Ҳадис: Дар ҳақиқат, бадтарини мардумон касоне ҳастанд, ки қиёмат дар зинда буданашон фаро мерасад ва касоне, ки қабрҳоро масҷид ва ибодатгоҳ мегиранд

عَنْ عَبْدِ اللَّهِ بن مسعودٍ رضي الله عنه قَالَ: سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ:
«إِنَّ مِنْ شِرَارِ النَّاسِ مَنْ تُدْرِكُهُ السَّاعَةُ وَهُمْ أَحْيَاءٌ، وَمَنْ يَتَّخِذُ الْقُبُورَ مَسَاجِدَ».
[حسن] - [رواه أحمد] - [مسند أحمد: 3844]

Аз Абдуллоҳ ибни Масъуд (разияллоҳу анҳу) ривоят аст, ки гуфт: Паёмбар (саллаллоҳу анлайҳи ва саллам)-ро шунидам, ки мегуфт:
"Дар ҳақиқат, бадтарини мардумон касоне ҳастанд, ки қиёмат дар зинда буданашон фаро мерасад ва касоне, ки қабрҳоро масҷид ва ибодатгоҳ мегиранд."
[Ҳасан] - [رواه أحمد] - [Муснади Аҳмад - 3844]

Шарҳ

Паёмбар (саллаллоҳу анлайҳи ва саллам) дар бораи бадтарин гурӯҳи мардум нақл кардаанд ва онон касоне ҳастанд, ки дар зинда буданашон қиёмат бар онҳо воқеъ мешавад ва касоне, ки қабрро масҷид қарор медиҳанд ва ба сӯи онҳо намоз мегузоранд.

Аз фоидаҳои ҳадис

1. Масҷид сохтан бар болои қабрҳо ҳаром аст, зеро он василае ба сӯи ширк аст.
2. Намоз хондан дар назди қабрҳо ҳаром аст, ҳатто агар бар болояш бино ҳам нашуда бошад, зеро масҷид номи ҷоест, ки дар он саҷда мекунанд, ҳарчанд биное дар он набошад.
3. Ҳар ки қабри солеҳонро масҷид барои намоз хондан табдил кунад, аз бадтарин махлуқот аст, агарчанде иддаъо кунад, ки нияташ ба Аллоҳ Таъоло наздик шудан аст.