ഹദീസ്: അന്ത്യനാൾ സംഭവിക്കുമ്പോൾ ജീവിച്ചിരിക്കുന്നവരും, ഖബറുകൾക്ക് മീതെ മസ്ജിദുകൾ നിർമ്മിക്കുന്നവരും ഏറ്റവും മോശക്കാരായ ജനങ്ങളിൽ പെട്ടവരാണ്.
عن عبد الله بن مسعود رضي الله عنه مرفوعاً: "إن من شرار الناس من تُدركهم الساعة وهم أحياء، والذين يتخذون القبور مساجد".
[حسن] - [رواه أحمد]
المزيــد ...
അബ്ദുല്ലാഹി ബ്നു മസ്ഊദ് -رَضِيَ اللَّهُ عَنْهُ- നിവേദനം: നബി -ﷺ- പറഞ്ഞു: "തീർച്ചയായും ഏറ്റവും മോശക്കാരായ ജനങ്ങളിൽ പെട്ടവരാണ് അന്ത്യനാൾ സംഭവിക്കുമ്പോൾ ജീവിച്ചിരിക്കുന്നവരും, ഖബറുകൾക്ക് മീതെ മസ്ജിദുകൾ നിർമ്മിക്കുന്നവരും."
ഹസൻ - അഹ്മദ് ഉദ്ധരിച്ചത്
അന്ത്യനാൾ സംഭവിക്കുമ്പോൾ ജീവിച്ചിരിക്കുന്നവരെ കുറിച്ച് അവർ ഏറ്റവും മോശം ജനങ്ങളിൽ പെട്ടവരാണെന്ന് നബി -ﷺ- അറിയിക്കുന്നു. ഖബറുകൾക്ക് അരികിലോ, ഖബറുകളിലേക്ക് തിരിഞ്ഞു കൊണ്ടോ നിസ്കരിക്കുകയും, ഖബറുകൾക്ക് മീതെ ഖുബ്ബകൾ കെട്ടിപ്പടുക്കുകയും ചെയ്യുന്നവരും അതിൽ പെടുന്നതാണ്. അധർമ്മികളായ അക്കൂട്ടർ പ്രവർത്തിച്ചത് പോലെ, തങ്ങളുടെ നബിമാരുടെയും സ്വാലിഹീങ്ങളുടെയും ഖബറുകളുടെ കാര്യത്തിൽ ചെയ്തു കൂട്ടരുത് എന്ന് തൻ്റെ ഉമ്മത്തിനോട് താക്കീത് നൽകുകയാണ് നബി -ﷺ- ഈ ഹദീഥിലൂടെ.
ഹദീഥിൻ്റെ പാഠങ്ങളിൽ നിന്ന്
- * അന്ത്യനാൾ സംഭവിക്കുന്നതാണ്.
- * അന്ത്യനാൾ സംഭവിക്കുക ജനങ്ങളിൽ ഏറ്റവും മോശക്കാരായ മനുഷ്യരുടെ മേലായിരിക്കും.
- * ഖബറുകൾക്ക് മീതെ മസ്ജിദുകൾ കെട്ടിപ്പടുക്കുകയോ, ഖബറുകൾക്ക് അരികിൽ - ഒന്നും കെട്ടിപ്പടുത്തില്ലെങ്കിലും - നമസ്കരിക്കുകയോ ചെയ്യുന്നത് നിഷിദ്ധമാണ്. കാരണം മസ്ജിദ് എന്ന പദം സുജൂദ് ചെയ്യുന്ന ഏതൊരു സ്ഥലത്തിനും പ്രയോഗിക്കാവുന്ന പദമാണ്; അവിടെ ഒരു കെട്ടിടമില്ലെങ്കിലും (സുജൂദ് ചെയ്യപ്പെടുന്ന സ്ഥലമാണെങ്കിൽ അത് മസ്ജിദാണ്).
- * ഖബറുകൾക്ക് അരികിൽ നമസ്കരിക്കുന്നതിൽ നിന്നുള്ള ശക്തമായ താക്കീത്. കാരണം അത് ശിർക്കിലേക്ക് നയിക്കുന്ന മാർഗമാണ്.
- * സ്വാലിഹീങ്ങളുടെ ഖബറുകളെ നമസ്കരിക്കാനുള്ള മസ്ജിദുകളാക്കിയവർ സൃഷ്ടികളിൽ ഏറ്റവും മോശക്കാരാണ്. അങ്ങനെ പ്രവർത്തിക്കുന്നതിലൂടെ അവൻ ഉദ്ദേശിക്കുന്നത് അല്ലാഹുവിലേക്ക് സാമീപ്യം തേടുക എന്നതാണെങ്കിൽ പോലും അത് ഏറ്റവും കടുത്ത തിന്മയാണ്.
- * ശിർക്കിൽ നിന്നും, അതിൻ്റെ മാർഗങ്ങളിൽ നിന്നും, അതിലേക്ക് അടുപ്പിക്കുന്ന കാര്യങ്ങളിൽ നിന്നും ഈ ഹദീഥ് താക്കീത് നൽകുന്നു. ഇതെല്ലാം പ്രവർത്തിക്കുന്നവരുടെ ഉദ്ദേശം എന്തു തന്നെ ആയിരുന്നാലും.
- * നബി -ﷺ- യുടെ സത്യസന്ധത തെളിയിക്കുന്ന അത്ഭുതദൃഷ്ടാന്തമാണ് ഈ ഹദീഥ്. അവിടുന്ന് അറിയിച്ച രൂപത്തിൽ ഖബറുകൾക്ക് മീതെ കെട്ടിപ്പടുക്കുക എന്ന സമ്പ്രദായം പിന്നീട് ഉടലെടുത്തു.
വിഭാഗങ്ങൾ
കൂടുതൽ
- ഹദീസ്: അല്ലാഹുവല്ലാതെ ആരാധനക്ക് അർഹനായി മറ്റാരുമില്ലെന്നും (ലാ ഇലാഹ ഇല്ലല്ലാഹ്), (ആരാധിക്കപ്പെടാനുള്ള അർഹത) അവന് മാത്രമേയുള്ളുവെന്നും, അതിൽ അവന് ഒരു പങ്കാളിയും ഇല്ലെന്നും, മുഹമ്മദ് നബി -ﷺ- അല്ലാഹുവിൻ്റെ അടിമയും അവൻ്റെ ദൂതനുമാണെന്നും (മുഹമ്മദുൻ അബ്ദുഹു വ റസൂലുഹു), ഈസ -عَلَيْهِ السَّلَامُ- അല്ലാഹുവിൻ്റെ അടിമയും അവൻ്റെ ദൂതനും, മർയമിലേക്ക് ഇട്ടുനൽകിയ അല്ലാഹുവിൻ്റെ വചനവും, അവൻ്റെ പക്കൽ നിന്നുള്ള ആത്മാവുമാണെന്നും, സ്വർഗം സത്യമാണെന്നും, നരകം സത്യമാണെന്നും ഒരാൾ സാക്ഷ്യം വഹിച്ചാൽ - അവൻ്റെ പ്രവർത്തനത്തിൻ്റെ അടിസ്ഥാനത്തിൽ - അല്ലാഹു അവനെ സ്വർഗത്തിൽ പ്രവേശിപ്പിക്കുന്നതാണ്.
- ഹദീസ്: ഒരു ദിവസം ഞങ്ങൾ നബി -ﷺ- യുടെ അരികിൽ ഇരിക്കുന്ന വേളയിൽ ഒരു വ്യക്തി ഞങ്ങൾക്കിടയിലേക്ക് കടന്നു വന്നു. തൂവെള്ള നിറമുള്ള വസ്ത്രവും, കറുകറുത്ത മുടിയുമാണ് അദ്ദേഹത്തിൻ്റേത്. യാത്രയുടെ അടയാളങ്ങളൊന്നും അദ്ദേഹത്തിൽ കാണപ്പെട്ടില്ല. ഞങ്ങളിലാർക്കും അദ്ദേഹത്തെ അറിയുകയുമില്ല.
- ഹദീസ്: എൻ്റെ അടിമകളേ! അനീതി ഞാൻ എൻ്റെ മേൽ നിഷിദ്ധമാക്കിയിരിക്കുന്നു. അത് നിങ്ങൾക്കിടയിലും ഞാൻ നിഷിദ്ധമാക്കിയിരിക്കുന്നു. അതിനാൽ നിങ്ങൾ പരസ്പരം അനീതി പ്രവർത്തിക്കാതിരിക്കുക. എൻ്റെ അടിമകളേ! നിങ്ങളെല്ലാം വഴിപിഴച്ചവരാണ്; ഞാൻ സന്മാർഗം നൽകിയവരൊഴികെ. അതിനാൽ നിങ്ങൾ എന്നോട് സന്മാർഗം ചോദിക്കുക; ഞാൻ നിങ്ങളെ അതിലേക്ക് നയിക്കാം.
- ഹദീസ്: അല്ലാഹു അതിക്രമിക്ക് അവധി നൽകുന്നതാണ്; അങ്ങനെ അവനെ പിടികൂടിയാൽ പിന്നെ അവനെ രക്ഷപ്പെടാൻ വിടുന്നതല്ല.
- ഹദീസ്: അന്ത്യനാളിൽ അല്ലാഹു സർവ്വ സൃഷ്ടികൾക്കും ഇടയിൽ നിന്ന് എൻ്റെ ഉമ്മത്തിൽ പെട്ട ഒരാളെ തിരഞ്ഞെടുക്കുന്നതാണ്
- ഹദീസ്: അല്ലാഹു സ്വർഗത്തെയും നരകത്തെയും സൃഷ്ടിച്ചപ്പോൾ ജിബ്രീലിനെ -عَلَيْهِ السَّلَامُ- സ്വർഗത്തിലേക്ക് അയച്ചു
- ഹദീസ്: അല്ലാഹു ഭൂമിയെ കൈപ്പിടിയിലാക്കുകയും, തൻ്റെ വലതു കൈ കൊണ്ട് ആകാശത്തെ ചുരുട്ടുകയും ചെയ്യുന്നതാണ്. ശേഷം അവൻ പറയും: ഞാനാകുന്നു സർവ്വാധിരാജനായ മലിക്! ഭൂമിയിലെ രാജാക്കന്മാരെവിടെ?!