عن عبد الله بن عمر رضي الله عنهما مرفوعاً: "من حلف بغير الله قد كفر أو أشرك"
[صحيح] - [رواه الترمذي وأبو داود وأحمد]
المزيــد ...

عبد اللہ بن عمر رضی اللہ عنہما سے روایت ہے کہ نبی ﷺ نے فرمایا: ”جس نے غیر اللہ کی قسم کھائی، اس نے کفر کیا یا شرک کیا“۔
صحیح - اسے امام ترمذی نے روایت کیا ہے۔

شرح

اس حدیث میں آپ ﷺ خبر دینے کے انداز میں منع فرما رہے ہیں کہ جس نے اللہ کے سوا مخلوق میں سے کسی کی قسم کھائی، تو اس نے اس چیز کو اللہ کا شریک بنایا اور اللہ کے ساتھ کفر کیا، اس لیے کہ کسی چیز کی قسم کھانا اس کی تعظیم کا تقاضہ کرتا ہے۔ حالاں کہ حقیقت میں عظمت صرف ایک اللہ کی ہے، لہٰذا صرف اس کی ذات یا صفات میں سے کسی صفت کی قسم کھائی جائے۔

ترجمہ: انگریزی زبان فرانسیسی زبان اسپینی ترکی زبان انڈونیشیائی زبان بوسنیائی زبان روسی زبان بنگالی زبان چینی زبان فارسی زبان تجالوج ہندوستانی ویتنامی سنہالی ایغور کردی ہاؤسا پرتگالی مليالم تلگو سواحلی تمل بورمی تھائی جرمنی جاپانی پشتو آسامی الباني السويدية الأمهرية
ترجمہ دیکھیں

حدیث کے کچھ فوائد

  1. غیر اللہ کی قسم کھانا حرام اور اللہ کے ساتھ شرک و کفر ہے۔
  2. قسم ذریعے تعظیم صرف اللہ سبحانہ و تعالیٰ کا حق ہے۔ لہذا صرف اسی کی قسم کھائی جائے گی۔
  3. غیراللہ کی قسم کھانے سے کوئی کفارہ واجب نہیں ہوتا، کیوں کہ اس میں کفارے کا ذکر نہیں کیا گیاہے۔ البتہ توبہ و استغفار ضروری ہے۔
  4. غیراللہ کی قسم کھانا شرک اصغر ہے۔ کچھ لوگوں کے نزدیک یہ شرک اکبر بھی ہے۔ لیکن درست یہی ہے کہ شرک اصغر ہے اور یہی اکثر علما کی رائے ہے۔
مزید ۔ ۔ ۔