Pagpapanibago: Hindi natitigil ang pagsubok sa lalaking mananampalataya at babaing mananampalataya sa sarili niya, anak niya, at yaman niya, hanggang sa makitagpo siya kay Allāh habang sa kanya ay walang kasalanan."}

عَنْ أَبِي هُرَيْرَةَ رضي الله عنه قَالَ: قَالَ رَسُولُ اللهِ صَلَّى اللَّهُ عَلَيْهِ وَسَلَّمَ:
«مَا يَزَالُ البَلاَءُ بِالمُؤْمِنِ وَالمُؤْمِنَةِ فِي نَفْسِهِ وَوَلَدِهِ وَمَالِهِ حَتَّى يَلْقَى اللَّهَ وَمَا عَلَيْهِ خَطِيئَةٌ».
[حسن] - [رواه الترمذي وأحمد] - [سنن الترمذي: 2399]

Ayon kay Abū Hurayrah (malugod si Allāh sa kanya) na nagsabi: {Nagsabi ang Sugo ni Allāh (basbasan siya ni Allāh at pangalagaan):
"Hindi natitigil ang pagsubok sa lalaking mananampalataya at babaing mananampalataya sa sarili niya, anak niya, at yaman niya, hanggang sa makitagpo siya kay Allāh habang sa kanya ay walang kasalanan."}
[Maganda] - - [سنن الترمذي - 2399]

Ang pagpapaliwanag

Nagpapabatid ang Propeta (basbasan siya ni Allāh at pangalagaan) na ang pagsubok at ang pagsusulit ay hindi nakakalas sa lalaking mananampalataya o babaing mananampalataya sa sarili niya mula sa kalusugan niya at katawan niya; sa mga anak niya mula sa karamdaman o pagpanaw o kasuwailan o iba pa rito; sa yaman niya mula sa karalitaan, pagkawala ng negosyo, pagkanakaw, pagkatumal ng kabuhayan, at kagipitan sa panustos nang sa gayon magtakip-sala si Allāh sa kanya, dahil sa pagsubok na iyon, ng lahat ng mga pagkakasala niya at mga pagkakamali niya nang sa gayon kapag nakipagtagpo siya kay Allāh, siya ay nadalisay na mula sa lahat ng mga pagkakasala at mga kasalanan na nagawa niya.

من فوائد الحديث

1. Bahagi ng awa ni Allāh sa mga mananampalatayang lingkod Niya na magtakip-sala Siya sa kanila ng mga pagkakasala nila sa Mundo nila sa pamamagitan ng mga kasawian ng Mundo at mga salot nito.
2. Ang pagsubok sa pamamagitan nito mismo ay nagtatakip-sala sa mga pagkakasala sa kundisyong may pananampalataya. Kaya kapag nagtiis ang tao at hindi nainis, pabubuyaan siya.
3. Ang paghimok sa pagtitiis sa lahat ng mga bagay kaugnay sa iniibig niya at kinasusuklaman niya. Magtitiis siya nang sa gayon makaganap siya ng inobliga ni Allāh sa kanya at makapagtitiis siya nang sa gayon makalayo siya sa ipinagbawal ni Allāh, makaasa siya sa gantimpala ni Allāh, at matakot siya sa parusa Nito.
4. Ang sabi niya: "sa lalaking mananampalataya at babaing mananampalataya" na may karagdagang pananalitang "babaing mananampalataya" ay may isang patunay sa karagdagan na pagbibigay-diin para sa babae; at kung hindi man, kung sakaling nagsabi siya ng: "mananampalataya," talagang napaloob sana rito ang babae dahil iyon ay hindi natatangi sa lalaki. Kapag naganap ang pagsubok sa babae, gayon din, siya ay pinangangakuan ng tulad ng ganting ito ng pagtatakip-sala sa mga pagkakasala at mga kasalanan.
5. Kabilang sa nagpapagaan sa tao sa dinaranas niya na mga sakit nang magkakasunod ang kainamang inireresulta sa pagsubok.