Hadiis: «ad ra seka foom tɩ fo maan ne f nus a yiibã woto» rẽ poorẽ t'a rɩk a nus a yiibã n wẽ Tẽngã vugri, n saag a goabgã ne rɩtgã la a nus tal a yiibã kudgu la a nengã

عَنْ عَمَّارِ بنِ ياسِرٍ رضي الله عنه قال:
بَعَثَنِي رَسُولُ اللهِ صَلَّى اللهُ عَلَيْهِ وَسَلَّمَ فِي حَاجَةٍ، فَأَجْنَبْتُ فَلَمْ أَجِدِ الْمَاءَ، فَتَمَرَّغْتُ فِي الصَّعِيدِ كَمَا تَمَرَّغُ الدَّابَّةُ ثُمَّ أَتَيْتُ النَّبِيَّ صَلَّى اللهُ عَلَيْهِ وَسَلَّمَ، فَذَكَرْتُ ذَلِكَ لَهُ فَقَالَ: «إِنَّمَا كَانَ يَكْفِيكَ أَنْ تَقُولَ بِيَدَيْكَ هَكَذَا» ثُمَّ ضَرَبَ بِيَدَيْهِ الْأَرْضَ ضَرْبَةً وَاحِدَةً، ثُمَّ مَسَحَ الشِّمَالَ عَلَى الْيَمِينِ، وَظَاهِرَ كَفَّيْهِ وَوَجْهَهُ.
[صحيح] - [متفق عليه] - [صحيح مسلم: 368]

Yii a ʿAmmaar ɭbn Yaasɩr nengẽ, (Wẽnd yard be a yĩnga) a yeelame:
Wẽnd Tẽn-tʋʋmã tʋmsa maam (Wẽnd pʋʋsg lɑ A tɩlgr be ɑ yĩngɑ) tɩ m tʋg n maneg yelle, tɩ Gεnaab paam maam la m ka paam koom ye, tɩ mam gãand n bilm tomã pʋgẽ wala rũng sẽn bilm to-to ningã wã, rẽ poorẽ tɩ mam wa Nabiyaamã nengẽ (Wẽnd pʋʋsg lɑ A tɩlgr be ɑ yĩngɑ) n togs-a mam sẽn maan rẽ wã, t'a yeele: «ad ra seka foom tɩ fo maan ne f nus a yiibã woto» rẽ poorẽ t'a rɩk a nus a yiibã n wẽ Tẽngã vugri, n saag a goabgã ne rɩtgã la a nus tal a yiibã kudgu la a nengã.
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Muslim - 368]

bilgrã

Nabiyaamã (Wẽnd pʋʋsg lɑ A tɩlgr be ɑ yĩngɑ) tʋmsa a ʿAmmaar ɭbn Yaasɩr (Wẽnd yard be a yĩnga) t'a tʋg n maneg yεl sãnda, tɩ Gεnaab paam-a, sẽn tũ ne kẽed-n-taare, maa mani n yi ne wʋm-noogo, t'a ka paam koom n na n so ye, la a rag n ka mi gεnaab soab tεεmã wẽeb bʋʋd sẽn yaa a soab ye, la a rag n mii a bʋʋdã sã n yaa wala rẽg-bãanego, wala we-kεεng la sẽedo, Rẽnd a nidga pãnga, n tẽed tɩ yẽ sẽn da wẽed tεεmã, n saagd koomã yõgb yĩn-wilã tɩ sã n yaa wala rẽg-bãanegã, rẽnd sã n mikame tɩ yaa sẽn na n wẽ gεnaab tεεmã, yaa tɩlae tɩ yẽnda gũbg a yĩngã fãa ne tom, n rɩk n mak koomã sẽn sood to-to, t'a na n bilim tomã pʋga halɩ n gũbg a yĩngã gilli, n yaool n pʋʋse, a sẽn wa Nabiyaamã nengẽ wã (Wẽnd pʋʋsg lɑ A tɩlgr be ɑ yĩngɑ) a togs-a-la rẽnda, n na n gese zemsame bɩ ka zemse? Tɩ Nabiyaamã (Wẽnd pʋʋsg lɑ A tɩlgr be ɑ yĩngɑ) vẽneg n wilg-a a sẽn sõmb n yɩlg to-to ninga n yi koom kaoobo sã n yɑɑ bilã wala rʋʋdem, la koom kaoob sẽn yɑɑ kasengã, wala Gεnaabo: la rẽnda yaa rɩk nus a yiibã n wẽ tomã vugri, la a rɩk rɩtgã n saag goabga, la a tal a yiibã poayã la a nengã.