Ab Adiis: ku dégg nodd daldi wax: Allaahuma Rabba haasihid dahwati attaammati, wassalaatil xaa-imati, aati Muhammadan alwasiilata walfadiilata, wabhashu maxaaman mahmuudan allasii wahadtahu, kon samag rammu yell na ci moom ëllëg bis-pénc

عَنْ جَابِرِ بْنِ عَبْدِ اللَّهِ رضي الله عنهما أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ:
«مَنْ قَالَ حِينَ يَسْمَعُ النِّدَاءَ: اللَّهُمَّ رَبَّ هَذِهِ الدَّعْوَةِ التَّامَّةِ، وَالصَّلاَةِ القَائِمَةِ، آتِ مُحَمَّدًا الوَسِيلَةَ وَالفَضِيلَةَ، وَابْعَثْهُ مَقَامًا مَحْمُودًا الَّذِي وَعَدْتَهُ، حَلَّتْ لَهُ شَفَاعَتِي يَوْمَ القِيَامَةِ».
[صحيح] - [رواه البخاري] - [صحيح البخاري: 614]

Jële nañu ci Jaabir Ibn Abdullah -yal na leen Yàlla dollee gërëm- mu wax ne Yonente bi-yal na ko Yàlla dolli xéewal ak mucc- nee na:
"ku dégg nodd daldi wax: Allaahuma Rabba haasihid dahwati attaammati, wassalaatil xaa-imati, aati Muhammadan alwasiilata walfadiilata, wabhashu maxaaman mahmuudan allasii wahadtahu, kon samag rammu yell na ci moom ëllëg bis-pénc".
[Wér na] - [Al-buxaariy soloo na ko] - [Téere Al-buxaariy bi gën a wér - 614]

Leeral

Yonente bi yal na ko Yàlla dolli xéewal ak mucc day leeral ne ku wax jamono yu mu dégge noddukat bi ginnaaw ba mu ca noppee:
(Allaahuma Rabba haasihid dahwati), te mooy baati nodd gi yi ñuy wootee jëm ci jaamu Yàlla ak julli, (attaammati) gu mat gi, wooteg Tawhiid ak yónnent gi, (wassalaatil xaa-imati) gay aji-sax te ñu dees na ko taxawal, (aati) joxal, (Muhammadan alwasiilata) wàccuwaay bu kawe ba ca ajjana, nga xam ne yellul ci ku dul moom Yonente bi yal na ko Yàlla dolli xéewal ak mucc, (walfadiilata) dayo bu ëpp dayoy mbindeef yi, (wabhashu) jox ko, (maxaaman) gog dees na sant ku ca nekk; te mooy rammu gu màgg ga ëllëg bis-pénc, (allasii wahadtahu) ci sa wax ja: {sa Boroom dana la jox wàccuwaay gu ñu gërëm} ci mu nekk ñeel ko moom Yonente bi yal na ko Yàlla dolli xéewal ak mucc.
Ku ñaan ñaan gii yayoo na te war na ci moom rammug Yonente bi ëllëg bis-pénc.

Bokk na ci njariñi Adiis bi

1. Yoonal nañu ñaan gii ginnaaw bu ñu noppee ci baamtu gi ci ginnaaw noddukat bi, ku déggul nodd gi moom du ko wax.
2. Ngëneelu Yonente bi yal na ko Yàlla dolli xéewal ak mucc ba tax ñu jox ko jiite ga ak ngëneel la ak daraja ja ñu gërëm ramm gu màgg ga ci ñu àtte ci diggante mbindeef yi.
3. Saxalal Yonente bi ag ramm; ndax li mu wax ne: "samag ramm yell na ci moom ëllëg bis-pénc".
4. Ag rammam moom Yonente bi yal na ko Yàlla dolli xéewal ak mucc di na ñeel defkati bàkkaar yu mag yi ci xeetam wi ci ñu bañ a dugg sawara walla ku ca dugg genn ca, walla ci dugg àjjana ci lu dul lijjanti, walla yëkkëti darajay ñafa dugg.
5. At-Tiibii nee na: ci tàmbali gi ba ci waxam ji: "Muhammadan Rasuulul Laahi" mooy ñaan gu mat gi, Hàyya halas salaati gi, mooy julli gu taxaw gi ci li mu wax ne dañuy taxawal julli, jamtal na it ñu jublu ci Assalaatu ñaan, taxaw gi gu sax gi, mu jóge ci taxaw na ci mbir mi bu ca saxee, ci loolu, kon waxam ji "wassalaatil xaa-imati" leeral la ci ñaan ci mat gi, dana jamtal it ne li ñu jublu ci Assalaatu mooy gi ñu miin di ca wuute ci jamono jooju, te mooy li gën a fés.
6. Al-Muhallab nee na: nekk na ci hadiis bi ag ñaaxe ci ñaan ci waxtuy julli yi; ndax anamug yaakaaru nangu ñaan la.