Hadith: “ចូរកុំឱ្យនរណាម្នាក់ក្នុងចំណោមពួកអ្នកសឡាតក្នុងសម្លៀកបំពាក់តែមួយដោយគ្មានអ្វីគ្របលើស្មារបស់ខ្លួន”។

عَنْ أَبِي هُرَيْرَةَ رضي الله عنه قَالَ: قَالَ النَّبِيُّ صَلَّى اللهُ عَلَيْهِ وَسَلَّمَ:
«لاَ يُصَلِّي أَحَدُكُمْ فِي الثَّوْبِ الوَاحِدِ لَيْسَ عَلَى عَاتِقَيْهِ شَيْءٌ».
[صحيح] - [متفق عليه] - [صحيح البخاري: 359]

អំពី អាពូហ៊ូរ៉យរ៉ោះ رضي الله عنه បាននិយាយថា៖ ណាពី ﷺ លោកបានមានប្រសាសន៍ថា៖
“ចូរកុំឱ្យនរណាម្នាក់ក្នុងចំណោមពួកអ្នកសឡាតក្នុងសម្លៀកបំពាក់តែមួយដោយគ្មានអ្វីគ្របលើស្មារបស់ខ្លួន”។
[صحيح] - [متفق عليه] - [صحيح البخاري - 359]

Explanation

ណាពី ﷺ លោកបានហាមឃាត់អ្នកដែលសឡាតក្នុងសម្លៀកបំពាក់តែមួយមិនឱ្យទុកស្មារបស់ខ្លួននៅទទេដោយគ្មានអ្វីបិទបាំងវានោះឡើយ។ ទោះបីជាស្មាមិនមែនជាអវៈយវៈដែលត្រូវបិទបាំងក៏ដោយ ក៏ការបិទបាំងស្មាធ្វើឱ្យការបិទបាំងអវយវៈកាន់តែប្រសើរ និងកាន់តែសមរម្យក្នុងការគោរពសក្ការៈនិងលើកតម្កើងអល់ឡោះពេលឈរក្នុងការសឡាត។

Benefits from the Hadith

1. អនុញ្ញាតឱ្យសឡាតក្នុងសម្លៀកបំពាក់តែមួយ ប្រសិនបើវាអាចគ្របដណ្តប់អ្វីដែលចាំបាច់ត្រូវបិទបាំង។
2. អនុញ្ញាតឱ្យសឡាតក្នុងសម្លៀកបំពាក់ពីរ មួយគ្របផ្នែកខាងលើនៃរាងកាយ និងមួយទៀតគ្របផ្នែកខាងក្រោម។
3. ជំរុញឱ្យអ្នកសឡាតមានលក្ខណៈស្អាតបាត។
4. ចាំបាច់ត្រូវគ្របស្មាទាំងសងខាង ឬម្ខាងក៏បានក្នុងពេលសឡាត ប្រសិនបើអាចធ្វើបាន។ ហើយមានអ្នកខ្លះយល់ថា ការហាមឃាត់នេះ គឺជាប្រការម៉ាក្រុះ។
5. បង្ហាញពីភាពខ្វះខាតរបស់សហាហ្ពាត់ رضي الله عنهم រហូតដល់អ្នកខ្លះមិនមានសម្លៀកបំពាក់ពីរសម្រាប់ដណ្តប់កាយ។
6. អ៊ីម៉ាំ អាន់ណាវ៉ាវី បានពន្យល់ពីអត្ថន័យនៃហាទីស្ហនេះថា៖ បុព្វហេតុរបស់វា គឺប្រសិនបើគេស្លៀកសម្លៀកបំពាក់ ហើយគ្មានអ្វីមួយនៅលើស្មារបស់ខ្លួនទេនោះ គឺមានហានិភ័យក្នុងការលេចចេញនូវកេរខ្មាស(អាវរ៉ាត់) ខុសពីអ្នកដែលដាក់ផ្នែកខ្លះនៅលើស្មារបស់ខ្លួន។ ម្យ៉ាងទៀត គេអាចត្រូវការប្រើដៃម្ខាង ឬដៃទាំងសងខាងដើម្បីកាន់វាដែលធ្វើឲ្យរំខានដល់ស៊ុណ្ណះនៃការដាក់ដៃស្តាំលើដៃឆ្វេងក្រោមទ្រូង និងការលើកដៃនៅពេលដែលត្រូវប្រើឱ្យលើក និងផ្សេងៗទៀត ព្រោះវាមានន័យថា ការទុកផ្នែកខាងលើនៃរាងកាយនិងកន្លែងនៃការតុបតែងមិនបានគ្របដណ្តប់។ អល់ឡោះជាម្ចាស់ទ្រង់បានមានបន្ទូលថា៖ “ចូរពួកអ្នកលម្អសម្លៀកបំពាក់របស់ពួកអ្នកនៅរាល់ៗម៉ាស្ជិទ(ពេលសឡាត)”។ (អាល់អាក់រ៉ហ្វ៖៣១)