Hadithi: Sprova vazhdon ta godasë besimtarin dhe besimtaren në vetet e tyre, fëmijët dhe pasurinë derisa ta takojnë Allahun dhe të mos kenë mëkate fare

عَنْ أَبِي هُرَيْرَةَ رضي الله عنه قَالَ: قَالَ رَسُولُ اللهِ صَلَّى اللَّهُ عَلَيْهِ وَسَلَّمَ:
«مَا يَزَالُ البَلاَءُ بِالمُؤْمِنِ وَالمُؤْمِنَةِ فِي نَفْسِهِ وَوَلَدِهِ وَمَالِهِ حَتَّى يَلْقَى اللَّهَ وَمَا عَلَيْهِ خَطِيئَةٌ».
[حسن] - [رواه الترمذي وأحمد] - [سنن الترمذي: 2399]

Ebu Hurejra (Allahu qoftë i kënaqur me të!) transmeton se i Dërguari i Allahut ﷺ ka thënë:
"Sprova vazhdon ta godasë besimtarin dhe besimtaren në vetet e tyre, fëmijët dhe pasurinë derisa ta takojnë Allahun dhe të mos kenë mëkate fare."
[Hadith hasen] - [رواه الترمذي وأحمد] - [Suneni i Tirmidhiut - 2399]

Shpjegimi

Profeti ﷺ në këtë hadith tregon se sprovat dhe provimi nuk pushojnë kurrë për besimtarin e besimtaren, në vetet e tyre: shëndetin dhe trupin, fëmijët: në aspektin e sëmundjes, vdekjes, mosbindjes ose të tjera, dhe në pasuri: varfëri, zhdukje të tregtisë, vjedhje, ngecje në jetesë dhe vështirësi në furnizim, derisa Allahu përmes këtyre sprovave t'ia shlyejë të gjitha mëkatet, që, kur ta takojë Allahun, të jetë i pastër nga të gjitha mëkatet që i ka kryer.

Mësime nga hadithi

1. Është pjesë e mëshirës së Allahut ndaj robërve të Tij besimtarë që Ai t'ua shlyejë mëkatet në këtë botë përmes sprovave dhe fatkeqësive të kësaj bote.
2. Thjesht sprova i shlyen mëkatet, me kusht që robi të jetë besimtar, kështu që, nëse robi bën durim dhe nuk tregohet i pakënaqur, do të shpërblehet.
3. Inkurajimi për të bërë durim në të gjitha çështjet, në ato që i pëlqen dhe nuk i pëlqen. Kësisoj, ai është i durueshëm dhe e kryen atë që ia ka obliguar Allahu; është i durueshëm dhe largohet nga ajo që e ka ndaluar Allahu, duke shpresuar në shpërblimin e Tij dhe duke u frikësuar nga dënimi i Tij.
4. Pjesa në hadith: “besimtarin dhe besimtaren”. Shtimi i fjalës "besimtaren" është argument për të treguar pohim shtesë për gratë, se, po të thoshte: “besimtarin”, gruaja do të ishte përfshirë në të, sepse kjo nuk është specifike për burrat, kështu që, nëse gruas i bie ndonjë sprovë, edhe asaj i premtohet gjithashtu shpërblim i ngjashëm duke iu shlyer mëkatet dhe veprat e këqija.
5. Ajo që ia bën më të lehtë dhimbjet robit, të cilat e godasin herë pas here, është mirësia që vjen si shkak i sprovës.