1. ပင်မစာမျက်နှာ
  2. အမျိုးအစားများ
  3. အကီဒဟ် ယုံကြည်ချက်။

ဟဒီးဆ် အိဗ်နုအဗ္ဗာစ် (ရဿွိယလ္လာဟုအန်ဟုမာ)က ကုရ်အာန်ကျမ်းလာ အာယတ်တော်ဖြစ်သော (၎င်းပြင် ထို ကျွန်တော်မျိုး၏ အမျိုးသားတို့သည် (လက်အောက်ငယ်သားလူ့ဗာလတို့အား ဤသို့) ပြောဆိုခဲ့ကြပါသည်။ (အချင်းတို့၊) အသင်တို့သည် မိမိတို့၏ ကိုးကွယ်ရာများကို စွန့်ပယ်၍ အလျှင်း မထားကြကုန်လင့်။၎င်းပြင် အသင်တို့သည် “ဝဒ္ဒ်”ဆင်းတုကိုလည်း အလျှင်း မစွန့်ပယ်ကြကုန်လင့်၊ “ဆုဝါအ်”ဆင်းတုကိုလည်း စွန့်ပယ်ခြင်းမပြုကြကုန်လင့်၊ထိုမှတစ်ပါး“ယဂူဆ်”ဆင်းတုကိုလည်းကောင်း၊“ယအူက်”ဆင်းတုကိုလည်းကောင်း၊ “နတ်စ်ရ်”ဆင်းတုကိုလည်းကောင်း၊ စွန့်ပယ်ခြင်းကိုမပြုကြကုန်လင့်။) (ကုရ်အာန် ၇၁း၂၃) ဟူသော အာယတ်နှင့်ပတ်သက်၍ မိန့်ကြားသည်မှာ ဤသည် တမန်တော်နူးဟ် (အလိုင်ဟိစ္စလာမ်) ခေတ်၌ရှိသော သူတော်စင်ကြီးများ၏အမည်များ ဖြစ်ကြသည်။

عن ابن عباس رضي الله عنهما في قول الله تعالى : (وَقَالُوا لا تَذَرُنَّ آلِهَتَكُمْ وَلا تَذَرُنَّ وَدًّا وَلا سُوَاعًا وَلا يَغُوثَ وَيَعُوقَ وَنَسْرًا) قال: "هذه أسماء رجال صالحين من قوم نوح، فلما هَلَكوا أَوحى الشَّيطان إلى قَومِهِم أنِ انْصِبُوا إلى مَجَالِسِهِم الَّتي كانوا يَجْلِسون فيها أنصَابًا، وسَمُّوها بأسمَائِهِم، فَفَعَلُوا، ولم تُعْبَد، حتَّى إِذَا هَلَك أُولئك ونُسِيَ العلم عُبِدت".

အိဗ်နုအဗ္ဗာစ် (ရဿွိယလ္လာဟုအန်ဟုမာ)က ကုရ်အာန်ကျမ်းလာ အာယတ်တော်ဖြစ်သော (၎င်းပြင် ထို ကျွန်တော်မျိုး၏ အမျိုးသားတို့သည် (လက်အောက်ငယ်သားလူ့ဗာလတို့အား ဤသို့) ပြောဆိုခဲ့ကြပါသည်။ (အချင်းတို့၊) အသင်တို့သည် မိမိတို့၏ ကိုးကွယ်ရာများကို စွန့်ပယ်၍ အလျှင်း မထားကြကုန်လင့်။၎င်းပြင် အသင်တို့သည် “ဝဒ္ဒ်”ဆင်းတုကိုလည်း အလျှင်း မစွန့်ပယ်ကြကုန်လင့်၊ “ဆုဝါအ်”ဆင်းတုကိုလည်း စွန့်ပယ်ခြင်းမပြုကြကုန်လင့်၊ထိုမှတစ်ပါး“ယဂူဆ်”ဆင်းတုကိုလည်းကောင်း၊“ယအူက်”ဆင်းတုကိုလည်းကောင်း၊ “နတ်စ်ရ်”ဆင်းတုကိုလည်းကောင်း၊ စွန့်ပယ်ခြင်းကိုမပြုကြကုန်လင့်။) (ကုရ်အာန် ၇၁း၂၃) ဟူသောအာယတ်နှင့်ပတ်သက်၍ မိန့်ကြားသည်မှာ ဤသည် တမန်တော်နူးဟ် (အလိုင်ဟိစ္စလာမ်) ခေတ်၌ရှိသော သူတော်စင်ကြီးများ၏အမည်များ ဖြစ်ကြသည်။ ၎င်းတို့သေဆုံးကွယ်လွန်သွားကြသောအခါ ရှိုင်သွာန်က ထိုသူတော်စင်ကြီးများ၏ မျိုးနွယ်များဆီသို့ ရောက်လာပြီး အသင်တို့သည် ၎င်းတို့ ထိုင်ခဲ့ကြသော နေရာများ၌ ရုပ်တုဆင်းတုများ ထုလုပ်ပြီး ထိုရုပ်တုများအား ၎င်းတို့၏ အမည်ဖြင့် အမည်ပေးကြလော့ဟု ပြောကြားရာ ၎င်းတို့ကလည်း ဤနည်းအတိုင်းပင် ပြုလုပ်ခဲ့ကြသည်။ ထိုအချိန်ထိ ၎င်းရုပ်တုများသည် ကိုးကွယ်ခြင်းမခံရသေးပေ။ တစ်ဖန် ယင်းသူတို့ သေဆုံးကွယ်လွန်သွားကြပြီး စစ်မှန်သည့် သာသနာ့ပညာလည်း မေ့ပျောက်သွားသောအခါ (နောင်လာနောက်သားတို့ခေတ်တွင်) ထိုရုပ်တုများသည် ကိုးကွယ်ခြင်းခံရလေသည်။

ဤဟဒီးဆ်သည် ဆွဟီးဟ် အဆင့်ရှိသည်။ ဗုခါရီကျမ်း။

ရှင်းလင်းချက်

အိဗ်နုအဗ္ဗာစ်(ရဿွိယလ္လာဟုအန်ဟုမာ)က ဤအာယတ်တော်နှင့် ပတ်သက်ပြီး ရှင်းလင်းတင်ပြသည်မှာ အလ္လာဟ်အရှင်မြတ် ဖော်ပြထားသော ထိုကိုးကွယ်ရာများသည် (နူးဟ် (အလိုင်ဟိစ္စလာမ်)က မိမိ၏ အွမ္မသ်နောက်လိုက်သားများအား ထိုရုပ်တုများကို အလ္လာဟ်အရှင်မြတ်နှင့် ဖက်စပ်ကိုးကွယ်ခြင်းမှ တားမြစ်ပြီးနောက်တွင်လည်း ယင်းနောက်လိုက်သားများသည် ထိုရုပ်တုများကို စဥ်ဆက်မပျက် ကိုးကွယ်ကြရန် အချင်းချင်း မှာကြားကြသည်။) အမှန်တကယ်တွင် ၎င်းတို့အနက်မှ သူတော်စင်များ၏ အမည်နာမများသာ ဖြစ်ကြသည်။ ၎င်းတို့သည် ရှိုင်သွာန်၏လှည့်စားမှုကြောင့် ထိုသူတော်စင်များအား အကြည်ညို လွန်ကဲ၍ ၎င်းတို့၏ ပုံစံဖြင့် ရုပ်ပုံများပြုလုပ်လာကြသည်။ ဤရုပ်ပုံများသည် အလ္လာဟ်အရှင်မြတ်မှအပ ကိုးကွယ်ခြင်းခံရသော ရုပ်တုများအဆင့်သို့ ရောက်ရှိသွားသည်။

ဟဒီးဆ်မှ သိမှတ်ဖွယ်ရာများ

  1. သူတော်စင်များအား အကြည်ညိုလွန်ကဲခြင်းသည် ၎င်းတို့အား အလ္လာဟ်အရှင်မြတ်မှအပ ခပ်ဝပ်ကိုးကွယ်ရန်နှင့် သာသနာတစ်ခုလုံးအား စွန့်လွှတ်ရန်အတွက် အကြောင်းခံဖြစ်သည်။
  2. ဓါတ်ပုံများရိုက်ကူးခြင်းနှင့် ရုပ်ပုံများချိတ်ဆွဲခြင်းတို့မှ သတိပေးတားမြစ်ထားသည်။ အထူးသဖြင့် အကြီးအကဲများ၏ ရုပ်ပုံများကို ချိတ်ဆွဲခြင်းအား သတိပေးတားမြစ်ထားသည်။
  3. ရှိုင်သွာန်၏ လှည့်ဖြားမှုနှင့် ၎င်းသည် လမ်းမှားမှုကို အမှန်တရားပုံစံမျိုးဖြင့် တင်ပြကြောင်း သတိပေးထားသည်။
  4. ဗိဒ်အသ် တရားသစ်တီထွင်မှုများအား ပြုလုပ်သူ၏ ရည်ရွယ်ချက်သည် ကောင်းမွန်နေလျှင်လည်း ၎င်းတို့မှ ရှောင်ကြဉ်ရန် သတိပေးထားသည်။
  5. ဓါတ်ပုံရိုက်ကူးခြင်းသည် (ရှိရ်က်)ဖက်စပ်ကိုးကွယ်ခြင်းဘက်သို့ ပို့ဆောင်ပေးသော အကြောင်းခံများအနက်မှ ဖြစ်သည်။ ထို့ကြောင့် သက်ရှိများအား ရိုက်ကူးခြင်းမှ ရှောင်ကြဉ်ရန် အရေးကြီးပေသည်။
  6. အိလ်မ်အသိပညာရှိခြင်း၏ တန်ဖိုးနှင့် အသိပညာမရှိခြင်း၏ ဆိုးကျိုးကို သိရှိရသည်။
  7. အသိပညာ ပျောက်ကွယ်ရခြင်း၏ အကြောင်းရင်းသည် ပညာရှင်များ ကွယ်လွန်သွားခြင်းကြောင့် ဖြစ်သည်။
  8. မျက်စိစုံမှိတ် နောက်လိုက်မှုပြုခြင်းမှ သတိပေးတားမြစ်ထားသည်၊ အမှန်တကယ်ပင် ထိုသို့နောက်လိုက်မှုပြုခြင်းသည် တစ်ခါတစ်ရံ ယင်းနောက်လိုက်သူအား အစ္စလာ့မ်ဘောင်အပြင်သို့ ရောက်စေသည်။
  9. ရှိရ်က်ဖက်စပ်ယှဉ်တွဲကိုးကွယ်မှုသည် လွန်လေပြီးသော အွမ္မသ်သားများတွင် ရှိခဲ့သည်။
  10. တင်ပြထားသော အမည်ငါးခုသည် နူးဟ်(အလိုင်ဟိစ္စလာမ်)၏ နောက်လိုက်သားများ၏ ကိုးကွယ်ရာများ အနက်မှဖြစ်ကြသည်။
  11. လမ်းမှားနေသူများသည် မိမိတို့၏လမ်းမှားမှုအပေါ် အချင်းချင်း ကူညီရိုင်းပင်းကြကြောင်း တင်ပြထားသည်။
  12. ကာဖိရ်အားလုံးကို ခြုံငုံ၍ မကောင်း ဆုတောင်းခွင့်ရှိသည်။

ဘာသာပြန်များကို ကြည့်ရှုရန်

28 ဘာသာစကား
EN English الإنجليزية
UR اردو الأوردية
ES Español الإسبانية
ID Indonesia الإندونيسية
UG ئۇيغۇرچە الأيغورية
BN বাংলা البنغالية
FR Français الفرنسية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
DE Deutsch الألمانية
JA 日本語 اليابانية
PS پښتو بشتو
AS অসমীয়া الأسامية
SQ Shqip الألبانية