Hadiis: Pẽnes-y la y remse, la y bãng tɩ ad yãmb baa a yembr ka na n tõog n põs a tʋʋm yĩng ye». La b yeel yã Wẽnd Tẽn-tʋʋmã baa ne foom? La a yeele «Baa maam, sã n ka Wẽnd n na n lud maam ne yolsg sẽn yi A nengẽ la kũuni

عَنْ أَبِي هُرَيْرَةَ رضي الله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«قَارِبُوا وَسَدِّدُوا، وَاعْلَمُوا أَنَّهُ لَنْ يَنْجُوَ أَحَدٌ مِنْكُمْ بِعَمَلِهِ» قَالُوا: يَا رَسُولَ اللهِ وَلَا أَنْتَ؟ قَالَ: «وَلَا أَنَا، إِلَّا أَنْ يَتَغَمَّدَنِيَ اللهُ بِرَحْمَةٍ مِنْهُ وَفَضْلٍ».
[صحيح] - [متفق عليه] - [صحيح مسلم: 2816]

Yii Abɩɩ Hʋrɑyrɑt nengẽ (Wẽnd yɑrd be ɑ yĩngɑ) a yeelɑme: tɩ Wẽnd Tẽn-tʋʋmɑ (Wẽnd pʋʋsg lɑ A tɩlgr be ɑ yĩngɑ) ɑ yeelame:
«Pẽnes-y la y remse, la y bãng tɩ ad yãmb baa a yembr ka na n tõog n põs a tʋʋm yĩng ye». La b yeel yã Wẽnd Tẽn-tʋʋmã baa ne foom? La a yeele «Baa maam, sã n ka Wẽnd n na n lud maam ne yolsg sẽn yi A nengẽ la kũuni».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Muslim - 2816]

bilgrã

Nabiyaamã (Wẽnd pʋʋsg la A tɩlgr be a yĩngɑ) pirsda Ṣahaabsã tɩ b tʋme la b zoe Wẽnd b pãng tõog tεka, tɩ ka tũ ne maan-n-zʋʋge maa maa-n-koeeg ye, la b toglg yel-sõmd baoob ne b tʋʋmã n maan pʋ-peelem ne Wẽnde la b tũ Sũnnah, bʋɩl ying tɩ b tʋʋmdã na paam reegre, tɩ rẽ yɩ sabab tɩ yolsgã sig b nengẽ.
Rẽ poorẽ t'a kõ-b kibare tɩ ad yãmb ned baa a yembr tʋʋm ka na n põsg-a lae, la ad yaa yolsg sẽn yi Wẽnd nengẽ.
La b yeel yã: halɩ n tʋg n tãag foom Wẽnd Tẽn-tʋʋmã, fo tʋʋmdã ka na n tõog n põsg foom n lagem ne a sẽn yaa bedrã fãa?
La a yeele: halɩ n tʋg n tãag maam, sã n ka Wẽnd n wa n maan maam sʋtra ne A yolsgã.

Sẽn be Hɑdiisã yõod-rãmbẽ

1. Limaam An-nawawiy (Wẽnd na yols-a) a yeelame: (Rems-y la y pẽnege): rat n yeel tɩ y bao manegre la y tʋm ne-a, la yãmb sã n kong n ka na n maan rẽ, bɩ y pẽnege; la remesgã yaa maan tɩ zemsã, yẽ me bee maan-tɩ-loog la kʋʋg koεεg tẽng-n-sʋgre, bɩ y ra maan n zʋʋge, ra maan-y n koeege.
2. A ɭbn Baaz (Wẽnd na yols-a) a yeelame: tʋʋm sõmsã b yaa arzãnã kõom sabab-rãmba, wala tʋʋm beedã sẽn yaa Bugmã kõom sabab-rãmbã, la hadiisã vẽnegdame n wilgdẽ tɩ arzãnã kõomã ka tʋʋmdã bal ye, rẽndame tɩ Wẽnd yaafg la A yolsg lageme (A Naam yɩlg n zẽke) rẽnd bãmb na n kẽe arzãnã ne b tʋʋmã sabab-rãmba la bũmb ning sẽn maan n na n kẽes bãmb arzãnã yaa Wẽnd yolsgã (A Naam yɩlg yã) la A bas-tɩ-loogã la A yaafgã.
3. Yamba a ka belgd a meng n maan yel-solemd ne a tʋʋmã, baa t'a tʋʋmã sẽn wa n tʋg n ta, bala Wẽnd hakε wã sẽn zao yẽ wã zɩslemã yɩɩda yẽ sẽn tʋmã, rẽnd yaa tɩlae ne yamba t'a tall rabeem la tẽebo, b yiibã fãa gilli.
4. Wilgdame tɩ Wẽnd yɩɩdlemã la A yolsgã, A yembsã zugã, yalmame n yɩɩd b tʋʋmã.
5. Tʋʋm sõmsã b yaa sabab n kẽesd ned arzãna, la arzãnã paoongo yẽnda la kũuni la yolsgo sẽn yi Wẽnd nengẽ.
6. A Karamaany (Wẽnd na yols-a) a yeelame; "sã n mik tɩ nebã fãa gill ka tõe n kẽ arzãnã rẽnda ne yolsgo, rẽnd sẽn wa n welg ne Wẽnd Tẽn-tʋʋmã (Wẽnd pʋʋsg la A tɩlgr be a yĩngɑ) ne a sẽn tar bãng-n-wãag t'a na n kẽe arzãnã, tɩ yẽnda yaool n ka na n kẽ rẽnda ne Wẽnd yolsgã, wilgdame tɩ zẽng sẽn ka yẽnda n sõmb n yɩɩda".
7. Limaam An-Nawawiy yeelame (Wẽnd na yols-a): Wẽnd koεεg A sẽn yeelã maanã: (Kẽ-y arzãnã y sẽn da yɩ n tʋmdẽ wã yĩngɑ) [16-An-nahl (Sĩ wã sʋʋra): 32]. (La yẽ la arzãn ningã b sẽn kɩt tɩ yãmb rɩk a faad ne bũmb ning yãmb sẽn yɩ n tʋmbdẽ wã yĩngã) [43-Az-zʋhrʋf (Faas-teedã sʋʋra): 72], la sẽn wõnd Aayae-kãensã sẽn togend tɩ yaa tʋʋmã n kẽesd arzãnã, b ka kɩɩsd hadiisã ye, la Aayae-rãmbã maana rat n yeelame tɩ arzãnã kõom yaa tʋʋmã sababo, rẽ poorẽ, ad maan la paam kãndgre la pʋ-peelem a pʋgẽ la tʋʋmã reegre, bãmb yaa yolsg la kũun sẽn yi Wẽnd nengẽ, tɩ rẽnda wilgdame tɩ yẽnda ka paam n kẽ arzãnã yẽ tʋʋmdã yĩng bal ye, yaa yẽnda la hadiisã me raabã, la leb n sakdame tɩ b yeel t'a kẽe arzãnã ne a tʋʋmã, rat n yeel t'a tʋʋmã sabab-rãmba, la yẽ me leb n yaa sẽn be Wẽnd yolsgã pʋgẽ.
8. A ɭbn Al-Gawziy yeelame (Wẽnd na yols-a): ad leogsg a naas n be beenẽ: rẽenem: yaa tɩ maan segl sõng ne tʋʋmdã, a bee Wẽnd yolsgã pʋgẽ, sã n ra ka Wẽnd yolsg sẽn reng taoore, sɩd-kũun rag n ka na n zĩnd ye, tũudum ning fo sẽn paam põsb ne wã ra ka na n zĩndi. Yiib soaba: yaa tɩ yamb nafa yaa a zu-soabã n so, yẽ sẽn maan tʋʋm ningã yaa a zu-soabã n so, rẽnd yẽ sẽn maan neema a sẽn rol-a rolb ning fãa ket n yaa yẽnda kũuni. Tãab soaba: waa hadiis-rãmb sãnda pʋgẽ tɩ arzãnã meng kõomã yaa ne Wẽnd yolsgo, la dargε-rãmbã pʋɩɩba yẽnda yɩta ne tʋʋmã. Naas soaba: yaa tɩ tũudmã tʋʋmã menga a rag n yɩɩ wakat bilfu la rolbã yaool n ka tar sεεb ye, rẽnd neemã ning sẽn ka sεte, tɩ yẽnda yaool yaa sẽn rol tʋʋm sẽn yɩ koεεga, yẽnda yaa kũun sẽn yi Wẽnde, baa tʋʋmã rolbã yɩɩ yẽ.
9. A Ar-Raafɩ'iy yeelame (Wẽnd na yols-a): tɩ tʋn-tʋmda a ka sõmb n teeg a tʋʋmdã põsb baoob la dargε-rãmb paoong pʋgẽ ye, bala yẽ sẽn tʋmã yaa ne Wẽnd segl sõngo la a sẽn bas Wẽnd kɩɩsgã me yaa ne Wẽnd gũudum, rẽnd fãa gill yɩɩ ne Wẽnd yɩɩdlem la A yolsgo.