Ab Adiis: képp ku sos ci sunu mbir mii lu ci bokkul dees ka koy delloo

عَنْ أُمِّ المُؤْمِنِينَ أُمِّ عَبْدِ اللَّهِ عَائِشَةَ رَضِيَ اللَّهُ عَنْهَا، قَالَتْ: قَالَ: رَسُولُ اللَّهِ صَلَّى اللَّهُ عَلَيْهِ وَسَلَّم:
«مَنْ أَحْدَثَ فِي أَمْرِنَا هَذَا مَا لَيْسَ مِنْهُ فَهُوَ رَدٌّ». وَفِي رِوَايَةٍ لِمُسْلِمٍ: «مَنْ عَمِلَ عَمَلًا لَيْسَ عَلَيْهِ أَمْرُنَا فَهُوَ رَدٌّ».
[صحيح] - [رواه البخاري ومسلم] - [الأربعون النووية: 5]

Jële nañu ci ndayu jullit ñi Ummu Abdulla Aysatu yal na ko Yàlla dollee gërëm, nee na: Yonente Yàlla bi yal na ko Yàlla dolli xéewal ak mucc nee na:
"képp ku sos ci sunu mbir mii lu ci bokkul dees ka koy delloo"
[Wér na] - [رواه البخاري ومسلم] - [الأربعون النووية - 5]

Leeral

Yonnente bi -yal na ko Yàlla dolli xéewal ak mucc- day leeral ne ku sos ci diine ji mbaa mu jëf jëf joo xam ne Alxuraan ak Sunna tegtalewu ko, dees koy delloo boroom te deesu ko nangu fa Yàlla.

Bokk na ci njariñi Adiis bi

1. Jaamu yépp ci Alxuraan AK Sunna lay tabaxu, dunu jaamu Yàlla ci lu dul lu mu yoonal, dunu ko jaamu ci ay bidaa ak yi ñu sos.
2. Diine du tege cim xel rekk ak lees di rafetlu, waaye ci topp Yonnente bi -yal na ko Yàlla dolli xéewal ak mucc- lay tege.
3. Hadiis bii tegtal la ci matug diine ji.
4. Bidaa mooy lu ñu sos ci diine ji te amutóon ci jamonoy Yonnente bi -yal na ko Yàlla dolli xéewal ak mucc- ak i Sahaabaam muy ci pas-pas walla wax mbaa jëf.
5. Hadiis bi cosaan la ci cosaani diiney Lislaam, day mel niki balaas ci jëf yi, niki nga xamee ne jépp jëf ju ñu nammul jëmmi Yàlla mu kawe mi, aji-jëf ji du ci am ub yool, niki noonu it jépp jëf ju dëppoowul ak li Yonnente bi -yal na ko Yàlla dolli xéewal ak mucc- indi dees koy delloo aji-jëf ji.
6. Hadiis bi ab tënk la ci delloo bidaa yi ak yi ñu sos ak yu bon yiy am.
7. Sos yi ñu tere mooy yi bokk ci biri diine, waaye du yu àdduna yi.