ဟဒီးဆ်: ဧကန်အမှန်ပင် လူတို့အနက် အဆိုးဆုံးသူများသည် အသက်ရှင်လျက် ကိယာမသ်ကို ကြုံကြိုက်ရသူများနှင့် ကဗရ်သင်္ချိုင်းများကို ဦးချရာနေရာ (ဗလီဝတ်ကျောင်းတော်) များအဖြစ် ပြုလုပ်ကြသူများဖြစ်သည်။
عن عبد الله بن مسعود رضي الله عنه مرفوعاً: "إن من شرار الناس من تُدركهم الساعة وهم أحياء، والذين يتخذون القبور مساجد".
[حسن] - [رواه أحمد]
المزيــد ...
အဗ်ဒုလ္လာဟ်ဗင်န်မတ်စ်အူးဒ် (ရဿွိယလ္လာဟုအန်ဟု)က တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)ထံမှ ဆင့်ပြန်တော်မူခဲ့သည်။ ဧကန်အမှန်ပင် လူတို့အနက် အဆိုးဆုံးသူများသည် အသက်ရှင်လျက် ကိယာမသ်ကို ကြုံကြိုက်ရသူများနှင့် ကဗရ်သင်္ချိုင်းများကို ဦးချရာနေရာ (ဗလီဝတ်ကျောင်းတော်)များအဖြစ် ပြုလုပ်ကြသူများဖြစ်သည်။
[ဤဟဒီးဆ်သည် ဟစန်အဆင့်ရှိသည်။] - [အိမာမ် အဟ်မဒ် ဆင့်ပြန်ခဲ့သည်။]
တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)က အသိပေးမိန့်ကြားထားသည်မှာ အသက်ရှင်လျက်နှင့် ကိယာမသ်ကို ကြုံရသူများသည် အဆိုးဆုံးသောသူများဖြစ်ကြသည်။ ထို့ပြင် ထိုအဆိုးဆုံးသူများထဲတွင် ကဗရ်သင်္ချိုင်းများတွင် လည်းကောင်း၊ သင်္ချိုင်းများ ဘက်သို့လှည့်၍ လည်းကောင်း ဆွလာသ်ဆောက်တည်ကြသူများနှင့် သင်္ချိုင်းများပေါ်တွင် (ဂွန်ဗဒ်)အမိုးခုံးများတည်ဆောက်ကြသူများ ပါဝင်သည်။ ဤသည် မိမိ၏ အွမ္မသ်နောက်လိုက်သားများအား မိမိတို့၏နဗီတမန်တော်များနှင့် သူတော်စဉ်များ၏ ကဗရ်သင်္ချိုင်းများတွင် ထိုအဆိုးဆုံးသူများက လုပ်ဆောင်ခဲ့ကြသည့် လုပ်ရပ်မျိုး မလုပ်ဆောင်ကြရန် သတိပေး တားမြစ်ထားခြင်းဖြစ်သည်။
ဟဒီးဆ်မှ သိမှတ်ဖွယ်ရာများ
- ကိယာမသ် ကမ္ဘာပျက်မည်ကို အတည်ပြုထားသည်။
- ကိယာမသ်သည် အဆိုးဆုံးသူများအပေါ်တွင် ဆိုက်ရောက်လိမ့်မည်။
- သင်္ချိုင်းများပေါ်တွင် မတ်စ်ဂျစ်ဒ်(ဗလီဝတ်ကျောင်းတော်)များဆောက်လုပ်ခြင်း၊ သို့မဟုတ် အဆောက်အအုံမရှိလျှင်လည်း သင်္ချိုင်းတွင် ဆွလာသ်ဆောက်တည်ခြင်းအား တားမြစ်ထားသည်။ အဘယ်ကြောင့်ဆိုသော် မတ်စ်ဂျစ်ဒ် ဟူသည် အဆောက်အအုံ မရှိသည့်တိုင် (စဂ်ျဒဟ်)ပျဝပ်ဦးချသည့်နေရာအား ခေါ်ဆိုသည့် အမည်ဖြစ်သည်။
- ကဗရ်သင်္ချိုင်းများတွင် ဆွလာသ်ဆောက်တည်ခြင်းသည် (ရှိရ်က်)ဖက်စပ်ယှဉ်တွဲကိုးကွယ်မှုသို့ ကျရောက်ရန် အကြောင်းခံဖြစ်သဖြင့် သတိပေးတားမြစ်ထားသည်။
- အကြင်သူသည် သူတော်စင်တို့၏သင်္ချိုင်းများတွင် ဆွလာသ်ဆောက်တည်ရန်အတွက် မတ်စ်ဂျစ်ဒ်(ဗလီ)များအား အလ္လာဟ်အရှင်မြတ်နှင့်နီးကပ်မှုရရှိရန် ရည်ရွယ်ချက်ထား၍ ဆောက်လုပ်လျှင်လည်း ထိုသူသည် အဖန်ဆင်းခံများအနက် အဆိုးဆုံးသူသာဖြစ်သည်။
- (ရှိရ်က်) ဖက်စပ်ယှဉ်တွဲကိုးကွယ်ခြင်း၊ ၎င်း၏အကြောင်းခံများနှင့် ၎င်း(ရှိရ်က်)နှင့်နီးစပ်စေသည့် အရာများမှ သတိပေးတားမြစ်ထားသည်။ ထိုအကြောင်းခံများကို ပြုလုပ်သူသည် မည်သည့်ရည်ရွယ်ချက်ဖြင့် ပြုလုပ်သည်ဖြစ်စေ တားမြစ်ချက်တွင် ပါဝင်သည်။
- တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)က ကဗရ်သင်္ချိုင်းများတွင် မတ်စ်ဂျစ်ဒ်(ဗလီ)များ တည်ဆောက်ခြင်းတို့ ဖြစ်ပေါ်လာမည်ကို ကြိုတင်သတင်းပေးထားခြင်းသည် ကိုယ်တော်၏ မုအ်ဂျိဇဟ်အနက်မှ ဖြစ်သည်။
အမျိုးအစားများ
ထပ်၍
- ဟဒီးဆ်: အကြင်သူသည် တစ်ပါးတည်းဖြစ်တော်မူသော၊ ဖက်စပ်ယှဉ်တွဲခြင်းကင်းသော အလ္လာဟ်အရှင်မြတ်မှအပ အခြားခဝပ်ကိုးကွယ်ခံထိုက်တော်မူသော အရှင်မရှိကြောင်းနှင့် မုဟမ္မဒ်သည် အလ္လာဟ်အရှင်မြတ်၏ ကျွန်နှင့် ရစူလ်တမန်တော်ဖြစ်တော်မူကြောင်း၊ အီစာ (အလိုင်ဟိစ္စလာမ်)သည် အလ္လာဟ်အရှင်မြတ်၏ ကျွန်နှင့် ရစူလ်တမန်တော်ဖြစ်တော်မူပြီး မရ်ယမ်သခင်မထဲသို့ထည့်သွင်းပေးခဲ့သည့် အလ္လာဟ်အရှင်မြတ်၏ (ကလိမဟ်) မုက္ခပါဌ်တော်နှင့် အရှင်မြတ်ထံတော်မှ(ဖန်ဆင်းခဲ့သည့်)ဝိညာဉ်တော်ဖြစ်ကြောင်း၊ ဂျန္နသ်သုခဘုံသည် အမှန်ဖြစ်ကြောင်း၊ ဂျဟန္နမ်ငရဲဘုံသည် အမှန်ဖြစ်ကြောင်း သက်သေခံခဲ့လျှင် ၎င်း၏အမလ်ကျင့်ဆောင်မှုသည် မည်သို့ပင်ဖြစ်စေ အလ္လာဟ်အရှင်မြတ်သည် သူ့အား ဂျန္နသ်သုခဘုံသို့ ဝင်ရောက်စေတော်မူမည်။
- ဟဒီးဆ်: တစ်ရက်တွင် ကျွန်တော်တို့သည် အလ္လာဟ်အရှင်မြတ်၏ ရစူလ်တမန်တော်ထံ၌ ထိုင်နေကြစဉ် လွန်စွာဖြူဖွေးသည့်အဝတ်အစားများ ဝတ်ဆင်ထားပြီး အလွန်မည်းနက်သော ဆံပင်ရှိသည့် ပုဂ္ဂိုလ်တစ်ဦး ကျွန်တော်တို့ရှေ့၌ ရုတ်တရက် ရောက်ရှိလာခဲ့သည်။ ထိုသူ၌ ခရီးထွက်လာသည့်လက္ခဏာ မတွေ့ရသလို ကျွန်တော်တို့ထဲတွင် သူ့ကိုသိသူ တစ်ဦးမျှလည်းမရှိပေ။
- ဟဒီးဆ်: အို - ငါအရှင်၏ကျွန်အပေါင်းတို့ ငါအရှင်မြတ်သည် မတရားမှုကို မိမိအပေါ်တွင် ဟရာမ် အဖြစ်သတ်မှတ်ထားတော်မူသည်။ ထို့အတူ အသင်တို့ ကြား၌လည်း ၎င်းအား ဟရာမ်အဖြစ် သတ်မှတ်တော်မူလိုက်သည်။ သို့ရှိရာ အသင်တို့အချင်းချင်း မတရားမှုမပြုကြလေနှင့်။ အို - ငါအရှင်၏ကျွန်အပေါင်းတို့ ငါအရှင်လမ်းမှန်တရားချီးမြှင့်သူမှအပ အသင်တို့အားလုံးသည် လမ်းမှားနေကြသူများဖြစ်ကြသည်။ သို့ရှိရာ အသင်တို့သည် ငါအရှင့်ထံတော်ပါးတွင် လမ်းမှန်တရားကို တောင်းခံကြလေကုန်၊ ငါအရှင်မြတ်သည် အသင်တို့အား လမ်းမှန်တရား ချီးမြှင့်တော်မူမည်။
- ဟဒီးဆ်: ဧကန်အမှန် အလ္လာဟ်အရှင်မြတ်သည် မတရားပြုသူအား အချိန်ဆိုင်းငံ့ခွင့် ပေးထားတော်မူသည်။ အရှင်မြတ်က ၎င်းအား အရေးယူသည့်အခါ လွတ်မြောက်ခွင့် ပေးမည်မဟုတ်ပေ။
- ဟဒီးဆ်: ကလိမဟ်တော် ရေးသားထားသည့် စက္ကူငယ်ဆိုင်ရာ ဟဒီးဆ်တော်။
- ဟဒီးဆ်: အလ္လာဟ်အရှင်မြတ်သည်ဂျန္နသ်နှင့် ဂျဟန္နမ်ကိုဖန်ဆင်းပြီးသည့်နောက် ဂျစ်ဗ်ရီလ် (အလိုင်းဟိစ္စလာမ်)အား စေလွှတ်တော်မူခဲ့၏။
- ဟဒီးဆ်: အလ္လာဟ်အရှင်မြတ်သည် ကမ္ဘာမြေအားလက်တစ်ဆုပ်ထဲ၌ယူတော်မူမည်။