Ҳадис: Мен сизлар учун энг қўрқадиган нарса бу кичик ширкдир», дедилар. Шунда саҳобалар «Ё Расулуллоҳ, кичик ширк нима?» деб сўрашди. «У риёдир

عَنْ مَحْمُودِ بْنِ لَبِيدٍ رضي الله عنه أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ:
«إِنَّ أَخْوَفَ مَا أَخَافُ عَلَيْكُمُ الشِّرْكُ الْأَصْغَرُ» قَالُوا: وَمَا الشِّرْكُ الْأَصْغَرُ يَا رَسُولَ اللهِ؟ قَالَ: «الرِّيَاءُ، يَقُولُ اللهُ عز وجل لَهُمْ يَوْمَ الْقِيَامَةِ إِذَا جُزِيَ النَّاسُ بِأَعْمَالِهِمْ: اذْهَبُوا إِلَى الَّذِينَ كُنْتُمْ تُرَاؤُونَ فِي الدُّنْيَا، فَانْظُرُوا هَلْ تَجِدُونَ عِنْدَهُمْ جَزَاءً؟».
[حسن] - [رواه أحمد] - [مسند أحمد: 23630]

Маҳмуд ибн Лабид разияллоҳу анҳудан ривоят қилинади: «Расулуллоҳ соллаллоҳу алайҳи ва саллам:
«Мен сизлар учун энг қўрқадиган нарса бу кичик ширкдир», дедилар. Шунда саҳобалар «Ё Расулуллоҳ, кичик ширк нима?» деб сўрашди. «У риёдир. Аллоҳ таоло қиёмат куни бандаларни қилган амалларига яраша ҳисоб-китоб қилганда: «Улар учун риё қилган кимсаларингиз олдига боринглар, қаранглар-чи, уларнинг ҳузурида бирор мукофот топармикансизлар» деб айтади», – деб жавоб бердилар»
[Ҳасан] - [Аҳмад ривояти] - [Муснади Аҳмад - 23630]

Изоҳ

Набий соллаллоҳу алайҳи ва саллам бу ҳадиси шарифда умматлари учун энг қўрққан нарсалари кичик ширк риё эканини хабар бермоқдалар. Риё - одамлар кўришлиги учун амал қилиш. Сўнгра риёкорларнинг Қиёматда олажак жазолари ҳақида шундай дедилар: «Ким учун амал қилган бўлсанглар шунга боринглар, улар учун қилган ишларингиз учун сизга ажру савоб бера олармиканлар?!».

Ҳадиснинг фойдалари

1. Мусулмон кишининг қилган амалида Аллоҳга ихлос қилиши вожиблиги ва риёдан эҳтиёт бўлиш.
2. Пайғамбаримиз соллаллоҳу алайҳи ва салламнинг умматларига бўлган шафқатлари ҳамда уларнинг ҳидоятларига бўлган интилиш ва насиҳатлари.
3. Пайғамбаримиз соллаллоҳу алайҳи ва саллам солиҳларнинг пешволари бўлмиш саҳобаларга мурожаат қилаётиб улар учун риё иллатидан қўрққан бўлсалар, улардан кейингилар учун риёдан қўрқиш авлороқдир.