නබි වදන: “දේවත්වය විශ්වාස කරන්නා හා දේවත්වය විශ්වාස කරන්නිය ඔහු හෝ ඇය මත, පාපයක් නොපිහිටන තත්ත්වයක අල්ලාහ්ව මුණ ගැසෙන තෙක්, තමන් තුළ ද තම දරුවන් තුළ ද තම සම්පත් තුළ ද පරීක්ෂාවට ලක්වෙමින්ම සිටියි
عَنْ أَبِي هُرَيْرَةَ رضي الله عنه قَالَ: قَالَ رَسُولُ اللهِ صَلَّى اللَّهُ عَلَيْهِ وَسَلَّمَ:
«مَا يَزَالُ البَلاَءُ بِالمُؤْمِنِ وَالمُؤْمِنَةِ فِي نَفْسِهِ وَوَلَدِهِ وَمَالِهِ حَتَّى يَلْقَى اللَّهَ وَمَا عَلَيْهِ خَطِيئَةٌ».
[حسن] - [رواه الترمذي وأحمد] - [سنن الترمذي: 2399]
المزيــد ...
අල්ලාහ්ගේ දූතයාණන් (සල්ලල්ලාහු අලයිහි වසල්ලම්) ප්‍රකාශ කළ බව අබූ හුරෙයිරා (රළියල්ලාහු අන්හු) තුමා විසින් මෙසේ වාර්තා කරන ලදී:
“දේවත්වය විශ්වාස කරන්නා හා දේවත්වය විශ්වාස කරන්නිය ඔහු හෝ ඇය මත, පාපයක් නොපිහිටන තත්ත්වයක අල්ලාහ්ව මුණ ගැසෙන තෙක්, තමන් තුළ ද තම දරුවන් තුළ ද තම සම්පත් තුළ ද පරීක්ෂාවට ලක්වෙමින්ම සිටියි."
[හසන් ගණයට අයත් හදීසයකි] - - [سنن الترمذي - 2399]
"දේවත්වය විශ්වාස කරන්නා හා දේවත්වය විශ්වාස කරන්නිය තුළ ශරීර සෞඛ්‍යතාවෙහි මෙන්ම ඔවුන්ගේ දරුවන් අතර විවිධ ලෙඩ රෝග, මරණ, හිංසන හා වෙනත් එවැනි පීඩාවන් ඇති වීම, ඔවුන්ගේ ධනයෙහි දිළිඳු බව ඇති වීම, ව්‍යාපාර කඩා වැටීම, සොරකමට ලක්වීම, ආහාර සම්පත්වල හිඟභාවය, මානසික අවපීඩනය සහ ජීවන සම්පත්හි අගහිඟකම් ඇතිවීම යනාදී පරීක්ෂණ හා විභාග ගැත්තාගෙන් අහකට යන්නේ නැත. එම පරීක්ෂණ හේතුවෙන් අල්ලාහ් ඔහුගේ සියලු පාපකම් හා වැරදි වලට සමාව දෙයි. එය කෙතරම් දුරටද යත් අල්ලාහ්ව ඔහු මුණ ගැසුණු විට ඔහු කළ සියලුම පාපකම් හා වැරදිවලින් ඔහු පිරිසිදු වනු ඇත." යයි නබි (සල්ලල්ලාහු අලෙයිහි සල්ලම්) තුමා දැන්වුහ .
හදීසයේ හරය
- අල්ලාහ්ගේ විශ්වාසනීය ගැත්තන් හට ඇතිවන දුක් කරදර හා අනතුරු හේතුවෙන් ඔවුන් මෙලොව ජීවිතයේ කළ ඔවුන්ගේ පාපකම් ඔවුන්ගෙන් පහකිරීම ඔහුගේ ආශිර්වාදයකි.
- දුක්කරදර සිදුවීම හේතුවෙන් පාපකම්වලට සමාව හිමිවනුයේ ඊමාන් හෙවත් දේවත්වය විශ්වාස කිරීමේ කොන්දේසිය මත ය. එසේ එම ගැත්තා කෝප නොවී ඉවසා සිටින විටෙක ඔහුට ප්‍රතිඵල දෙනු ලැබේ.
- තමන් කැමති මෙන්ම අකමැති සියලුම කටයුතුවලදී ඉවසීමට දිරිගැන්වීම. අල්ලාහ් අනිවාර්ය කළ දෑ ඉටු කරන තරමට ඔහු ඉවසයි. අල්ලාහ් තහනම් කළ දැයින් දුරස්වන තරමට ඔහු ඉවසයි. අල්ලාහ්ගේ කුසල් අපේක්ෂා කරයි. ඔහුගේ දඬුවමට බිය වෙයි.
- "දේවත්වය විශ්වාස කරන්නා හා දේවත්වය විශ්වාස කරන්නිය" යන ප්‍රකාශයෙහි දේවත්වය විශ්වාස කරන්නිය යන අරුථ දෙන අල්-මුඃමිනා යන පදය මෙහි අමතරව යෙදී තිබීමෙන් කාන්තාවන් සම්බන්ධයෙන් ද විශේෂ අවදානය යොමු කර ඇති බව පෙන්වා දෙයි. එසේ නොවන්නට මුඃමින් යන පදය පමණක් භාවිත කරන්නට තිබුණි. එම යෙදුම පිරිමින්ට පමණක් විශේෂ නොවන බැවින් කාන්තාව ද එහි ඇතුළු වනු ඇත. පොදවේ කාන්තාවට එවන් පරීක්ෂණයන්ට මුහුණ පෑමට සිදු වූ විටෙක ඇයට ද පාපකම් හා වැරදි කමා කිරීමෙන් ඒ හා සමාන ප්‍රතිඵල හිමි බව ඇය ද ප්‍රතිඥා දෙනු ලැබ ඇත.
- විටින් විට ගැත්තා මුහුණ දෙන වේදනාවන් ඔහුට පහසු කරනුයේ ඒවා සඳහා නියම වී ඇති භාග්‍යය වේ.
ප්‍රවර්ග
අමතර
- නබි වදන: සැබැවින්ම අතිමහත් තිළිණ මහත් පරීක්ෂණ සමග ඇත. සැබැවින්ම අල්ලාහ් යම් පිරිසක් ප්රිය කළේ නම් ඔහු ඔවුන් පරීක්ෂණයට ලක් කරන්නේය. කවරෙකු පිළිගත්තේ ද ඔහුට තෘප්තිය ඇත. තවද කවරෙකු කෝප වූයේ ද ඔහුට උදහස ඇත.
- නබි වදන: මහා පාපයන්ගෙන් වැළකී සිටින විට, පස්වේල සලාතයත්, ජුමුආ වෙන් ජුමුආවටත්, රමළානයෙන් රමළානයටත් ඒවා අතර සිදුවන දෑ සඳහා ඒවා ප්රතිකර්මයන් වනු ඇත.
- නබි වදන: සැබැවින්ම (හලාල් හෙවත්) අනුමත කරුණු පැහැදිලිය. එමෙන්ම (හරාම් හෙවත්) තහනම් කරුණු ද පැහැදිලිය. මේ දෙක අතර සැක උපදවන කරුණු ද ඇත. ජනයා අතරින් බහුතරයක් දෙනා ඒවා ගැන නොදනිති. එහෙයින් කවරෙකු සැක උපදවන දැයින් වැළකී සිටියේ ද සැබැවින්ම ඔහු ඔහුගේ දහම හා ඔහුගේ මාන්ය ය ආරක්ෂා කර ගත්තේය. කවරෙකු සැක උපදවන දෑහි වැටුනේ ද ඔහු තහනම් කරුණු අතරට වැටුණි.
- නබි වදන: අපි අල්ලාහ්ගේ දූතයාණන් (සල්ලල්ලාහු අලයිහි වසල්ලම්) ඉදිරියේ වාඩිවී සිටි අතරවාරයේ දිනක් අප වෙත සුදෝ සුදු ඇඳුමකින් හා කළුවන් හිසකෙස් සහිත මිනිසෙකු උදා විය. ගමනක සළකුණක් හෝ ඔහු මත දැක ගන්නට නොවීය. අප අතරින් කිසිවකුත් ඔහුව හඳුනන්නේ ද නැත.
- නබි වදන: අහෝ මාගේ ගැත්තනි! සැබැවින්ම අසාධාරණය මා මතම මම තහනම් කර ගත්තෙමි. නුඹලා අතර ද එය තහනම් කරනු ලැබූවක් බවට පත් කළෙමි. එබැවින් නුඹලා අපරාධ නොකරනු. අහෝ මාගේ ගැත්තනි, මා කවර කෙනෙකුට යහමග පෙන්වූයේ ද ඔහු හැර නුඹලා සියලු දෙනාම මුළා වූවෝය. එබැවින් නුඹලා මගෙන් යහමග පතනු. මම නුඹලාට යහමග පෙන්වමි.
- නබි වදන: සැබැවින්ම ජනයා කිසිදු යුක්තියකින් තොරව අල්ලාහ්ගේ සම්පත් අතර ගනුදෙනු කරති. එහෙයින් මළවුන් කෙරෙන් නැගිටුවනු ලබන දිනයේ අපා ගින්න ඔවුනට හිමිය.
- නබි වදන: මියගිය ඇත්තන්හට දොස් නොකියනු. සැබැවින්ම ඔවුන් ඉදිරිපත් කළ දෑ වෙතට ශීඝ්රයෙන් ගිය අය වෙති.