हदीस: मुमिन (आस्थावान) पुरुष र मुमिन महिलालाई आफ्नो जीउ-धन र सन्तानमा सधैं परीक्षाहरू जारी रहन्छ । यहाँसम्म उनीहरू कुनै पाप नरहेको अवस्थामा अल्लाहलाई भेट्ने छन् ।
عَنْ أَبِي هُرَيْرَةَ رضي الله عنه قَالَ: قَالَ رَسُولُ اللهِ صَلَّى اللَّهُ عَلَيْهِ وَسَلَّمَ:
«مَا يَزَالُ البَلاَءُ بِالمُؤْمِنِ وَالمُؤْمِنَةِ فِي نَفْسِهِ وَوَلَدِهِ وَمَالِهِ حَتَّى يَلْقَى اللَّهَ وَمَا عَلَيْهِ خَطِيئَةٌ».
[حسن] - [رواه الترمذي وأحمد] - [سنن الترمذي: 2399]
المزيــد ...
अबू-हुरैरह (रजियल्लाहु अन्हु) ले बयान गरेका छन्, रसूल (सल्लल्लाहु अलैहि वसल्लम) ले भन्नुभएको छ :
"मुमिन (आस्थावान) पुरुष र मुमिन महिलालाई आफ्नो जीउ-धन र सन्तानमा सधैं परीक्षाहरू जारी रहन्छ । यहाँसम्म उनीहरू कुनै पाप नरहेको अवस्थामा अल्लाहलाई भेट्ने छन् ।"
[हसन] - [तिर्मीजी र अहमदले वर्णन गरेका छन्] - [सुनन् तिर्मिजी - 2399]
नबी (सल्लल्लाहु अलैहि वसल्लम) बताउनुहुन्छ कि परीक्षाहरू र कष्टहरूले सधैं आस्थावान मानिसलाई घेरेका हुन्छन्। तिनको स्वास्थ्य र शरीरमा, सन्तानमा—रोग, मृत्यु, या अरू कुनै कठिनाइमा—र सम्पत्तिमा—गरिबी, व्यापारमा हानी, चोरी, र जीविकाको कठिनाईमा तिनीहरूलाई परखा गरिन्छ। यी कष्टहरूले उसको सम्पूर्ण पाप मेटिदिन्छन्, ताकि जब ऊ अल्लाहलाई भेट्छ, ऊ सम्पूर्ण पापबाट शुद्ध भएको हुन्छ।
हदीसका केही फाइदाहरू
- आस्थावान भक्तहरूमाथि अल्लाहको कृपाको एउटा उदाहरण के छ भने उहाँले तिनीहरूबाट भएका पापहरूलाई सांसारिक समस्याहरू र विपत्तिहरू दिएर पखाल्नु हुन्छ ।
- आस्थावानलाई कुनै विपत्ति आउँछ भने यसले पापहरू क्षमा गर्छ र जब सेवक धैर्यवान छ र क्रोधित हुँदैन भने उसले पुण्य पाउनेछ ।
- मनपर्ने र नपर्ने सबै कुराहरूमा धैर्य गर्ने प्रेरित । अल्लाहको पुण्यको आशा गर्दै र उहाँको दण्डबाट भयभित हुँदै धैर्यताका साथ अल्लाहको आज्ञा पालन गर्नुपर्छ र उहाँले निषेधित गर्नुभएको कुराबाट टाढा बस्नु पर्छ ।
- उहाँको भनाइ: "मुमिन पुरुष र मुमिन महिला" यसमा "मुमिनह" शब्द थपेर नारीको महत्वलाई दर्शाइएको प्रमाण हो । किनभने "मुमिन" शब्द पुरुषहरूका लागि विशेष होइनन्; यसमा महिला पनि समावेश छन् । त्यसैले जसरी महिलालाई विपत्तिमा समावेश गरिएको छ त्यसरी तिनलाई पाप र कुकर्महरूबाट प्रायश्चित गर्दा समान इनामको प्रतिज्ञा गरिएको छ ।
- विपत्तिबाट प्राप्त हुने पुण्यले भक्तको पीडालाई विस्तारै सहज बनाउछ ।
वर्गीकरण
थप
- हदीस: तहारत (पवित्रता) आधा ईमान हो । अल्हम्दुलिल्लाह (अल्लाहको प्रशंसा) ले (सुकर्म तौल गर्ने ) तराजु भर्छ, ‘सुब्हानल्लाह’ र ‘अल्हम्दुलिल्लाह’ यी दुबैले आकाशहरू देखि पृथ्वी सम्मको विशालतालाई (ती शब्दहरुको वाचनको प्रतिफल र अल्लाहको महिमा ले) भरि दिन्छ
- हदीस: दैनिक पाँच नमाज, र एक शुक्रवारदेखि अर्को शुक्रबार (सम्मको प्रार्थना) र एक रमजानदेखि अर्को रमजान (सम्मको उपवास) ले ती दिनहरु बीच भएका पापहरू लाई मेटाई दिन्छ, यस शर्त साथ कि व्यक्तिले ठूला पापहरूबाट आफूलाई जोगाइ रहोस् ।
- हदीस: हलाल (वैध) स्पष्ट छ र हराम (निषेधित) स्पष्ट छ
- हदीस: इस्लाम भनेको अल्लाह बाहेक कोही सत्य पूज्य छैन र मुहम्मद अल्लाहका सन्देष्टा हुनुहुन्छ भन्ने गवाही दिनु, सलाह (नमाज) कायम गर्नु, जकात दिनु, रमजानको रोजा राख्नु र सक्षम व्यक्तिले अल्लाहको घरसम्म हज गर्नु हो
- हदीस: हे मेरा सेवकहरू! मैले आफूमाथि अन्याय र अत्याचार हराम (निषेध) गरेको छु र यसलाई तिमीहरूका लागि पनि हराम गरेको छु, त्यसैले तिमीहरू एकार्कामाथि अन्याय नगर
- हदीस: निस्सन्देह, अल्लाहको सम्पत्ति दुरुपयोग गर्नेहरुको परिणाम कयामतको दिन नरक हो ।
- हदीस: मृतकलाई गालीगलौज नगर, किनकि उनीहरू पहिले गरेका (राम्रा वा नराम्रा) कर्मतर्फ फर्किसकेका छन् ।”