Ab Adiis: Bu kenn ci yéen jullee ci benn yére te dara tegewul ci kaw mbaggam

عَنْ أَبِي هُرَيْرَةَ رضي الله عنه قَالَ: قَالَ النَّبِيُّ صَلَّى اللهُ عَلَيْهِ وَسَلَّمَ:
«لاَ يُصَلِّي أَحَدُكُمْ فِي الثَّوْبِ الوَاحِدِ لَيْسَ عَلَى عَاتِقَيْهِ شَيْءٌ».
[صحيح] - [متفق عليه] - [صحيح البخاري: 359]

Jële nañu ci Abuu Hurayrata yal na ko Yàlla dollee gërëm mu wax ne: Yonente bi yal na ko Yàlla dolli xéewal ak mucc nee na:
«Bu kenn ci yéen jullee ci benn yére te dara tegewul ci kaw mbaggam».
[Wér na] - [Al-buxaariy ak Muslim dëppoo nañu ci génnee ko ci seen ñaari téere yi gën a wér] - [Téere Al-buxaariy bi gën a wér - 359]

Leeral

Yonente bi yal na ko Yàlla dolli xéewal ak mucc tere na kuy julli ci benn yére ay mbaggam di feeñ dara teguwul ci kawam; ndaxte ñaari mbagg yi donte duñu awra, muur leen moo gën a jàppandi muur awra wi, te moo gën a jege màggal Yàlla mu màgg mi, ag màggal ko ci jamono yi mu taxawe ci kanamam ci julli gi.

Bokk na ci njariñi Adiis bi

1. Dagan na ñu jullee benn yére bu muure li ñu war a muur.
2. Dagan na ñu jullee ñaari yére, benn bi muur kaw yaram wi, beneen bi muur suuf gi.
3. Sopp nañu kiy julli nekk ci melo wu rafet.
4. Dañoo war a muur ñaari mbagg yi walla benn bi ci julli gi, ndeem loolu jàppandi na, nee nañu it tereg wattandiku la.
5. Tuutig li nekk ci loxoy Sahaaba yi yal na leen Yàlla dollee gërëm ci alal, ba tax ñenn ñi ci ñoom amuñu ñaari yére.
6. An-Nawawii wax na ci maanaa hadiis bi ne: ag xereñam mooy ni bu ko muuroo te dara nekku ci mbagg mi wóorul awraam wuññeeku, wuute ak bu tegee lenn li ci mbaggam, ak it ne man na koo aajowoo tëye ci loxoom walla ci ñaari loxoom te kon day soxlawoo loolu, te kon sunnag teg loxo ndayjoor bi ci kaw loxo càmmooñ bi ci kaw dënnam da koy faat, ak di leen yëkkati fi ñu yoonale yëkkëti ga, ak yeneen, ak ne it bàyyi muur kaw yaram wi ak barabu taar wi da ci a nekk, te Yàlla mu kawe mi nee na: {jëlleen seenug taar ci jépp jàkka} [Al-Ahraaf:31].