Hadithi: Uzavuga aya magambo nyuma yo kumva umuhamagaro w'iswalat: Mana Nyagasani w'uyu muhamagaro wuzuye, n'iyi swalat igiye gukorwa, ha Muhamadi urwego n'ibyiza, uzanamuzure ari mu rwego rushimishije wamusezeranije", azagerwaho n'ukuvuganirwa nanjye ku munsi w'imperuka

عَنْ جَابِرِ بْنِ عَبْدِ اللَّهِ رضي الله عنهما أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ:
«مَنْ قَالَ حِينَ يَسْمَعُ النِّدَاءَ: اللَّهُمَّ رَبَّ هَذِهِ الدَّعْوَةِ التَّامَّةِ، وَالصَّلاَةِ القَائِمَةِ، آتِ مُحَمَّدًا الوَسِيلَةَ وَالفَضِيلَةَ، وَابْعَثْهُ مَقَامًا مَحْمُودًا الَّذِي وَعَدْتَهُ، حَلَّتْ لَهُ شَفَاعَتِي يَوْمَ القِيَامَةِ».
[صحيح] - [رواه البخاري] - [صحيح البخاري: 614]

Hadith yaturutse kwa Djabir Ibun Abdillah (Imana imwishimire we na se) yavuze ko Intumwa y'Imana (Imana iyihe amahoro n'imigisha) yavuze iti:
Uzavuga aya magambo nyuma yo kumva umuhamagaro w'iswalat: Mana Nyagasani w'uyu muhamagaro wuzuye, n'iyi swalat igiye gukorwa, ha Muhamadi urwego n'ibyiza, uzanamuzure ari mu rwego rushimishije wamusezeranije", azagerwaho n'ukuvuganirwa nanjye ku munsi w'imperuka.
[Hadithi y'impamo] - [Yakiriwe na Bukhari] - [Swahih Bukhari - 614]

Ibisobanuro birambuye.

Intumwa y'Imana (Imana iyihe amahoro n'imigisha) iragaragaza ko umuntu uzavuga nyuma yo kumva umuhamagaro w'isengesho urangije aya magambo:
Mana Nyagasani (w'uyu muhamagaro wuzuye); ariyo magambo akoreshwa mu guhamagarira abantu kuza gusali, akaba akubiyemo kwemera Imana imwe no kuyiharira kugaragirwa yo yonyine, (iswala igiye gukorwa) ni iswalat ikorwa ibihe byose; ha Muhamadi (urwego n'ibyiza), ni urwego rw'ikirenga mu ijuru rutazagerwaho n'undi uwo ari we wese uretse we, naho (ibyiza) ni inyongera n'akarusho; unamuhe urwego rushimishije wamusezeranije; uku niko kuvuganira guhambaye Intumwa y'Imana (Imana iyihe amahoro n'imigisha) izahabwa ku munsi w'imperuka wamusezeranyije aho wavuze uti: (Nyagasani wawe azakuzura uri mu rwego rwishimiwe na buri wese.
Uzavuga aya magambo n'ubu busabe ni itegeko ko Intumwa y'Imana (Imana iyihe amahoro n'imigisha) izamuvuganira ku munsi w'imperuka.

Zimwe mu nyungu dukura muri Hadithi.

1. Biremewe kuvuga ubu busabe nyuma yo gusubiramo amagambo uhamagarira iswala akoresha, naho utayumvise ntategetswe kuyavuga.
2. Agaciro Intumwa y'Imana (Imana iyihe amahoro n'imigisha) ifite aho yahawe urwego n'umwanya uhambaye ndetse no kuzazurwa ari mu rwego ruhambaye, no kuzasabira no kuvuganira ibiremwa ku munsi w'imperuka.
3. Gushimangira ko Intumwa y'Imana (Imana iyihe amahoro n'imigisha) izavuganira ibiremwa aho yavuze iti: Nzamuvuganira ku munsi w'imperuka.
4. Intumwa y'Imana (Imana iyihe amahoro n'imigisha) izavuganira abakora ibyaha bikuru mu bayoboke bayo kugira ngo batinjizwa mu muriro, cyangwa se ababinjijwemo kugira ngo bawukurwemo, cyangwa se kwinjira mu ijuru abantu batabaruriwe cyangwa se kugira ngo abazaba bamaze kwinjira mu muriro bazamurwe mu ntera.
5. Umumenyi A-Twaybiy yaravuze ati: Guhera mu ntangiriro z'umuhamagaro w'iswalat, kugeza ahavuga ko Muhamadi ari Intumwa y'Imana (Imana iyihe amahoro n'imigisha) ni umugamagaro wuzuye, naho ahavuga ngo mugane iswalat ni iswalat igiye gukorwa. Biranashoboka ko iswala ivugwa hano yaba igamije ubusabe buhoraho. dushingiye kuri ibyo iswalat igiye gukorwa ni ukugaragaza umuhamagaro wuzuye. Biranashoboka ko iswalat ivugwa ari yo ngiyo bari guhamagarirwa, ibi ni nabyo bigaragara.
6. Umumenyi Al Muhlabu yaravuze ati: Muri iyi Hadith harimo gushishikarriza gusaba mu bihe byo gusali, kuko ni wo mwanya mwiza wo gusaba Allah.