Hadiis: Ned ning sẽn yeela a sẽn wʋmd lanndaana boollã: Alllahuma Rabba haḏihi ad-daʿawat at-taammati, waṣ-ṣalaat al-ƙaa'imati, aatɩ Mʋhammadan al-wasɩɩlata walfaḍɩɩlata, wabʿaṯhu maƙaaman mahmuudan allaḏɩɩ waʿadtahʋʋ= m Soaba Wẽnde sẽn yaa dʋaag-kãnga sẽn pidã Naabã la Pʋʋsgã sẽn duumdã, kõ a Mʋhammad Radgã la yɩɩdlmã, la F kõ-a pẽgr zĩig-ninga Fo sẽn pʋlm-a wã. Mam Sugsgã paamd-a lame, dũni wã yikr raare

عَنْ جَابِرِ بْنِ عَبْدِ اللَّهِ رضي الله عنهما أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ:
«مَنْ قَالَ حِينَ يَسْمَعُ النِّدَاءَ: اللَّهُمَّ رَبَّ هَذِهِ الدَّعْوَةِ التَّامَّةِ، وَالصَّلاَةِ القَائِمَةِ، آتِ مُحَمَّدًا الوَسِيلَةَ وَالفَضِيلَةَ، وَابْعَثْهُ مَقَامًا مَحْمُودًا الَّذِي وَعَدْتَهُ، حَلَّتْ لَهُ شَفَاعَتِي يَوْمَ القِيَامَةِ».
[صحيح] - [رواه البخاري] - [صحيح البخاري: 614]

Yii a Gεεbr ɭbn ʿAbd Allaah nengẽ, (Wẽnd yard be b yiibã yĩnga), tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) yeelame:
«Ned ning sẽn yeela a sẽn wʋmd lanndaana boollã: Alllahuma Rabba haḏihi ad-daʿawat at-taammati, waṣ-ṣalaat al-ƙaa'imati, aatɩ Mʋhammadan al-wasɩɩlata walfaḍɩɩlata, wabʿaṯhu maƙaaman mahmuudan allaḏɩɩ waʿadtahʋʋ= m Soaba Wẽnde sẽn yaa dʋaag-kãnga sẽn pidã Naabã la Pʋʋsgã sẽn duumdã, kõ a Mʋhammad Radgã la yɩɩdlmã, la F kõ-a pẽgr zĩig-ninga Fo sẽn pʋlm-a wã. Mam Sugsgã paamd-a lame, dũni wã yikr raare»
[Naṣʋn Ṣahɩɩhʋn (Gom-sikdem sẽn manege)] - [A Al-Bʋẖaariy n togs-a] - [Ṣahɩɩh Al-Bʋẖaary - 614]

bilgrã

Nabiyaamã vẽnegdame n wilgdẽ (Wẽnd pʋʋsg la A tɩlgr be a yĩngɑ), tɩ ned ning sẽn yeela a sẽn wat n wʋmd laandaan boaandã sẽn wat n boondẽ, a sẽn wat n sε wã poorẽ:
(Alllahuma Rabba haḏihi ad-daʿawat), m Soab A Wẽnde, sẽn yaa bool-kãensã Soabã, boaalã me la laandaanã gom-biisã, b sẽn boond n tʋgd Wẽnd tũudmã la Pʋʋsgã ne gom-biis ninsã (at-taammati), sẽn pidã, sẽn yaa Wẽn-yembg boollã la tẽn-tʋmdã (waṣ-ṣalaat al-ƙaa'imati) la Pʋʋsg ning sẽn na n yalsã, (aatɩ) la F kõ a (Mʋhammadan al-wasɩɩlata) Radgã, yẽ me la dargε sẽn zẽk arzãnã pʋgẽ, sẽn ka sõmb ne ned baa a yemb rẽnda yẽnda, (Wẽnd pʋʋsg la A tɩlgr be a yĩngɑ) la (walfaḍɩɩlata) yɩɩdlemã, yaa dargε sẽn na n paas tɩ yɩɩg bõn-naandsã dargε-rãmba, (wabʿaṯhu) la F kõ-a (maƙaaman mahmuudan) yalsg zĩig b sẽn pẽgd-a a pʋgẽ, yẽnda me la sugs kãsengã dũni wã yikr raare, (allaḏɩɩ waʿadtahʋʋ), Foom a Wẽnd sẽn pʋlm-a ne dargε ningã, ne A koεεg sẽn yeele: {Tɩ sãnd-sãnde fo Soabã na taas foom pẽgr zĩigẽ} rẽnd yẽ soabã na n yɩɩ Nabiyaamã (Wẽnd pʋʋsg la A tɩlgr be a yĩngɑ).
Rẽnd ned ning sẽn kosa ne doaag-kãngã, yaa tɩlae ne-a Nabiyaamã Sugsgã (Wẽnd pʋʋsg la A tɩlgr be a yĩngɑ) dũni yikr raare.

Sẽn be Hɑdiisã yõod-rãmbẽ

1. Wilgda sãri wã sẽn kõ sor ne doaag-kãnga, b sẽn wat n togs laandaanã t'a wa sε poorẽ, la ned ning sẽn ka wʋma laandaanã, yẽ soab ka yet doaagã ye.
2. Wilgda Tẽn-tʋʋmã (Wẽnd pʋʋsg la A tɩlgr be a yĩngɑ) yɩɩdlem ne b sẽn kõ-a radgã la yel-sõm kasengã la pẽgr yalsg zĩigã la sugs kãsengã, na n paam n bʋ bõn-naandsã ne taab sʋka.
3. Hadiisã tabendame tɩ Nabiyaamã tara sugsgu (Wẽnd pʋʋsg la A tɩlgr be a yĩngɑ), ne a sẽn yeele: "mam Sugsgã na n yɩɩ halaal ne a soabã dũni wã yikr raare".
4. Nabiyaamã Sugsgã (Wẽnd pʋʋsg la A tɩlgr be a yĩngɑ) na n yɩɩ ne zũnuub bεdã rãmba, sẽn be a poorẽ rãmbẽ wã, sẽn na yɩl tɩ b ra kẽ Bugmẽ wã ye, maa ned ning sẽn paam n kẽ-a t'a sugs tɩ b yiis-a beenẽ, maa a na n sugsa neb tɩ b kẽ arzãnã tɩ ka tũ ne geelg ye, maa b zẽk neb nins sẽn kẽ arzãnã dargε-rãmba.
5. A At-Tiibiy yeelame (Wẽnd na yols-a), sẽn na n sɩng a sɩngrã n tʋg n tãag Mʋhammad rasʋlʋllaahã" ad yaa yẽnda la boolg ning sẽn gũbgu, la hayyaa 'alas-salaatã, yẽnda la Pʋʋsg ning sẽn yãsã, ne A koεεg sẽn yeele: "B yalsda Pʋʋsgo" wala sẽn tõe t'a raabã sẽn yet "As-salaat, Pʋʋsgã yaa doaagã, la a al-ƙaa'imati ning sẽn duumdã, a maanã yaa wala ned sẽn yãs ne bũmbu, tɩ b yeel t'a duumame, rẽnd sã n yaa woto, a koεεgã sẽn yeel tɩ (waṣ-ṣalaat al-ƙaa'imati= Pʋʋsgã sẽn yãsã) a yaa vẽnegr sẽn wilgd kosg sẽn pidi, la tõeeme t'a raabã yaa Pʋʋsg ninga nebã fãa sẽn mi wã, tɩ b boond n tʋgd-a wã wakat-kãngã, la gom-kãngã n vẽneg n yɩɩda.
6. Al-muhallab yeelame (Wẽnd na yols-a): bee hadiisã pʋgẽ, pirsg tɩ b kos Pʋʋsgã wakat-rãmb pʋgẽ, bala a yaa wakat b sẽn tẽed tɩ b na reeg doaaga.