Hadiis: Wẽnd tigimada rẽenem rãmbã la yaoolem rãmbã zĩ-peell a yembr pʋga, tɩ boaandã wʋmsd-b fãa gilli, tɩ nin ne-b lame, tɩ wĩndgã pẽnege, tɩ nebã wa tʋg n ta keelemã la yɩɩgrã b sẽn ka tõe

عَنْ أَبِي هُرَيْرَةَ رَضِيَ اللَّهُ عَنْهُ: أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ أُتِيَ بِلَحْمٍ فَرُفِعَ إِلَيْهِ الذِّرَاعُ، وَكَانَتْ تُعْجِبُهُ فَنَهَشَ مِنْهَا نَهْشَةً، ثُمَّ قَالَ:
«أَنَا سَيِّدُ النَّاسِ يَوْمَ القِيَامَةِ، وَهَلْ تَدْرُونَ مِمَّ ذَلِكَ؟ يَجْمَعُ اللَّهُ النَّاسَ الأَوَّلِينَ وَالآخِرِينَ فِي صَعِيدٍ وَاحِدٍ، يُسْمِعُهُمُ الدَّاعِي وَيَنْفُذُهُمُ البَصَرُ، وَتَدْنُو الشَّمْسُ، فَيَبْلُغُ النَّاسَ مِنَ الغَمِّ وَالكَرْبِ مَا لاَ يُطِيقُونَ وَلاَ يَحْتَمِلُونَ، فَيَقُولُ النَّاسُ: أَلاَ تَرَوْنَ مَا قَدْ بَلَغَكُمْ، أَلاَ تَنْظُرُونَ مَنْ يَشْفَعُ لَكُمْ إِلَى رَبِّكُمْ؟ فَيَقُولُ بَعْضُ النَّاسِ لِبَعْضٍ: عَلَيْكُمْ بِآدَمَ، فَيَأْتُونَ آدَمَ عَلَيْهِ السَّلاَمُ فَيَقُولُونَ لَهُ: أَنْتَ أَبُو البَشَرِ، خَلَقَكَ اللَّهُ بِيَدِهِ، وَنَفَخَ فِيكَ مِنْ رُوحِهِ، وَأَمَرَ المَلاَئِكَةَ فَسَجَدُوا لَكَ، اشْفَعْ لَنَا إِلَى رَبِّكَ، أَلاَ تَرَى إِلَى مَا نَحْنُ فِيهِ، أَلاَ تَرَى إِلَى مَا قَدْ بَلَغَنَا؟ فَيَقُولُ آدَمُ: إِنَّ رَبِّي قَدْ غَضِبَ اليَوْمَ غَضَبًا لَمْ يَغْضَبْ قَبْلَهُ مِثْلَهُ، وَلَنْ يَغْضَبَ بَعْدَهُ مِثْلَهُ، وَإِنَّهُ قَدْ نَهَانِي عَنِ الشَّجَرَةِ فَعَصَيْتُهُ، نَفْسِي نَفْسِي نَفْسِي، اذْهَبُوا إِلَى غَيْرِي، اذْهَبُوا إِلَى نُوحٍ، فَيَأْتُونَ نُوحًا فَيَقُولُونَ: يَا نُوحُ، إِنَّكَ أَنْتَ أَوَّلُ الرُّسُلِ إِلَى أَهْلِ الأَرْضِ، وَقَدْ سَمَّاكَ اللَّهُ عَبْدًا شَكُورًا، اشْفَعْ لَنَا إِلَى رَبِّكَ، أَلاَ تَرَى إِلَى مَا نَحْنُ فِيهِ؟ فَيَقُولُ: إِنَّ رَبِّي عَزَّ وَجَلَّ قَدْ غَضِبَ اليَوْمَ غَضَبًا لَمْ يَغْضَبْ قَبْلَهُ مِثْلَهُ، وَلَنْ يَغْضَبَ بَعْدَهُ مِثْلَهُ، وَإِنَّهُ قَدْ كَانَتْ لِي دَعْوَةٌ دَعَوْتُهَا عَلَى قَوْمِي، نَفْسِي نَفْسِي نَفْسِي، اذْهَبُوا إِلَى غَيْرِي، اذْهَبُوا إِلَى إِبْرَاهِيمَ، فَيَأْتُونَ إِبْرَاهِيمَ فَيَقُولُونَ: يَا إِبْرَاهِيمُ أَنْتَ نَبِيُّ اللَّهِ وَخَلِيلُهُ مِنْ أَهْلِ الأَرْضِ، اشْفَعْ لَنَا إِلَى رَبِّكَ أَلاَ تَرَى إِلَى مَا نَحْنُ فِيهِ، فَيَقُولُ لَهُمْ: إِنَّ رَبِّي قَدْ غَضِبَ اليَوْمَ غَضَبًا لَمْ يَغْضَبْ قَبْلَهُ مِثْلَهُ، وَلَنْ يَغْضَبَ بَعْدَهُ مِثْلَهُ، وَإِنِّي قَدْ كُنْتُ كَذَبْتُ ثَلاَثَ كَذِبَاتٍ، نَفْسِي نَفْسِي نَفْسِي، اذْهَبُوا إِلَى غَيْرِي، اذْهَبُوا إِلَى مُوسَى فَيَأْتُونَ، مُوسَى فَيَقُولُونَ: يَا مُوسَى أَنْتَ رَسُولُ اللَّهِ، فَضَّلَكَ اللَّهُ بِرِسَالَتِهِ وَبِكَلاَمِهِ عَلَى النَّاسِ، اشْفَعْ لَنَا إِلَى رَبِّكَ، أَلاَ تَرَى إِلَى مَا نَحْنُ فِيهِ؟ فَيَقُولُ: إِنَّ رَبِّي قَدْ غَضِبَ اليَوْمَ غَضَبًا لَمْ يَغْضَبْ قَبْلَهُ مِثْلَهُ، وَلَنْ يَغْضَبَ بَعْدَهُ مِثْلَهُ، وَإِنِّي قَدْ قَتَلْتُ نَفْسًا لَمْ أُومَرْ بِقَتْلِهَا، نَفْسِي نَفْسِي نَفْسِي، اذْهَبُوا إِلَى غَيْرِي، اذْهَبُوا إِلَى عِيسَى ابْنِ مَرْيَمَ، فَيَأْتُونَ عِيسَى، فَيَقُولُونَ: يَا عِيسَى أَنْتَ رَسُولُ اللَّهِ، وَكَلِمَتُهُ أَلْقَاهَا إِلَى مَرْيَمَ وَرُوحٌ مِنْهُ، وَكَلَّمْتَ النَّاسَ فِي المَهْدِ صَبِيًّا، اشْفَعْ لَنَا إِلَى رَبِّكَ أَلاَ تَرَى إِلَى مَا نَحْنُ فِيهِ؟ فَيَقُولُ عِيسَى: إِنَّ رَبِّي قَدْ غَضِبَ اليَوْمَ غَضَبًا لَمْ يَغْضَبْ قَبْلَهُ مِثْلَهُ قَطُّ، وَلَنْ يَغْضَبَ بَعْدَهُ مِثْلَهُ، وَلَمْ يَذْكُرْ ذَنْبًا، نَفْسِي نَفْسِي نَفْسِي اذْهَبُوا إِلَى غَيْرِي اذْهَبُوا إِلَى مُحَمَّدٍ، فَيَأْتُونَ مُحَمَّدًا فَيَقُولُونَ: يَا مُحَمَّدُ أَنْتَ رَسُولُ اللَّهِ وَخَاتِمُ الأَنْبِيَاءِ، وَقَدْ غَفَرَ اللَّهُ لَكَ مَا تَقَدَّمَ مِنْ ذَنْبِكَ وَمَا تَأَخَّرَ، اشْفَعْ لَنَا إِلَى رَبِّكَ أَلاَ تَرَى إِلَى مَا نَحْنُ فِيهِ، فَأَنْطَلِقُ فَآتِي تَحْتَ العَرْشِ، فَأَقَعُ سَاجِدًا لِرَبِّي عَزَّ وَجَلَّ، ثُمَّ يَفْتَحُ اللَّهُ عَلَيَّ مِنْ مَحَامِدِهِ وَحُسْنِ الثَّنَاءِ عَلَيْهِ شَيْئًا، لَمْ يَفْتَحْهُ عَلَى أَحَدٍ قَبْلِي، ثُمَّ يُقَالُ: يَا مُحَمَّدُ ارْفَعْ رَأْسَكَ سَلْ تُعْطَهْ، وَاشْفَعْ تُشَفَّعْ فَأَرْفَعُ رَأْسِي، فَأَقُولُ: أُمَّتِي يَا رَبِّ، أُمَّتِي يَا رَبِّ، أُمَّتِي يَا رَبِّ، فَيُقَالُ: يَا مُحَمَّدُ أَدْخِلْ مِنْ أُمَّتِكَ مَنْ لاَ حِسَابَ عَلَيْهِمْ مِنَ البَابِ الأَيْمَنِ مِنْ أَبْوَابِ الجَنَّةِ، وَهُمْ شُرَكَاءُ النَّاسِ فِيمَا سِوَى ذَلِكَ مِنَ الأَبْوَابِ، ثُمَّ قَالَ: وَالَّذِي نَفْسِي بِيَدِهِ، إِنَّ مَا بَيْنَ المِصْرَاعَيْنِ مِنْ مَصَارِيعِ الجَنَّةِ، كَمَا بَيْنَ مَكَّةَ وَحِمْيَرَ -أَوْ كَمَا بَيْنَ مَكَّةَ وَبُصْرَى-».
[صحيح] - [متفق عليه] - [صحيح البخاري: 4712]

Yii a Abɩɩ Hʋrayrat nengẽ (Wẽnd yard be a yĩnga) tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) b wa n kõ-a-la nemdo, tɩ b zẽk bãokã n kõ-a, la Nabiyaamã rag n nonga bãoko, t'a yĩig-a, rẽ poorẽ t'a yeele:
«Maam la nebã zu-soaba dũni yikr raare, la rẽ yĩngã yãmb mi yẽ sẽn yaa a soab bɩɩ?Wẽnd tigimada rẽenem rãmbã la yaoolem rãmbã zĩ-peell a yembr pʋga, tɩ boaandã wʋmsd-b fãa gilli, tɩ nin ne-b lame, tɩ wĩndgã pẽnege, tɩ nebã wa tʋg n ta keelemã la yɩɩgrã b sẽn ka tõe, tɩ nebã yetẽ: yãmb ka ne y sẽn ta zĩig ningã, y ka na n bao ned sẽn na n yõk sẽega y Soabã nengẽ? Tɩ nebã sãnda yeel taaba: yõk-y-yã a Adam. Tɩ b wa a Adam nengẽ, (tɩlgr be a yĩnga, n yeel-a: foom la ninsaalba saamba, Wẽnd naana foom ne A Nugu, la A fʋʋs A Vɩɩmã fo pʋgẽ la A sagl malεgsã tɩ b maan suguud fo yĩnga, kos f Soabã sugr tõnd yĩnga, fo ka ne tõnd sẽn ta bũmb ningã? T'a Adam yeele: Ad mam Soabã gẽe rũnda gẽeg ninga A sẽn ka gẽ a buud tɩ looge, A ka na n leb n gẽ a buud yεs ye, la ad A rag n gɩdga maam tɩ m ra rɩ tɩɩgã tɩ mam kɩɩs-A, mam meng yell n pak maam, m kũmda m menga, m kũmda m menga. Kẽng-y zẽng sẽn ka maam nengẽ, kẽng-y a Nuuh nengẽ. Tɩ b wa a Nuuh nengẽ, n wa yeele: Huuhu, foom la Tẽn-tʋʋmbã rẽenem n tʋg Tẽngẽ wã, la Wẽnd pʋda foom tɩ yamb sẽn yaa bark pʋʋsda, kos sugr f Soabã tõnd yĩnga, fo ka ne tõnd sẽn be bũmb ning pʋga? T'a yeele: Ad mam Soabã gẽe rũnda gẽeg ninga A sẽn ka gẽ a buud tɩ looge, A ka na n leb n gẽ a buud yεs ye, la ad A rag n tara doaag msẽn sõmb n kos, la mam rɩk-a lame n kõs tɩ Wẽnd halk m nebã, mam meng yell n pak maam, m kũmda m menga, m kũmda m menga. Kẽng-y zẽng sẽn ka mam nengẽ, kẽng-y-yã a ɭbraahɩɩm nengẽ, tɩ wa a ɭbraahɩɩm nengẽ n yeele: ɭbraahɩɩma, foom la Wẽnd Nabiyaam la a nonga Tẽngã rãmb nengẽ, kos sugr f Soabã d yĩnga, fo ka ne tõnd sẽn be bũmb ning pʋgã? T'a yeel-ba: Ad mam Soabã gẽe rũnda gẽeg ninga A sẽn ka gẽ a buud tɩ looge, A ka na n leb n gẽ a buud yεs ye, la ad A rag n yaga yagb a tãabo, mam meng yell n pak maam, m kũmda m menga, m kũmda m menga. Kẽng-y zẽng sẽn ka mam nengẽ, kẽng-y-yã a Muusa nengẽ. Tɩ b wa a Muusa nengẽ n yeele: Muusa, foom la Wẽnd Tẽn-tʋʋma, Wẽnd yɩɩsa foom nebã zugu ne A tẽn-tʋʋmbdã la A goamã, kos f Soabã sugr tõnd yĩnga, t'a yeele: Ad mam Soabã gẽe rũnda gẽeg ninga A sẽn ka gẽ a buud tɩ looge, A ka na n leb n gẽ a buud yεs ye, la mam rag n kʋʋ yõore, b sẽn ka sagl maam tɩ m kʋ-a, mam meng yell n pak maam, m kũmda m menga, m kũmda m menga. Kẽng-y zẽng sẽn ka mam nengẽ, kẽng-y-yã a ɭɩsa a Maryam biigã nengẽ. Tɩ b wa a ɭɩsa nengẽ n yeele: ɭɩsa, fo yaa Wẽnd Tẽn-tʋʋma, n leb n yaa A gomde A sẽn lob-a a Maryam nengẽ, n leb n yaa Vɩɩm sẽn yi A nengẽ, fo goma ne nebã fo sẽn wa n be futẽ n yaa bi-bilfu, kos f Soabã sugr tõnd yĩnga, fo ka ne tõnd sẽn be yell ning pʋgã, t'a yeele: Ad mam Soabã gẽe rũnda gẽeg ninga A sẽn ka gẽ a buud tɩ looge, A ka na n leb n gẽ a buud yεs ye, la a ka togs zũnuub ye, mam meng yell n pak maam, m kũmda m menga, m kũmda m menga. Kẽng-y zẽng sẽn ka mam nengẽ, kẽng-y-yã a Mʋhammad nengẽ. Tɩ b wa a Mʋhammad nengẽ n yeele: Mʋhaamad, fo yaa Wẽnd Tẽn-tʋʋma, la nabiyaam-rãmbã Pidsda la Wẽnd yaafa foom f zũnuub-rãmb sẽn reng taoore la sẽn yaoolge, kos f Soabã sugr tõnd yĩnga, fo ka ne tõnd sẽn be bũmb ning pʋgẽ wã? Tɩ mam loog n kẽng Al-arsã tẽngre, n lʋɩ n maan m Soabã suguudu, (A Naam yɩ wagell n zẽke, rẽ poorẽ tɩ Wẽnd pak n wilg maam sẽn yaa A pẽgb la A soeesg yεla, A sẽn rag n ka pak n wilg maam sẽn reng taoor ye. Rẽ poorẽ tɩ b yeele: Mʋhammad zẽk f zugã n kos tɩ b na n kõ-f lame, la f kos sugr tɩ b na reega f sugrã. Tɩ mam zẽk m zugã n yeele, m poorẽ rãmbã, m Soab A Wẽnde, m poorẽ rãmbã yelle, m Soab A Wẽnde! Tɩ b yeele: Mʋhammad kẽes fo poorẽ rãmbã neb nins geelg sẽn ka be b rãmb zugã arzãnã rɩtg ragnoorã. La b na n leb n lagema nebã n kẽ ragnoy nins sẽn ketã. Rẽ poorẽ tɩ Nabiyaamã yeele: m wẽen ne Naab ning mam yõorã sẽn be A Nugẽ wã, sẽn be arzãnã regnoorã kɩrems a yiibã sʋka yaa wala Mak la himyar sʋka, -maa Mak la Busraa sʋka-»
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Al-Bʋẖaary - 4712]

bilgrã

Nabiyaamã yɩɩme (Wẽnd pʋʋsg la A tɩlgr be a yĩnga) n be ne a Ṣahaabsã, b sẽn bool-b tɩ wa rɩ zĩigẽ tɩ b rɩk bãok n kõ-a, la Nabiyaamã rag n nonga bãoko, t'a yĩig-a, ne a yĩngr yẽnã, rẽ poorẽ t'a yẽs-ba n yeele: Maam la a Adam koambã zu-soab dũni yikr raare, la rẽ yaa Wẽnd neemã wã A sẽn maan n kõ-a wã yẽsgo, ka pugb ye, (A Naam zẽk yã). Rẽ poorẽ t'a yeele: la yãmb mii rẽ sẽn yaa a soab bɩɩ? A yeelame: tɩ Wẽnd tigimda nebã zĩig sẽn yaa yaleng n teese, la neb nins sẽn be vɩʋʋgẽ wã boaand wʋmsd-b lame, tɩ gεt me tõe n yã-ba, b yell baa a yembr ka solg ye, bala Tẽngã zemsa taaba, bũmb ka be n lilld tɩ ka tõe n yã ye, tɩ nifr ne b zanga, rat n yeel tɩ ned sã n gome, a gomdã wʋmsda ned ning sẽn be a hal kɩreng kaanẽ, tɩ ninã ne-ba tɩ wĩndgã pẽneg bõn-naandsã n zems wala Miili, tɩ nebã wa tʋg n ta keelemã la yɩɩgrã b sẽn ka tõe, tɩ b baood n na põse sẽn tũ ne Sugsgu. Tɩ Wẽnd leems sɩd-kõtbã tɩ b wa a Adam nengẽ, (tɩlgr be a yĩnga) sẽn yaa ninsaalbã ba wã, tɩ b wa a nengẽ n togs-a a yɩɩdlemã tõe t'a na sugs-ba Wẽnd nengẽ, (A Naam yɩ wagell n zẽke), b yet-a lame: foom la ninsaalba saamba, Wẽnd naana foom ne A Nugu, la A sagl malεgsã tɩ b maan suguud fo yĩnga, la A wilg foom bũmb fãa gill yʋʋre, la A fʋʋs A Vɩɩmã fo pʋgẽ. T'a Adam bao padanga n yeel tɩ Wẽnd gẽe rũnda gẽeg ninga A sẽn ka gẽ a buud tɩ looge, A ka na n leb n gẽ a buud yεs ye, rẽ poorẽ t'a togs a tudgrã, la rẽnda yaa tɩ Wẽnde, (A Naam yɩlgame n zẽke) A rag n gɩdg-a lame t'a ra rɩ tɩɩgã tɩ yẽ kɩɩs-A, la a yeele: ad mam mengã n sõmb tɩ b kos sugr m yĩnga. Kẽng-y zẽng sẽn ka maam nengẽ, kẽng-y a Nuuh nengẽ. Tɩ b wa a Nuuh nengẽ, n wa yeele: Nuuhu, foom la Tẽn-tʋʋmbã rẽenem n tʋg Tẽngẽ wã, la Wẽnd pʋda foom tɩ yamb sẽn yaa bark pʋʋsda, la yẽnda me na n padmame n yeele: Ad Wẽnd gẽe rũnda gẽeg ninga A sẽn ka gẽ a buud tɩ looge, A ka na n leb n gẽ a buud yεs ye, la ad a rag n tara doaag m sẽn sõmb n kos, la a rɩk-a lame n kõs tɩ Wẽnd halk a nebã, mam meng n sõmb tɩ b kos sugsg n kõ-ma. Kẽng-y zẽng sẽn ka maam nengẽ, kẽng-y-yã a ɭbraahɩɩm nengẽ. Tɩ b wa a ɭbraahɩɩm nengẽ n yeele: ɭbraahɩɩma, foom la Wẽnd nonga Tẽngã zugu, kos sugr f Soabã d yĩnga, fo ka ne tõnd sẽn be bũmb ning pʋgã? T'a yeel-ba: Ad mam Soabã gẽe rũnda gẽeg ninga A sẽn ka gẽ a buud tɩ looge, A ka na n leb n gẽ a buud yεs ye, la ad A rag n yaga yagb a tãabo, bãmb la a koεεg sẽn yeel Alkʋrãanã pʋgẽ tɩ {mam yaa bãada} la {Rʋbsã kãsem n wã rʋbsã} la a sẽn yeel a paga a Saara t'a yeel na-wẽngã t'a togs-a tɩ yẽ yaa a tão, sẽn na yɩl n paam n tɩlg n yi naabã wẽnga. La sɩda yaa tɩ gom-biis a tãabã b rag n yaa pʋd n põs gomd bala, la b sẽn wõnd wala zĩri wã n kɩt t'a tar rabeem ne-a, tɩ woto yaa a mengã la a sik yã n yi sugrã kosgo; bala ned ning sẽn wa n yɩɩd minim ne Wẽnde, la a yɩɩd pẽnegr ne Wẽnde, yẽnda rabeemã n yɩɩde. La a ɭbraahɩɩm yeelame: m yõorã n sõmb ne b kos sugsg n kõ-a. Kẽng-y zẽng sẽn ka maam nengẽ, kẽng-y-yã a Muusa nengẽ. Tɩ b wa a Muusa nengẽ n yeele: Muusa, foom la Wẽnd Tẽn-tʋʋma, Wẽnd yɩɩsa foom nebã zugu ne A tẽn-tʋʋmdã la A goamã, kos f Soabã sugr tõnd yĩnga, fo ka ne tõnd sẽn be yell ning pʋgã?! T'a yeele: Ad mam Soabã gẽe rũnda gẽeg ninga A sẽn ka gẽ a buud tɩ looge, A ka na n leb n gẽ a buud yεs ye, la mam rag n kʋʋ yõore, b sẽn ka sagl maam tɩ m kʋ-a, mam mengã n sõmb ne sugsgu. Kẽng-y zẽng sẽn ka maam nengẽ, kẽng-y-yã a ɭɩsa a Maryam biigã nengẽ. Tɩ b wa a ɭɩsa nengẽ n yeele: ɭɩsa, fo yaa Wẽnd Tẽn-tʋʋma, n leb n yaa A gomde A sẽn lob-a a Maryam nengẽ, n leb n yaa Vɩɩm sẽn yi A nengẽ, fo goma ne nebã fo sẽn wa n be futẽ n yaa bi-bilfu, kos f Soabã sugr tõnd yĩnga, fo ka ne tõnd sẽn be yell ning pʋgã?! T'a yeele: Ad mam Soabã gẽe rũnda gẽeg ninga A sẽn ka gẽ a buud tɩ looge, A ka na n leb n gẽ a buud yεs ye, la a ka togs zũnuub ye, mam mengã n sõmb ne sugsgu. Kẽng-y zẽng sẽn ka maam nengẽ. Kẽng-y-yã a Mʋhammad nengẽ. Tɩ b wa a Mʋhammad nengẽ n yeele: Mʋhaamad, fo yaa Wẽnd Tẽn-tʋʋma, la nabiyaam-rãmbã Pidsda la Wẽnd yaafa foom f zũnuub-rãmb sẽn reng taoore la sẽn yaoolge, kos f Soabã sugr tõnd yĩnga, fo ka ne tõnd sẽn be bũmb ning pʋgẽ wã?! Tɩ mam loog n kẽng Al-arsã tẽngre, n lʋɩ n maan m Soabã suguudu, (A Naam yɩ wagell n zẽke, rẽ poorẽ tɩ Wẽnd pak n wilg maam sẽn yaa A pẽgb la A soeesg yεla, A sẽn rag n ka pak n wilg maam sẽn reng taoor ye. Rẽ poorẽ tɩ b yeele: Mʋhammad zẽk f zugã n kos tɩ b na n kõ-f lame, la f kos sugr tɩ b na reega f sugrã. Tɩ mam zẽk m zugã n yeele, m poorẽ rãmbã, m Soab A Wẽnde, m poorẽ rãmbã yelle, m Soab A Wẽnde! Tɩ b na n sak a sugsgã. Tɩ b yeele: Mʋhammad kẽes fo poorẽ rãmbã neb nins geelg sẽn ka be b rãmb zugã arzãnã rɩtg ragnoorã. La b na n leb n lagema nebã n kẽ ragnoy nins sẽn ketã. Rẽ poorẽ tɩ Nabiyaamã yeele: m wẽen ne Naab ning mam yõorã sẽn be A Nugẽ wã, sẽn be arzãnã regnoorã kɩrems a yiibã sʋka yaa wala Mak la Yaman San'aa' sʋka, maa Mak la Saam Busraa sʋka, la yẽ yaa Hawraan tẽnga.

Sẽn be Hɑdiisã yõod-rãmbẽ

1. Hadiisã wilgda Nabiyaamã (Wẽnd pʋʋsg la A tɩlgr be a yĩnga) gãneg-m-mengã, la a sẽn sakd ned boolle, la a sẽn lagemd Ṣahaabsã n rɩtẽ.
2. Wilgda tõnd Nabiyaamã (Wẽnd pʋʋsg la A tɩlgr be a yĩnga) b sẽn yɩɩs-a nebã fãa zugã.
3. A Al-Ƙaady Al-Ayyaad (Wẽnd na yols-a) yeelame: b yeelame: b sã n yeel tɩ zu-soabã yaa ned ning sẽn põsa nebã, tɩ b wat a nengẽ yel-pakds sasa, Nabiyaamã (Wẽnd pʋʋsg la A tɩlgr be a yĩnga) a yaa zu-soab dũni la laahre, la b welga dũni yikrã raarã n gomda, bala beenẽ zugẽndã sɩd zẽkame, la b fãa gillã sẽn bas yellã n kõ yẽnda wã, n leb n mik t'a Adam ne a koambã fãɑ bee yẽnda tap-kaoorã tẽngrã, (Wẽnd pʋʋsg la A tɩlgr be a yĩnga).
4. Bãng bedr sẽn be tɩ Wẽnd leems-b tɩ b sok a Adamã, la sẽn wa-b yẽ poorẽ, sɩngrẽ wã, la ka leems-b tɩ b sok Nabiyaamã (Wẽnd pʋʋsg la A tɩlgr be a yĩnga) sɩngrẽ wã, yaa sẽn na yɩl n vẽneg a yɩɩdlemã, rẽnd yẽnda la tεka dargε wã zẽkrẽ, la Wẽnd pẽnegrã pidbẽ.
5. Wilgame tɩ kõo sore, tɩ ned ning sẽn wa n tʋg n tar tʋlsem ned nengẽ, bɩ a reng n sɩf yẽ sẽn rat n bõos a soabã, a sɩf-sõmsã, bʋl yĩng tɩ rẽ n pẽ ne a na sak a kosgã.
6. Sakdame tɩ ned ning b sẽn wa n tʋg n kos-a yell a sẽn ka tõe, bɩ a padam ne bũmb ninga b sẽn na sak a padangã, la b bʋʋ nonglem t'a wilg ned ning sẽn tõe yellã n yɩɩd yẽndã wã.
7. Vẽnegdame n wilgd yalsgã zĩigẽ yellã, la tigsgã sẽn na n pak yembsã dũni yikr raarã.
8. Wilgda nabiyaam-rãmbã gãneg-m-mengã, ne b sẽn ket n tẽedg sẽn da loog b nengẽ, bʋl yĩng tɩ b na ning b yamẽ tɩ bãmb pɑ tɑ zĩ-kãngã ye.
9. A tabenda sugs-kãnsengã dũni yikr raarã, la yẽnda yaa sẽn na yɩlẽ tɩ b bʋ bõn-naandsã ne taab sʋka.
10. Wilgda radg ning la zĩig ning sẽn yaa pẽnegr zĩiga b sẽn kõ Wẽnd Tẽn-tʋʋmã (Wẽnd pʋʋsg la A tɩlgr be a yĩnga).
11. Wẽnd pẽg-rãmbã b ka sεt ye, rẽ n kɩt tɩ Wẽnd pakd n wilgd a Tẽn-tʋʋmã zĩ-kãngã pẽgb sẽn be neere, A sẽn rag n ka vẽneg-ɑ n wilg ned baa a yembre, rẽ taoor ye.
12. Wilgdame t'a Mʋhammad zãmã wã sõmlem n yɩɩd zãma-rãmbã fãa, b tara welgr arzãnã kõomẽ, ne b sẽn n kẽes sẽn ka tar-b geelgo ragnoor sẽn welg toore, la b leb n lagemd nebã ragnoyã a taabã.