عن أنس بن مالك -رضي الله عنه- أنَّ أَعْرَابِيًا قال لرسول الله صلى الله عليه وسلم: مَتَى السَّاعَة؟ قال رسول الله صلى الله عليه وسلم: «مَا أَعْدَدْتَ لَهَا؟» قال: حُبُّ الله ورَسُولِه، قال: «أَنْتَ مَعَ مَنْ أَحْبَبْتَ».
[صحيح.] - [متفق عليه.]
المزيــد ...

انس بن مالک رضی اللہ عنہ بیان کرتے ہیں کہ ایک اعرابی (دیہاتی) نے رسول اللہ ﷺ سے پوچھا: قیامت کب آئے گی؟ رسول اللہ ﷺ نے فرمایا: تم نے اس کے لئے کیا تیاری کی ہے؟ اس نے جواب دیا: اللہ اور اس کے رسول سے محبت۔ آپ ﷺ نے فرمایا: ”بلا شبہ تم انہیں کے ساتھ ہو گے جن سے تم کو محبت ہے۔“
[صحیح] - [متفق علیہ]

شرح

ایک اعرابی (دیہاتی) نے سوال کیا کہ: ” قیامت کب آئے گی؟“ اس کے جواب میں اگر آپ ﷺ یہ فرما دیتے کہ: ”میں نہیں جانتا“ تو اعرابی کا دل مطمئن نہ ہوتا۔ نبی ﷺ نے بڑے حکیمانہ انداز میں اصل سوال سے ہٹتے ہوئے ایسا جواب دیا جس کو اپنانا اس پر واجب تھا اور اس بات کو چھوڑ دیا جس کا جاننا اس پر واجب نہیں تھا۔ یہی وہ انداز ہے جسے (علم بلاغت کی اصطلاح میں) ”اسلوب حکیم“ کہا جاتا ہے۔ رسول اللہ ﷺ نے فرمایا: ”تم نے اس کے لئے کیا تیاری کی ہے؟“ یہ سوال ایسے کام کی طرف متنبہ کرنے اور اس کی یاد دہانی کے لئے تھا جس میں غور و فکر کرنا اور جس میں مشغول رہنا اس پر واجب تھا۔ اعرابی نے جواب دیا کہ: ”اللہ اور اس کے رسول کی محبت“۔ اعرابی نے بے ساختہ یہ جواب دیا جو مودت و محبت اور ایمان کے جذبات سے لبریز اور صرف اپنے عمل پر بھروسے سے بالکل تہی ہے۔ ایک دوسری روایت میں ان معانی کی مزید تاکید ہوتی ہے جس میں اعرابی کہتا ہے کہ: ”میں نے اس (قیامت) کے لئے نہ تو زیادہ (نفلی) روزے تیار کیے ہیں، نہ زیادہ (نفلی) نمازیں اور نہ زیادہ صدقہ۔ لیکن میں اللہ اور اس کے رسول سے محبت رکھتا ہوں“۔ اسی لئے رسول اللہ ﷺ نے جواب میں فرمایا کہ: ” بلا شبہ تم انہیں کے ساتھ ہو گے جن سے تم کو محبت ہے“۔ مذکورہ حدیث میں رسولوں اور ان کے متبعین سے ان کے مقام ومرتبہ کے اعتبار سے بہت زیادہ محبت رکھنے کی ترغیب دی گئی ہے، نیز ان کے مخالفین سے محبت رکھنے سے ڈرایا گیا ہے۔ محبت اس بات کی دلیل ہوتی ہے کہ محبت کرنے والا محبوب سے کس حد تک تعلق رکھتا ہے، اس کے اخلاق کس حد تک ان سے مطابقت رکھتے ہیں اور وہ کہاں تک ان کی پیروی کرتا ہے۔

ترجمہ: انگریزی زبان فرانسیسی زبان اسپینی ترکی زبان انڈونیشیائی زبان بوسنیائی زبان روسی زبان بنگالی زبان چینی زبان فارسی زبان تجالوج ہندوستانی
ترجمہ دیکھیں