Hadiis: Tɩ raoa n sok Nabiyaamã (Wẽnd pʋʋsg la A tɩlgr be a yĩnga) dũni wã yikr yelle, n yeele: dũni yikr yaa rabʋre? T'a yeele: «La yaa bõe la fo seglg dũni yikr yĩngã?

عَنْ أَنَسٍ رَضِيَ اللَّهُ عَنْهُ:
أَنَّ رَجُلًا سَأَلَ النَّبِيَّ صَلَّى اللهُ عَلَيْهِ وَسَلَّمَ عَنِ السَّاعَةِ، فَقَالَ: مَتَى السَّاعَةُ؟ قَالَ: «وَمَاذَا أَعْدَدْتَ لَهَا». قَالَ: لاَ شَيْءَ، إِلَّا أَنِّي أُحِبُّ اللَّهَ وَرَسُولَهُ صَلَّى اللهُ عَلَيْهِ وَسَلَّمَ، فَقَالَ: «أَنْتَ مَعَ مَنْ أَحْبَبْتَ». قَالَ أَنَسٌ: فَمَا فَرِحْنَا بِشَيْءٍ، فَرِحْنَا بِقَوْلِ النَّبِيِّ صَلَّى اللهُ عَلَيْهِ وَسَلَّمَ: «أَنْتَ مَعَ مَنْ أَحْبَبْتَ» قَالَ أَنَسٌ: فَأَنَا أُحِبُّ النَّبِيَّ صَلَّى اللهُ عَلَيْهِ وَسَلَّمَ وَأَبَا بَكْرٍ، وَعُمَرَ، وَأَرْجُو أَنْ أَكُونَ مَعَهُمْ بِحُبِّي إِيَّاهُمْ، وَإِنْ لَمْ أَعْمَلْ بِمِثْلِ أَعْمَالِهِمْ.
[صحيح] - [متفق عليه] - [صحيح البخاري: 3688]

Yii a Anas nengẽ, (Wẽnd yard be a yĩnga):
Tɩ raoa n sok Nabiyaamã (Wẽnd pʋʋsg la A tɩlgr be a yĩnga) dũni wã yikr yelle, n yeele: dũni yikr yaa rabʋre? T'a yeele: «La yaa bõe la fo seglg dũni yikr yĩngã?» La a yeel yã: baa fʋɩ, sã n ka mam sẽn nong Wẽnd la A Tẽn-tʋʋmã (Wẽnd pʋʋsg la A tɩlgr be a yĩnga). Tɩ Nabiyaamã yeele: «Ad fo bee ne neb nins fo sẽn nongã». A Anas yeelame: Tõnd ka kɩdem ne bũmbu, wala tõnd sẽn kɩdem ne Nabiyaamã (Wẽnd pʋʋsg la A tɩlgr be a yĩnga) koεεgã a sẽn yeele: «Ad fo bee ne neb nins fo sẽn nongã». A Anas yeelame, rẽnd mam nonga Nabiyaamã (Wẽnd pʋʋsg la A tɩlgr be a yĩnga), la a Abuu Bakr la a ʿƲmar, la m tẽedame tɩ m na lagem-ba, mam sẽn nong-ba yĩnga, baa tɩ mam sã n ka maan b tʋʋmã buudu.
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Al-Bʋẖaary - 3688]

bilgrã

Weoogẽ ned n sok Nabiyaamã (Wẽnd pʋʋsg la A tɩlgr be a yĩnga), sẽn yaa neb nins sẽn vɩ weoogẽ wã: dũni wã yikr wakat yelle?
Tɩ Nabiyaamã (Wẽnd pʋʋsg la A tɩlgr be a yĩnga) yeel-a: la bõe tʋʋm sõng la fo segl a yĩnga?
Tɩ sokda yeele: ad mam ka segl tʋʋm bedr a yĩng ye, la ad mam nonga Wẽnd la A Tẽn-tʋʋmã, la a ka togs zẽng sẽn ka rẽ ye, sẽn yaa sũurã tũud-rãmb la yĩngã tũudum la arzεk tũudum; a sẽn ka togs rẽ wã, yaa t'a fãa gillã yaa nonglemã wila sẽn tũnugd-a wã, sẽn paasde yaa tɩ nonglem sẽn yaa a sɩdã, a kɩtɩdame tɩ ned nidg pãng ne tʋʋm sõngo.
Tɩ (Wẽnd pʋʋsg la A tɩlgr be a yĩnga) yeel-a: ad fo bee ne ned ning fo sẽn nong-a wã arzãnã pʋgẽ.
Tɩ Nabiyaamã Ṣahaabsã (Wẽnd pʋʋsg la A tɩlgr be a yĩnga) sũyã yɩ noog ne sũ-no-kãngã koεεga, sũ-noogr tεkẽ.
Rẽ poorẽ t'a Anas (Wẽnd yard be a yĩnga) kõ kibare, tɩ yẽ nonga Nabiyaamã (Wẽnd pʋʋsg la A tɩlgr be a yĩnga) la a Abuu Bakr la a ʿƲmar, la a tẽedame n rat n lagem-ba baa tɩ yẽ tʋʋmã sã n ka ta b tʋʋmã.

Sẽn be Hɑdiisã yõod-rãmbẽ

1. Wilgda Wẽnd Tẽn-tʋʋma (Wẽnd pʋʋsg la A tɩlgr be a yĩnga) yam bedrã sẽn ta zĩig ninga, ne a sẽn na n loek soakdã, a sẽn togl-a ne bũmb ning sẽn pak-a la tõe n põsg-a wã, yẽnda: la segl yaoolem raarã yĩnga, ne bũmb ning sẽn na n naf-a ne tʋʋm sõngo.
2. Wẽnd solga dũni wã yikr bãngre, A yembsã zugu, sẽn na yɩlẽ tɩ ninsaal kell n pa n segendẽ, n nidgd pãng ne Wẽnd segbã.
3. Wilgda Wẽnd nonglemã la A Tẽn-tʋʋmã la nin-sõmã wã, la muumin-rãmbã yɩɩdlemã sẽn ta zĩig ninga, la bugsg n yi kɩfr-rãmbã nonglem.
4. Nabiyaamã (Wẽnd pʋʋsg la A tɩlgr be a yĩnga) sẽn yeele: fo bee ne ned ning fo sẽn nongã. A ka rat n na n yeel tɩ b fãa zemsa taab dargε a yembr pʋgẽ ye, raabã yaa tɩ b fãa bee arzãna, ned fãa tõe n yã a to, baa tɩ b zĩigã zãr ne taaba.
5. A togenda lɩslaam t'a maan a meng soagl ne bũmb ning sõmblem la nafã sẽn yɩɩd ne-a, la a bas bũmb ning sẽn ka nafd-a yell sokre.