Hadith: ((هەر کەسێ تشتەکی د ئهڤی کارێ مەدا زێده بکەت کو نە ژ وی بیت؛ ئەو تشت یێ ڕەدکرییه و ژ وی كهسی ناهێته وهرگرتن
عَنْ أُمِّ المُؤْمِنِينَ أُمِّ عَبْدِ اللَّهِ عَائِشَةَ رَضِيَ اللَّهُ عَنْهَا، قَالَتْ: قَالَ: رَسُولُ اللَّهِ صَلَّى اللَّهُ عَلَيْهِ وَسَلَّم:
«مَنْ أَحْدَثَ فِي أَمْرِنَا هَذَا مَا لَيْسَ مِنْهُ فَهُوَ رَدٌّ».
وَفِي رِوَايَةٍ لِمُسْلِمٍ: «مَنْ عَمِلَ عَمَلًا لَيْسَ عَلَيْهِ أَمْرُنَا فَهُوَ رَدٌّ».
[صحيح] - [رواه البخاري ومسلم] - [الأربعون النووية: 5]
المزيــد ...
ژ دایکا باوەرداران، دایکا عهبدولڵاهی، عائیشایێ (خودێ ژێ ڕازی بیت) گۆت: پێغەمبەرێ خودێ (صەلات و سەلامێن خودێ ل سەر بن) گۆت:
((هەر کەسێ تشتەکی د ئهڤی کارێ مەدا زێده بکەت کو نە ژ وی بیت؛ ئەو تشت یێ ڕەدکرییه و ژ وی كهسی ناهێته وهرگرتن)). و د ڤهگوهاستنا موسلمیدا هاتییه: ((هەر کەسێ کارەکی بکەت کو فەرمانا مە ل سەر نەبیت؛ ئەو كار یێ ڕەدکرییە و ژ وی كهسی ناهێته وهرگرتن)).
[صحيح] - [رواه البخاري ومسلم] - [الأربعون النووية - 5]
پێغەمبەرێ خودێ (صەلات و سەلامێن خودێ ل سەر بن) دیار دکەت کو ههر كهسێ تشتهكێ نوی د دینیدا بینیته دهر یان كارهكی بكهت كو چ بەلگە ژ قورئانێ و سوننەتێ ل سەر وێ نەبن؛ هنگی ئهو كار یێ ڕەدکرییە ل سەر خودانێ وێ و قەبویل نابیت ل دەڤ خودێ.
Benefits from the Hadith
- ههمی عیبادهت و پەرستن ل سەر وێ چەندێ د ئاڤاكرینه یا کو د قورئانێ و سوننەتێدا هاتی، لهوا ئەم عیبادهتێ خودایێ مهزن ناكهین ب تنێ ب وێ نهبیت یا وی د شهریعهتێ خۆدا دیار كری و دانای، نهكو دێ ب بیدعەیان و تشتێن نوی عیبادهتێ خودێ كهین.
- دین ب بۆچوون و باش دیتنێ نینە (ئانكو ب هندێ نینه مرۆڤ بێژیت ب بۆچوونا من هوسا باشتره)، بەلكی ب دویڤچوونا پێغەمبەرییە (صەلات و سەلامێن خودێ ل سەر بن).
- ئەڤ فهرموودهیە بەلگهيه ل سەر تەمامهتییا دینی (ئانكو چ تشت یێ ژێ كێم نینه و نابیت كهس چ تشتێن نوی تێدا دهربێخیت).
- بیدعە ئەو تشته یێ کو د دینیدا هاتییە داهێنان ژ بیروباوەران یان ئاخڤتنێ یان کریارێ و ل سەردەمێ پێغەمبەری (صەلات و سەلامێن خودێ ل سەر بن) و صهحابییێن وی نهبوو.
- ئەڤ فهرموودهیە بنیاتهكه ژ بنیاتێن ئیسلامێ، ئەو وەکی تەڕازيیەکێیە بۆ کریاران، ڤێجا كا چاوا ههر كارهكێ بۆ خودێ نهبیت؛ چ خێر ناگههنه خودانێ وێ، ئاها هوسا ههر كارهكێ ل دویڤ وێ ڕێك و ڕێبازێ ژی نهبیت یا پێغەمبەرێ خودێ (صەلات و سەلامێن خودێ ل سەر بن) پێ هاتی و دیار كری؛ ئەو ژی یا ڕەدکرییە ل سەر بكهری و چ خێر بۆ نینه.
- ئهڤ فەرموودە بناخهیهكه بۆ ڕەدکرنا بیدعهیێن داهێنایی و بۆ وان كارێن خهلهت یێن پهیدا بووین.
- تشتێن نوی داهێنایی یێن كو پاشڤهبرن ژێ هاتییه كرن، ئهو تشتن یێن دینیدا هاتینه دهرئینان نهكو دونیایێ (ئانكو ههر تشتهكێ نوی داهێنایی بیت د دونیایێدا؛ چ ئاریشه تێدا نینه و دروسته بهێته بكارئینان، وهكی مۆبایل و ترۆمبێل و هتد...).