1. ទំព័រ​ដេីម
  2. បញ្ជីទាំងអស់
  3. The Creed

ហាទីស្ហ ពិតណាស់ មានបុរសម្នាក់បានសួរណាពី ﷺ អំពីថ្ងៃបរលោក ដោយគាត់បានសួរថា៖ តើពេលណាថ្ងៃបរលោកកើតឡើង? លោកបានមានប្រសាសន៍ថា៖ “តើអ្នកបានត្រៀមអ្វីខ្លះសម្រាប់ថ្ងៃនោះ”?

عَنْ أَنَسٍ رَضِيَ اللَّهُ عَنْهُ:
أَنَّ رَجُلًا سَأَلَ النَّبِيَّ صَلَّى اللهُ عَلَيْهِ وَسَلَّمَ عَنِ السَّاعَةِ، فَقَالَ: مَتَى السَّاعَةُ؟ قَالَ: «وَمَاذَا أَعْدَدْتَ لَهَا». قَالَ: لاَ شَيْءَ، إِلَّا أَنِّي أُحِبُّ اللَّهَ وَرَسُولَهُ صَلَّى اللهُ عَلَيْهِ وَسَلَّمَ، فَقَالَ: «أَنْتَ مَعَ مَنْ أَحْبَبْتَ». قَالَ أَنَسٌ: فَمَا فَرِحْنَا بِشَيْءٍ، فَرِحْنَا بِقَوْلِ النَّبِيِّ صَلَّى اللهُ عَلَيْهِ وَسَلَّمَ: «أَنْتَ مَعَ مَنْ أَحْبَبْتَ» قَالَ أَنَسٌ: فَأَنَا أُحِبُّ النَّبِيَّ صَلَّى اللهُ عَلَيْهِ وَسَلَّمَ وَأَبَا بَكْرٍ، وَعُمَرَ، وَأَرْجُو أَنْ أَكُونَ مَعَهُمْ بِحُبِّي إِيَّاهُمْ، وَإِنْ لَمْ أَعْمَلْ بِمِثْلِ أَعْمَالِهِمْ.

អំពី អាណាស رضي الله عنه
ពិតណាស់ មានបុរសម្នាក់បានសួរណាពី ﷺ អំពីថ្ងៃបរលោក ដោយគាត់បានសួរថា៖ តើពេលណាថ្ងៃបរលោកកើតឡើង? លោកបានមានប្រសាសន៍ថា៖ “តើអ្នកបានត្រៀមអ្វីខ្លះសម្រាប់ថ្ងៃនោះ”? បុរសនោះឆ្លើយថា៖ ខ្ញុំមិនបានត្រៀមអ្វីឡើយ ប៉ុន្តែខ្ញុំពិតជាស្រឡាញ់អល់ឡោះ និងអ្នកនាំសាររបស់ទ្រង់ ﷺ ។ ពេលនោះ លោកបានមានប្រសាសន៍ថា៖ “អ្នកនឹងនៅជាមួយអ្នកដែលខ្លួនស្រឡាញ់”។ អាណាសបាននិយាយថា៖ ពួកយើងមិនដែលសប្បាយរីករាយចំពោះអ្វីមួយដូចជាភាពសប្បាយរីករាយរបស់ពួកយើងចំពោះប្រសាសន៍របស់ណាពី ﷺ ដែលលោកបានមានប្រសាសន៍ថា៖ “អ្នកនឹងនៅជាមួយអ្នកដែលខ្លួនស្រឡាញ់”នោះឡើយ។ អាណាសបានបន្តថា៖ ខ្ញុំពិតជាស្រឡាញ់ណាពី ﷺ អាពូហ្ពាកើរ និងអ៊ូមើរ ហើយខ្ញុំសង្ឃឹមថា ខ្ញុំនឹងបាននៅជាមួយពួកគាត់ដោយសារតែក្តីស្រឡាញ់របស់ខ្ញុំចំពោះពួកគាត់ ទោះបីជាខ្ញុំមិនបានសាងទង្វើកុសលដូចទង្វើកុសលរបស់ពួកគាត់ក៏ដោយ។

صحيح متفق عليه صحيح البخاري - 3688

ពន្យល់

បុរសអារ៉ាប់ជនបទម្នាក់ដែលរស់នៅឯវាលខ្សាច់បានសួរណាពី ﷺ អំពីពេលវេលានៃថ្ងៃបរលោក។
ពេលនោះ ណាពី ﷺ បានសួរទៅកាន់បុរសនោះថា៖ តើអ្នកបានត្រៀមទង្វើកុសលអ្វីខ្លះសម្រាប់ថ្ងៃនោះ?
បុរសនោះបានឆ្លើយថា៖ ខ្ញុំមិនបានត្រៀមទង្វើកុសលអ្វីច្រើនទេសម្រាប់ថ្ងៃនោះ តែខ្ញុំពិតជាស្រឡាញ់អល់ឡោះនិងអ្នកនាំសាររបស់ទ្រង់។ បុរសនោះមិនបានរៀបរាប់អ្វីផ្សេងទៀតក្រៅពីនេះទាក់ទងនឹងការគោរពសក្ការៈ ទាំងការគោរពសក្ការៈផ្លូវចិត្ត ផ្លូវកាយ និងទ្រព្យសម្បត្តិនេះទេ ព្រោះប្រការទាំងអស់នេះ សុទ្ធតែជាមែកធាងនៃសេចក្តីស្រឡាញ់ដែលកើតចេញពីវា ហើយដោយសារតែសេចក្តីស្រឡាញ់ពិតប្រាកដ គឺជំរុញចិត្ដបុគ្គលឱ្យខិតខំធ្វើអំពើសុចរិត។
ណាពី ﷺ លោកបានមានប្រសាសន៍ថា៖ ជាការពិតណាស់ អ្នកនឹងបានស្ថិតនៅជាមួយអ្នកដែលអ្នកស្រឡាញ់ក្នុងឋានសួគ៌។
ពេលនោះ បណ្តាសហាហ្ពាត់របស់ណាពី ﷺ មានក្តីសប្បាយរីករាយជាខ្លាំងចំពោះដំណឹងដ៏ល្អនេះ។
បន្ទាប់មក អាណាស رضي الله عنه បានប្រាប់ថា ពិតណាស់ គាត់ពិតជាស្រឡាញ់ណាពី ﷺ ស្រឡាញ់អាពូហ្ពាកើរ និងអ៊ូមើរ ហើយសង្ឃឹមថា គាត់នឹងបាននៅជាមួយពួកគាត់ ទោះបីជាទង្វើកុសលរបស់គាត់ប្រៀបមិនស្មើនឹងទង្វើកុសលរបស់ពួកគាត់ក៏ដោយ។

មេរៀនដែលទាញបានពីហាទីស្ហ

  1. គតិបណ្ឌិតរបស់រ៉ស៊ូលុលឡោះ ﷺ ក្នុងការឆ្លើយនឹងសំណួររបស់អ្នកដែលសួរ ដោយលោកបានណែនាំបុរសនោះទៅរកអ្វីដែលសំខាន់សម្រាប់រូបគេ និងអាចជួយសង្គ្រោះរូបគេបាន នោះគឺការត្រៀមខ្លួនសម្រាប់ថ្ងៃបរលោកតាមរយៈអ្វីដែលមានប្រយោជន៍ និងការសាងទង្វើកុសល។
  2. អល់ឡោះជាម្ចាស់ទ្រង់លាក់បាំងពេលវេលានៃថ្ងៃបរលោកពីខ្ញុំបម្រើទាំងឡាយរបស់ទ្រង់ដើម្បីឱ្យពួកគេនៅតែត្រៀមខ្លួនជានិច្ចសម្រាប់ការជួបអល់ឡោះជាម្ចាស់។
  3. បញ្ជាក់ពីឧត្តមភាពនៃក្តីស្រឡាញ់ចំពោះអល់ឡោះ ចំពោះអ្នកនាំសាររបស់ទ្រង់ និងចំពោះអ្នកមានជំនឿដែលសាងទង្វើកុសល ហើយព្រមានចំពោះការស្រឡាញ់ពួកដែលគ្មានជំនឿ។
  4. ប្រសាសន៍របស់ណាពី ﷺ ៖ “អ្នកនឹងនៅជាមួយអ្នកដែលខ្លួនស្រឡាញ់” ពុំមែនមានន័យថា ពួកគេមានឋានៈស្មើគ្នានោះទេ។ ផ្ទុយទៅវិញ គឺមានន័យថា ពួកគេនឹងបានស្ថិតនៅក្នុងឋានសួគ៌ដែលម្នាក់ៗអាចមើលឃើញគ្នាទៅវិញទៅមកបាន ទោះបីជានៅឆ្ងាយពីគ្នាក៏ដោយ។
  5. ណែនាំជនមូស្លីមឱ្យផ្តោតសំខាន់លើអ្វីដែលផ្តល់ផលប្រយោជន៍ដល់ខ្លួន និងចៀសវាងការសួរអំពីអ្វីដែលគ្មានប្រយោជន៍។

បង្ហាញការបកប្រែ

52 ភាសា
EN English الإنجليزية
UR اردو الأوردية
ES Español الإسبانية
ID Indonesia الإندونيسية
BN বাংলা البنغالية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
MY မြန်မာ البورمية
TH ไทย التايلندية
DE Deutsch الألمانية
PS پښتو بشتو
AS অসমীয়া الأسامية
SQ Shqip الألبانية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
KY Кыргызча القيرقيزية
NE नेपाली النيبالية
LT Lietuvių الليتوانية
PRS دری الدرية
SR Српски الصربية
TG тоҷикӣ الطاجيكية
RW Kinyarwanda الكينياروندا
RO Română الرومانية
HU Magyar المجرية
CS Čeština التشيكية
MOS Moore الموري
MG Malagasy المالاجاشية
OM Oromoo الأورومو
KN ಕನ್ನಡ الكانادا
WO Wolof الولوف
AZ Azərbaycan الأذربيجانية
UK Українська الأوكرانية
KA ქართული الجورجية
MK Македонски المقدونية
PA ਪੰਜਾਬੀ البنجابية
MR मराठी الماراثية