Hadith: ((ب ڕاستی ژ خرابترینێ مرۆڤان ئه‌ون یێن قیامه‌ت ب سه‌ر واندا دهێت و ئه‌و د ساخ و ئه‌وێن گۆڕان (قه‌بران) دكه‌نه‌ مزگه‌فت))

عَنْ عَبْدِ اللَّهِ بن مسعودٍ رضي الله عنه قَالَ: سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ:
«إِنَّ مِنْ شِرَارِ النَّاسِ مَنْ تُدْرِكُهُ السَّاعَةُ وَهُمْ أَحْيَاءٌ، وَمَنْ يَتَّخِذُ الْقُبُورَ مَسَاجِدَ».
[حسن] - [رواه أحمد] - [مسند أحمد: 3844]

عه‌بدولڵاهێ كوڕێ مه‌سعوودی (خودێ ژێ ڕازی بیت) دبێژیت: من گوهـ ل پێغه‌مبه‌رێ خودێ (صه‌لات و سه‌لامێن خودێ ل سه‌ر بن) بوو دگۆت:
((ب ڕاستی ژ خرابترینێ مرۆڤان ئه‌ون یێن قیامه‌ت ب سه‌ر واندا دهێت و ئه‌و د ساخ و ئه‌وێن گۆڕان (قه‌بران) دكه‌نه‌ مزگه‌فت)).
[حسن] - [رواه أحمد] - [مسند أحمد - 3844]

Explanation

پێغه‌مبه‌ر (صه‌لات و سه‌لامێن خودێ ل سه‌ر بن) به‌حسێ خرابترینێ مرۆڤان دكه‌ت، ئه‌و ژی ئه‌ون یێن قیامه‌ت ب سه‌ر واندا دهێت و ئه‌و هێشتا د ساخن، و ئه‌وێن گۆڕستانان دكه‌نه‌ مزگه‌فت و ل ده‌ڤ وان و به‌ره‌ڤ وان نڤێژان دكه‌ن.

Benefits from the Hadith

1. حه‌رامبوونا ئاڤاكرنا مزگه‌فتان ل سه‌ر گۆڕان، چونكی ئه‌ڤه‌ ڕێكه‌كه‌ بۆ هه‌ڤپشك دروستكرنێ بۆ خودێ (شركێ).
2. حه‌رامبوونا نڤێژكرنێ ل ده‌ڤ گۆڕان هه‌تا ئه‌گه‌ر ئاڤاهی ژی نه‌بیت، چونكی مزگه‌فت ناڤه‌ بۆ هه‌ر جهه‌كێ سوجده‌ لێ بهێته‌ برن، هه‌تا ئه‌گه‌ر ئاڤاهی ژی نه‌بیت.
3. هه‌ر كه‌سێ گۆڕێن مرۆڤێن چاك بكه‌ته‌ مزگه‌فت بۆ نڤێژێ، ئه‌و ژ خرابترینێ مرۆڤانه‌، هه‌تا ئه‌گه‌ر مه‌ره‌ما وی پێ نێزیكبوونا خودێ ژی بیت.