فەرموودە: ((ههر كهسێ گازییێ بۆ ڕێكهكا ڕاست بكهت، خێرا وی وهكی خێرا وان كهسان ههمییانه یێن ل دویڤ وی كهڤتین، بێی كو تشتهك ژ خێرا وان كێم ببیت
عَنْ أَبِي هُرَيْرَةَ رضي الله عنه أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ:
«مَنْ دَعَا إِلَى هُدًى كَانَ لَهُ مِنَ الْأَجْرِ مِثْلُ أُجُورِ مَنْ تَبِعَهُ، لَا يَنْقُصُ ذَلِكَ مِنْ أُجُورِهِمْ شَيْئًا، وَمَنْ دَعَا إِلَى ضَلَالَةٍ كَانَ عَلَيْهِ مِنَ الْإِثْمِ مِثْلُ آثَامِ مَنْ تَبِعَهُ، لَا يَنْقُصُ ذَلِكَ مِنْ آثَامِهِمْ شَيْئًا».
[صحيح] - [رواه مسلم] - [صحيح مسلم: 2674]
المزيــد ...
ئهبو هورهیره (خودێ ژێ ڕازی بیت) دبێژیت: پێغهمبهرێ خودێ (صهلات و سهلامێن خودێ ل سهر بن) گۆت:
((ههر كهسێ گازییێ بۆ ڕێكهكا ڕاست بكهت، خێرا وی وهكی خێرا وان كهسان ههمییانه یێن ل دویڤ وی كهڤتین، بێی كو تشتهك ژ خێرا وان كێم ببیت، و ههر كهسێ گازییێ بۆ ڕێكهكا لادان و سهرداچوونێ بكهت، گونهها وی وهكی گونهها وان كهسان ههمییانه یێن ل دویڤ وی كهڤتین، بێی كو تشتهك ژ گونهها وان كێم ببیت)).
[صحيح] - [رواه مسلم] - [صحيح مسلم - 2674]
پێغهمبهری (صهلات و سهلامێن خودێ ل سهر بن) دیار كر كو ههر كهسێ بهرێ خهلكی بدهته ڕێكهكێ كو خێر و باشی و حهقی تێدا ههبیت، چ ب ئاخڤتن بیت یان ب كریار؛ هنگی خێرا وی وهكی خێرا وان كهسان ههمییانه یێن كار ب شیرهتا وی كری، بێی كو تشتهك ژ خێرا وان كێم ببیت و ههر كهسێ خهلكی بهرهڤ ڕێكهكا خهلهت و خراب و گونههێ یان تشتهكێ نهدروستڤه ببهت، چ ب ئاخڤتن بیت یان ب كریار؛ هنگی گونهها وی وهكی گونهها وان كهسان ههمییانه یێن كار ب فهرمانا وی كری، بێی كو تشتهك ژ گونهها وان كێم ببیت.
لە سوودەکانی فەرموودەکە
- قهدر و بهایێ گازییا بۆ ڕێكا ڕاست، چ كێم بیت یان زێده و خێرا وی كهسێ ب ئهركێ گازییێ ڕادبیت وهكی خێرا وی كهسییه یێ كار پێ دكهت و ئهڤه ژ قهنجی و كهرهما خودێ يا مەزنە.
- مهترسییا گازییا بۆ لادان و سهرداچوونێ، چ كێم بیت یان زێده، و گونهها وان كهسان ههمییان دكهڤیته سهر ملێ گازیكاری یێن كار ب وی تشتی كری یێ وی بهرێ وان دایێ.
- خهلات ژ ڕهگهزێ كریارێیه، یێ گازییێ بۆ خێرێ بكهت؛ خێرا وی ژی دێ بۆ هێت یێ كار ب وێ خێرێ دكهت، و یێ گازییێ بۆ خرابییێ بكهت؛ گونهها وی ژی دێ بۆ هێت یێ كار ب وێ گونههێ دكهت.
- پێدڤییه موسلمان یێ هشیار بیت نهبیته نموونهیهكا خراب بۆ خهلكی، ب ئهنجامدانا گونههان ب ئاشكهرایی و ل دهمێ خهلك دبینن، چونكی گونهها ههر كهسێ چاڤ ل وی بكهت دكهڤیته سهر ملێ وی، ههتا ئهگهر ب ئهزمانێ خۆ ژی نهگۆتبیتێ وێ گونههێ بكه.
پۆلێنکردنەکان
زیاتر
- فەرموودە: ((مسوگهر خودێ دێ ل دویڤ زۆڕداری درێژكهت ههتا دگریت، دهمێ گرت ئێدی بهرنادهت
- فەرموودە: ((ههر كهسێ بچیتە دهڤ فالگرهكی و پرسیارا تشتهكی ژێ بكهت، چل ڕۆژان نڤێژا وی ناهێته قهبویلكرن))
- فەرموودە: تو چ دبێژی ئەگەر من نڤێژێن فەڕز کرن و ڕۆژییێن ڕەمەزانێ گرتن، حەلال حەلال کر و حەرام حەرام کر
- فەرموودە: ئیسلام ئهوه تو شاهدهییێ بدهی كو ژ ئهلڵاهی پێڤهتر چ خودایێن ژ ههژی پهرستنێ نینن و كو موحهممهد پێغهمبهرێ خودێیه و تو نڤێژێ بكهی و زهكاتێ بدهی و ڕهمهزانێ یێ ب ڕۆژی بی و بچییه حهجێ ئهگهر ڕێكا ته ههبیت و ته شیان ههبن
- فەرموودە: ئهی عهبدێن من؛ من زۆڕداری ل سهر خۆ حهڕام كرییه و من د ناڤبهرا ههوه ژیدا حهرامكر، ڤێجا هوین زۆڕدارییێ نهكهن
- فەرموودە: ((هەر کەسێ تشتەکی د ئهڤی کارێ مەدا زێده بکەت کو نە ژ وی بیت؛ ئەو تشت یێ ڕەدکرییه و ژ وی كهسی ناهێته وهرگرتن