حدیث: د الله تعالی دا قول (وَقَالُوا لا تَذَرُنَّ آلِهَتَكُمْ وَلا تَذَرُنَّ وَدًّا وَلا سُوَاعًا وَلا يَغُوثَ وَيَعُوقَ وَنَسْرًا) او ويې ویل (خپلو خلکو ته): تاسو خپل معبودان مه پرېږدئ او تاسو مه پرېږدئ (عبادت د) وَد، او نه (د) سُواع او نه (د) یغوث او یعوق اونسر. ابن عباس - رضي الله عنهما -فرمایلي : دا د نوح له قوم څخه د نیکانو سړیو نومونه دي.

عن ابن عباس رضي الله عنهما في قول الله تعالى : (وَقَالُوا لا تَذَرُنَّ آلِهَتَكُمْ وَلا تَذَرُنَّ وَدًّا وَلا سُوَاعًا وَلا يَغُوثَ وَيَعُوقَ وَنَسْرًا) قال: "هذه أسماء رجال صالحين من قوم نوح، فلما هَلَكوا أَوحى الشَّيطان إلى قَومِهِم أنِ انْصِبُوا إلى مَجَالِسِهِم الَّتي كانوا يَجْلِسون فيها أنصَابًا، وسَمُّوها بأسمَائِهِم، فَفَعَلُوا، ولم تُعْبَد، حتَّى إِذَا هَلَك أُولئك ونُسِيَ العلم عُبِدت".
[صحيح] - [رواه البخاري]

ابن عباس - رضي الله عنهما - د الله تعالی د دې قول اړوند : (وَقَالُوا لا تَذَرُنَّ آلِهَتَكُمْ وَلا تَذَرُنَّ وَدًّا وَلا سُوَاعًا وَلا يَغُوثَ وَيَعُوقَ وَنَسْرًا) فرمایي: دا د نو ح - علیه السلام - له قوم څخه د نیکانو سړیو نومونه دي، کله چې هغوی وفات شول، شیطان یې قومونو ته په فکر کې وروغورځوله چې خپلو مجلسونو او د ناستې په ځایونو کې بتان نصب کړئ او د دوی په نومونو یې ونوموئ، نو دوی دا کار وکړ، خو عبادت یې ونه شو، تر دې چې هغوی مړ شول، علم له منځه لاړه او د - همغو - بتانو عبادت وشو.
[صحيح] - [بخاري روايت کړی دی]

تشریح

ابن عباس - رضي الله عنهما - دا آیت کریمه داسې تفسیروي: دغه معبودان چې الله تعالی یې په اړه یادونه کړې ده، د نوح - علیه السلام - قوم یې په اړه یو بل ته په خپلو کې په پرلپسې توګه د عبادت سپارښتنه وکړه، وروسته لدې چې د هغوی پيغمبر نوح - علیه السلام - هغوی په الله تعالی له شرک څخه منع کړل- ویې ویل - دا په اصل کې د هغوی د نیکانو خلکو نومونه دي ، هغوی شیطان تیرویستل تر دې چې د - نیکانو- مجسمې یې نصب کړې، دا خبره دې حد ته ورسیده چې په بتانو واوښتل او له الله پرته یې عبادت وشو.