فەرموودە: بە دوای ڕێبازە ڕاستەکە بگەڕێن وبە گوێرەی توانا لێی نزیک بنەوە، وبزانن کە هیچ یەکێک لە ئێوە بە کردەوەی خۆی ڕزگاری نابێت، ووتیان: تەنانەت تۆش ئەی پێغەمبەری خودا؟ فەرمووی: تەنانەت منیش، مەگەر خوای گەورە بە ڕەحمەت وفەزڵی خۆی دامبپۆشێت

عن أبي هريرة رضي الله عنه قال: قال رسول الله صلى الله عليه وسلم : «قَارِبُوا وسَدِّدُوا، واعلَمُوا أَنَّه لَن يَنجُو أَحَد مِنكُم بِعَمَلِهِ» قالوا: ولا أنت يا رسول الله؟ قال: «ولاَ أَنَا إِلاَّ أَن يَتَغَمَدَنِي الله بِرَحمَة مِنْه وَفَضل».
[صحيح] - [متفق عليه]

ئەم وەرگێڕاوە پێویستی بە پێداچوونەوە و وردبوونەوەی زیاتر هەیە.

لە ئەبی هورەیرەوە -ڕەزای خوای لێبێت- کە پێغەمبەری خودا -صلى الله علیه وسلم- دەفەرموێت: «بە دوای ڕێبازە ڕاستەکە بگەڕێن وبە گوێرەی توانا لێی نزیک بنەوە، وبزانن کە هیچ یەکێک لە ئێوە بە کردەوەی خۆی ڕزگاری نابێت»، ووتیان: تەنانەت تۆش ئەی پێغەمبەری خودا؟ فەرمووی: «تەنانەت منیش، مەگەر خوای گەورە بە ڕەحمەت وفەزڵی خۆی دامبپۆشێت».
[صەحیحە] - [بوخاری و موسلیم هاوڕان لەسەری]

شیکردنەوە

ئەم فەرموودەیە بەڵگەیە لە سەر ئەوەى کە ئیستیقامەت (پابەندبوون بە ڕێگای ڕاستی هیدایەت) بە گوێرەی توانایە، ئەویش ئەوەیە کە پێغەمبەر -صلى الله علیه وسلم- دەفەرموێت: (بە دوای ڕێبازە ڕاستەکە بگەڕێن وبە گوێرەی توانا لێی نزیک بنەوە)، واتا: کۆشش بکەن بۆ ئەوەى کردەوەکانتان هەق بپێکێت بە گوێرەی تواناتان، چونکە مرۆڤ هەرچەندە تەقوادار وپارێزکار بێت هەر هەڵە دەکات، بۆیە مرۆڤ فەرمانى پێکراوە بە گوێرەی توانای کردەوەکە بکات. پاشان -صلى الله علیه وسلم- فەرمووی: (وبزانن کە هیچ یەکێک لە ئێوە بە کردەوەی خۆی ڕزگاری نابێت)، واتا: هیچ کەسێک بەهۆی کردەوەکانیەوە لە دۆزەخ ڕزگاری نابێت، چونکە کردەوە هەرچەندێک زۆر بێت ناگاتە پلەی سوپاسگوزاری بۆ خواى گەورە بەرامبەر مافەکانى لە سەر بەندەکان ونیعمەتەکانى؛ بەڵام خواى گەورە بەندە دادەپۆشێت بە ڕەحمەتی خۆی بۆ ئەوەى لێی خۆشبێت. کاتێک فەرمووی: (وبزانن کە هیچ یەکێک لە ئێوە بە کردەوەی خۆی ڕزگاری نابێت)، ووتیان پێی: تەنانەت تۆیش؟! فەرمووی: (تەنانەت منیش)، واتا: بە هەمان شێوە پێغەمبەر -صلى الله علیه وسلم- یش بە هۆی کردەوەکانیەوە ڕزگاری نابێت، وئەمەی ئاشکرا کرد کاتێک فەرمووی: (مەگەر خوای گەورە بە ڕەحمەت وفەزڵی خۆی دامبپۆشێت)، بۆیە مرۆڤ هەرچەندێک پلەى بەرز بێت؛ بە کردەوەى خۆی ڕزگاری نابێت تەنانەت پێغەمبەریش -صلى الله علیه وسلم-، ئەگەر ڕەحمەت ولێخۆشبوونی خواى گەورە نەبوایە لە هەموو کردەوەکانى پێشوو وپاشتری؛ ئەوا بە هۆی کردەوەکانى خۆی ڕزگاری نەدەبوو.