فەرموودە: مسوگه‌ر هوین دێ خودایێ خۆ بینن، هه‌روه‌كی كا چاوا هوین ڤێ هه‌یڤێ دبینن، و هوین چ نه‌خۆشییێ د دیتنا ویدا نابینن

عن جَرِيْر بنِ عبدِ الله رضي الله عنه قال:
كُنَّا عِنْدَ النَّبِيِّ صَلَّى اللهُ عَلَيْهِ وَسَلَّمَ، فَنَظَرَ إِلَى الْقَمَرِ لَيْلَةً -يَعْنِي الْبَدْرَ- فَقَالَ: «إِنَّكُمْ سَتَرَوْنَ رَبَّكُمْ كَمَا تَرَوْنَ هَذَا الْقَمَرَ، لَا تُضَامُونَ فِي رُؤْيَتِهِ، فَإِنِ اسْتَطَعْتُمْ أَنْ لَا تُغْلَبُوا عَلَى صَلَاةٍ قَبْلَ طُلُوعِ الشَّمْسِ وَقَبْلَ غُرُوبِهَا فَافْعَلُوا» ثُمَّ قَرَأَ: «{وَسَبِّحْ بِحَمْدِ رَبِّكَ قَبْلَ طُلُوعِ الشَّمْسِ وَقَبْلَ الْغُرُوبِ}»
[صحيح] - [متفق عليه] - [صحيح البخاري: 554]

جه‌ریرێ كوڕێ عه‌بدولڵاهی (خودێ ژێ ڕازی بیت) دبێژیت:
ئه‌م ل ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن) بووین، وی سه‌حكره‌ هه‌یڤێ د شه‌ڤه‌كا ته‌مامدا - ئانكو هه‌یڤ یا چارده‌ شه‌ڤی بوو - و گۆت: ((مسوگه‌ر هوین دێ خودایێ خۆ بینن، هه‌روه‌كی كا چاوا هوین ڤێ هه‌یڤێ دبینن، و هوین چ نه‌خۆشییێ د دیتنا ویدا نابینن، ڤێجا ئه‌گه‌ر هوین بشێن كو چ تشت نه‌بنه‌ ڕێگر ل سه‌ر كرنا نڤێژه‌كا به‌ری هه‌لاتنا ڕۆژێ و به‌ری ئاڤابوونا وێ؛ هوین ئه‌ڤێ چه‌ندێ بكه‌ن))، پاشی ئه‌ڤ ئایه‌ته‌ خواند: {وَسَبِّحْ بِحَمْدِ رَبِّكَ قَبْلَ طُلُوعِ الشَّمْسِ وَقَبْلَ الْغُرُوبِ} ، ئانكو: ((و‌ به‌ری هه‌لاتنا ڕۆژێ و به‌ری ئاڤابوونا وێ تو خودایێ خۆ ژ هه‌می كێماسییان بلند ڕابگره‌ و حه‌مد و سوپاسییا وی بكه‌)).
[صحيح] - [متفق عليه] - [صحيح البخاري - 554]

شیکردنەوە

شه‌ڤه‌كێ صه‌حابی د گه‌ل پێغه‌مبه‌ری (صه‌لات و سه‌لامێن خودێ ل سه‌ر بن) بوون، ئینا وی به‌رێ خۆ دا هه‌یڤێ -ل شه‌ڤا چاردێ- و گۆت: مسوگه‌ر باوه‌ردار دێ خودایێ خۆ ب دروستی و ب چاڤێن خۆ بینن بێی چ گومان و شێلیاتی تیدا هه‌بیت و ئه‌و تووشی چ په‌ستان و وه‌ستییان و نه‌خۆشییێ نابن ل ده‌مێ دیتنا خودایێ مه‌زن. پاشی پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت: ئه‌گه‌ر هوین بشێن وان ئه‌گه‌ران ده‌رباز بكه‌ن یێن هه‌وه‌ ژ نڤێژا سپێدێ و نڤێژا ئێڤاری پاشڤه‌ دبه‌ن؛ ئه‌ڤێ چه‌ندێ بكه‌ن، و وان هه‌ردووكان ب ته‌مامی و د وه‌ختێ واندا و ب جه‌ماعه‌ت بكه‌ن؛ چونكی ئه‌ڤه‌ ئێكه‌ ژ ئه‌گه‌رێن به‌رێخۆدان و دیتنا وه‌جهێ خودایێ مه‌زن. پاشی صه‌لات و سه‌لامێن خودێ ل سه‌ر بن ئه‌ڤ ئایه‌ته‌ خواند: ((و‌ به‌ری هه‌لاتنا ڕۆژێ و به‌ری ئاڤابوونا وێ تو خودایێ خۆ ژ هه‌می كێماسییان بلند ڕابگره‌ و حه‌مد و سوپاسییا وی بكه‌)).

لە سوودەکانی فەرموودەکە

1. مزگینیدان ب كه‌سێن باوه‌ردار ب دیتنا خودایێ مه‌زن د به‌حه‌شتێدا.
2. ژ ڕێك و شێوازێن گازییا د ڕێكا خودێدا: پشتڕاستكرن و هاندان و ئینانا نموونه‌یانه‌.