Hadiis: Ned ning sẽn wɑ tɩʋʋs bũmb tõnd yel-kãngã pʋgẽ, sẽn pɑ be ɑ pʋgẽ, tʋʋm-kãngɑ pɑ reegd ye

عَنْ أُمِّ المُؤْمِنِينَ أُمِّ عَبْدِ اللَّهِ عَائِشَةَ رَضِيَ اللَّهُ عَنْهَا، قَالَتْ: قَالَ: رَسُولُ اللَّهِ صَلَّى اللَّهُ عَلَيْهِ وَسَلَّم:
«مَنْ أَحْدَثَ فِي أَمْرِنَا هَذَا مَا لَيْسَ مِنْهُ فَهُوَ رَدٌّ». وَفِي رِوَايَةٍ لِمُسْلِمٍ: «مَنْ عَمِلَ عَمَلًا لَيْسَ عَلَيْهِ أَمْرُنَا فَهُوَ رَدٌّ».
[صحيح] - [رواه البخاري ومسلم] - [الأربعون النووية: 5]

Yii muumim-rãmbã ma wã nengẽ, a ʿAaɩša, (Wẽnd yard be a yĩnga) a yeelame Wẽnd Tẽn-tʋʋmã yeelame (Wẽnd pʋʋsg la A tɩlgr be a yĩnga):
«Ned ning sẽn wɑ tɩʋʋs bũmb tõnd yel-kãngã pʋgẽ, sẽn pɑ be ɑ pʋgẽ, tʋʋm-kãngɑ pɑ reegd ye». la a Muslim reegrã pʋgẽ: «Ned ning sẽn tʋg n tʋma tʋʋmde, tɩ tõnd sagell ka be tʋʋmdã zugu, tʋʋm-kãng yaa sẽn lebsd a soaba».
[Naṣʋn Ṣahɩɩhʋn (Gom-sikdem sẽn manege)] - [رواه البخاري ومسلم] - [الأربعون النووية - 5]

bilgrã

Nabiyaamã, (Wẽnd pʋʋsg la A tɩlgr be a yĩngɑ) vẽnegdame n wilgdẽ, tɩ ned ning sẽn tʋg n wa ne bũmb dĩinã pʋgẽ, maa a tʋg n maana tʋʋmd tɩ daliil ka be a zugu, sẽn yi Alkʋrãanẽ wã maa Sunnah pʋgẽ, b na n lebs-a-la a soaba, ka na n reeg Wẽnd nengẽ ye.

Sẽn be Hɑdiisã yõod-rãmbẽ

1. Tũud-rãmbã tikr yɩta ne bũmb ning sẽn wa Alkʋrãanã la Sunnah pʋgẽ, rẽnd ned ka sõmb n tũ Wẽnde, (A Naam zẽkame), rẽndame tɩ yaa ne bũmb ning Wẽnd sẽn kõ sorã, ka sõmb n tũ-A ne yel-sɩngdsã lɑ yel-pɑɑlã ye.
2. Wilgdame tɩ dĩinã ka ne yam maa f sẽn get bũmb ning tɩ yaa sõma fo nengẽ ye, la ad dĩinã yaa Wẽnd Tẽn-tʋʋmã pʋgbo (Wẽnd pʋʋsg la A tɩlgr be a yĩngɑ).
3. Hadiis-kãngã wilgda dĩinã sẽn pidã.
4. Bid'ah wã yẽ yaa bũmb fãa b sẽn yẽbg dĩinã pʋgẽ, t'a rag n ka be Nabiyaamã, (Wẽnd pʋʋsg la A tɩlgr be a yĩngɑ) la a sahaabsã wakatẽ ye, sẽn yaa loεεga, maa gomde, maa tʋʋmde.
5. Hadiis-kãngã yaa yẽgr sẽn be lɩslaamdã yẽgẽ, a leb yaa wala zɩslem-mɑgdgɑ ne tʋʋmã, rẽnd sẽn mik tɩ tʋʋmã fãa b sẽn ka rat-a ne Wẽnd yĩnga, tʋʋmdã soab pɑ tɑr yel-sõmd ye, yaa woto bala tʋʋm fãa sẽn ka zems ne Wẽnd Tẽn-tʋʋmã sẽn wa ne wã, (Wẽnd pʋʋsg la A tɩlgr be a yĩngɑ) yẽndɑ yaa bũmb b sẽn lebsd-a ɑ soabã nengẽ.
6. Hadiisã yaa zeng-raoog bidã-rãmb nins sẽn yaa yel-sɩngdsã la yel-kiti sẽn yɩ wã lebsgo.
7. yel-paals nins b sẽn gɩdgã, yaa dĩinã yεla, ka dũni yεl ye.