عن محمود بن لبيد رضي الله عنه مرفوعاً: "أَخْوَفُ ما أخاف عليكم: الشرك الأصغر، فسئل عنه، فقال: الرياء".
[صحيح] - [رواه أحمد]
المزيــد ...

محمود بن لبید رضی اللہ عنہ سے روایت ہے: ”مجھے تمہارے بارے میں جس شے کا سب سے زیادہ خوف ہے وہ شرک اصغر ہے۔ آپ ﷺ سے اس کے بارے میں پوچھا گیا تو آپ ﷺ نے فرمایا: ریاکاری“۔
صحیح - اسے امام احمد نے روایت کیا ہے۔

شرح

اس حدیث میں نبی ﷺ ہمیں بتا رہے ہیں کہ آپ ہمارے بارے میں خوف محسوس کرتے تھے، اور آپ کو ہمارے متعلق جس چیز کا سب سے زیادہ خوف تھا وہ شرک اصغر ہے، کیونکہ آپ ﷺ اپنی امت پر بہت زیادہ شفیق اور مھربان تھے اور آپ ﷺ ہر ایسی بات کے حریص تھے جو ان کی بہتری کا سبب ہو۔ اور اس وجہ سے کہ آپ ﷺ کو شرک اصغر یعنی ریاکاری کے اسباب کی قوت و طاقت اور اس کے محرکات کی کثرت کی جانکاری تھی۔ اس لیے ہو سکتا ہے کہ مسلمان انجانے میں اس کا شکار ہو جائیں اور یہ ان کو نقصان پہنچائے۔ لھٰذا آپ ﷺ نے انہیں اس سے متنبہ فرمایا اور خبردار کیا ہے۔

ترجمہ: انگریزی زبان فرانسیسی زبان اسپینی ترکی زبان انڈونیشیائی زبان بوسنیائی زبان روسی زبان بنگالی زبان چینی زبان فارسی زبان تجالوج ہندوستانی ویتنامی سنہالی ایغور کردی ہاؤسا پرتگالی مليالم تلگو سواحلی تمل بورمی تھائی جرمنی جاپانی پشتو آسامی الباني السويدية الأمهرية
ترجمہ دیکھیں

حدیث کے کچھ فوائد

  1. ریاکاری نیکوکاروں پر دجّال کے فتنہ سے بھی زیادہ خوف ناک ہے۔
  2. ریاکاری اور شرک سے بہرصورت بچنا چاہیے۔
  3. آپ ﷺکی اپنی امّت پر شدید شفقت اور ان کو صحیح راستہ بتانے اور ان کی خیرخواہی کرنے سے شدید دل چسپی۔
  4. شرک کی دو قسمیں ہیں: شرک اکبر اور شرک اصغر۔ شرک اکبر : غیراللہ کو ان چیزوں میں اللہ کے برابر کر دینا، جو اللہ کے لیے خاص ہيں۔ شرک اصغر: وہ کام جسے نصوص میں شرک کہا گیا ہو، لیکن وہ شرک اکبر کی حد تک نہ پہنچے۔ ان دونوں کے درمیان فرق یہ ہے کہ (ا) شرک اکبر تمام اعمال کو برباد کر دیتاہے اور شرک اصغر اسی عمل کو برباد کرتا ہے، جس میں وہ شرک پایا جائے۔ (ب) شرک اکبر کا مرتکب ہمیشہ جہنم میں رہے گا، جب کہ شرک اصغر جہنم میں ہمیشہ ہمیش رہنے کو واجب نہیں کرتا۔(ج) شرک اکبر ملت سے خارج کر دیتا ہے، جب کہ شرک اصغر ملت سے خارج نہیں کرتا۔
مزید ۔ ۔ ۔