Ab Adiis: Nattu du deñ ci jullit bu góor bi ak bu jigéen bi di dal ci bakkanam ak ci doomam ak ci alalam ba mu daje ak Yàlla fekk benn bàkkaar nekkul ci kawam

عَنْ أَبِي هُرَيْرَةَ رضي الله عنه قَالَ: قَالَ رَسُولُ اللهِ صَلَّى اللَّهُ عَلَيْهِ وَسَلَّمَ:
«مَا يَزَالُ البَلاَءُ بِالمُؤْمِنِ وَالمُؤْمِنَةِ فِي نَفْسِهِ وَوَلَدِهِ وَمَالِهِ حَتَّى يَلْقَى اللَّهَ وَمَا عَلَيْهِ خَطِيئَةٌ».
[حسن] - [رواه الترمذي وأحمد] - [سنن الترمذي: 2399]

Jële na ñu ci Abuu Hurayrata -yal na ko Yàlla dollee gërëm-mu wax ne :Yonnente Yàlla bi-yal na ko Yàlla dolli xéewal ak mucc- nee na:
«Nattu du deñ ci jullit bu góor bi ak bu jigéen bi di dal ci bakkanam ak ci doomam ak ci alalam ba mu daje ak Yàlla fekk benn bàkkaar nekkul ci kawam».
[Tane na] - [At-tirmisiy soloo na ko, ak Ahmat] - [Téere Sunna yi bu At-tirmisiy - 2399]

Leeral

Yonnente bi yal na ko Yàlla dolli xéewal ak mucc: day xamle ne balaa ak nattu du deñ ci aji-gëm ju góor ak ju jigéen ji, di dal ci bakkanam ci wéram ak ci yaramam, ak ci ay doomam ci feebar ak faatu ak ñàkke ko teggin mbaa yeneen, ak ci alalam ci ñàkk ak yaxantu gu dem yoonam ak sàcc, ak dund gu metti ak xatug wërsëg, ba Yàlla faral ko ci nattu yooyu ay bàkkaaram ak i njuumteem ba mu daje ak Yàlla fekk laab na ci bépp bàkkaar bu mu defoon.

Bokk na ci njariñi Adiis bi

1. Bokk na ci yërmandey Yàlla ci jullit ñi mu faral leen seen i bàkkaar fii ci àdduna ci nattu ak gàkki-gàkki àdduna yi.
2. Nattu rekk day far ay bàkkaar ci sàrtug gëm, bu jaam bi muñee te saalitul
3. dees na ko fay ab yool.
4. Ñaaxe ci muñ ci mbooleem mbir yi, yi mu bëgg ak yi mu bañ, day muñ ba baa muy def li Yàlla waral ci moom, di muñ ba sori li Yàlla araamal, ngir yaakaar yoolub Yàlla ak ragal mbugalam.
5. Li mu wax ne "jullit bu góor bi ak bu jigéen bi" li mu ci yokku baatub jigéen ñi tegtal la ci gën a feddali mbiri jigéen; lu ko moy rekk bu waxee: "jullit bi" jigéen da ciy dugg; ndaxte loolu góor rekk jagoowu ko, bu nattu dalee jigéen niki noonu digees na ko kem fay googu ci far ay bàkkaar ak i njuumte.
6. Bokk na ci liy woyofalal jaam bi liy dal ci kawam ci ay mettit saa su ne mooy ngëneel yiy tege ca nattu ba.