ် ဟူ၍ သတ်မှတ်ထားသည်တို့ကို ၎င်းတို့က ဟရာမ် ဟူ၍ သတ်မှတ်လိုက်သည့်အခါ အသင်တို့သည်လည်း ဟရာမ် ဟူ၍ပင် သတ်မှတ်ခဲ့ကြသည်မဟုတ်လော။ အလ္လာဟ်အရှင်မြတ်က ဟရာမ် ဟူ၍ သတ်မှတ်ထားသည်တို့ကို ၎င်းတို့က ဟလာလ် ဟူ၍ သတ်မှတ်လိုက်သည့်အခါ အသင်တို့သည်လည်း ဟလာလ် ဟူ၍ပင် သတ်မှတ်ခဲ့ကြသည်မဟုတ်လော။ ထိုအခါ ကျွန်တော်က ဟုတ်ပါသည်ဟု ဖြေကြားခဲ့သည်။ ကိုယ်တော်က ဤသည်ပင် ၎င်းတို့အား ခဝပ်ကိုးကွယ်ခြင်းဖြစ်သည် ဟုမိန့်ကြားခဲ့သည်။
- ဟဒီးဆ်: အလ္လာဟ်အရှင်မြတ်၏ ရစူလ်တမန်တော်(ဆွလ္လလ္လာဟုအလိုင်ဟိဝစလ္လမ်)သည် နုရှ်ရဟ်(ဂျာဒူစုန်းပယောဂအား ဂျာဒူစုန်းပယောဂဖြင့် ဖြေပေးခြင်း)နှင့် ပတ်သက်၍ လျှောက်ထားမေးမြန်းခြင်းခံရသည့်အခါ ကိုယ်တော်က ဤသည် ရှိုင်သွာန်၏ လုပ်ရပ်ဖြစ်သည်ဟု မိန့်ကြားတော်မူခဲ့သည်။
- ဟဒီးဆ်: အကြင်သူသည် (အတိတ်နိမိတ်ဆိုးကောက်၍) ထိုနိမိတ်ဆိုးကောက်ခြင်းက သူရည်ရွယ်ထားသည့်ကိစ္စကို ရပ်ဆိုင်းစေခဲ့လျှင် ထိုသူသည် ရှိရ်က်အမှုကို ကျူးလွန်ခြင်းဖြစ်သည်။ သာဝကြီးများက ထိုပြစ်မှုအတွက် အပြစ်ပြေပျောက်စေမည့်အရာ (ကဖ္ဖာရဟ်) မှာအဘယ်အရာပါနည်း ဟု မေးလျှောက်ခဲ့ကြရာ ကိုယ်တော်က အောက်ပါအတိုင်း တောင်းဆုပြုရန် မိန့်ကြားတော်မူသည်။ ( အို အလ္လာဟ်အရှင်မြတ် အရှင်မြတ်ထံရှိသည့် ကောင်းချီးမင်္ဂလာမှအပ အခြားကောင်းချီးမင်္ဂလာဟူ၍ မရှိ၊ အရှင်မြတ်သတ်မှတ်ထားသည့် ပြစ်ဒဏ်၏ မကောင်းမှုမှအပ အခြားနိမိတ်ဆိုးဟူ၍မရှိ၊ အလ္လာဟ်အရှင်မြတ်မှအပ အခြားခဝပ်ကိုးကွယ်ခြင်းခံထိုက်သော အရှင်မရှိ။)
- ဟဒီးဆ်: အကြင်သူသည် အလ္လာဟ်အရှင်မြတ်နှင့်တစ်စုံတစ်ရာကို ရှိရ်က် ယှဉ်တွဲကိုးကွယ်ခြင်းမပြုဘဲ အလ္လာဟ်အရှင်မြတ်နှင့်တွေ့ဆုံခဲ့လျှင် ဂျန္နသ်သုခဘုံသို့ဝင်ရောက်ရမည်။ အကြင်သူသည် အလ္လာဟ်အရှင်မြတ်နှင့် တစ်စုံတစ်ရာအား ရှိရ်က် ယှဉ်တွဲကိုးကွယ်မှုပြု၍ အရှင်မြတ်နှင့် တွေ့ဆုံခဲ့လျှင် ဂျဟန္နမ်ငရဲဘုံသို့ ဝင်ရောက်ရမည်။
- ဟဒီးဆ်: အိဗ်နုအဗ္ဗာစ် (ရဿွိယလ္လာဟုအန်ဟုမာ)က ကုရ်အာန်ကျမ်းလာ အာယတ်တော်ဖြစ်သော (၎င်းပြင် ထို ကျွန်တော်မျိုး၏ အမျိုးသားတို့သည် (လက်အောက်ငယ်သားလူ့ဗာလတို့အား ဤသို့) ပြောဆိုခဲ့ကြပါသည်။ (အချင်းတို့၊) အသင်တို့သည် မိမိတို့၏ ကိုးကွယ်ရာများကို စွန့်ပယ်၍ အလျှင်း မထားကြကုန်လင့်။၎င်းပြင် အသင်တို့သည် “ဝဒ္ဒ်”ဆင်းတုကိုလည်း အလျှင်း မစွန့်ပယ်ကြကုန်လင့်၊ “ဆုဝါအ်”ဆင်းတုကိုလည်း စွန့်ပယ်ခြင်းမပြုကြကုန်လင့်၊ထိုမှတစ်ပါး“ယဂူဆ်”ဆင်းတုကိုလည်းကောင်း၊“ယအူက်”ဆင်းတုကိုလည်းကောင်း၊ “နတ်စ်ရ်”ဆင်းတုကိုလည်းကောင်း၊ စွန့်ပယ်ခြင်းကိုမပြုကြကုန်လင့်။) (ကုရ်အာန် ၇၁း၂၃) ဟူသော အာယတ်နှင့်ပတ်သက်၍ မိန့်ကြားသည်မှာ ဤသည် တမန်တော်နူးဟ် (အလိုင်ဟိစ္စလာမ်) ခေတ်၌ရှိသော သူတော်စင်ကြီးများ၏အမည်များ ဖြစ်ကြသည်။