1. ప్రధాన పేజీ
  2. వర్గీకరణలు
  3. ఫిఖ్ మరియు దాని నియమాలు

హదీథు “మీలో ఎవరూ మీ భుజాలపై ఏ ఆచ్ఛాదనా లేకుండా ఒకే వస్త్రములో సలాహ్ (నమాజు) ఆచరించకండి”

عَنْ أَبِي هُرَيْرَةَ رضي الله عنه قَالَ: قَالَ النَّبِيُّ صَلَّى اللهُ عَلَيْهِ وَسَلَّمَ:
«لاَ يُصَلِّي أَحَدُكُمْ فِي الثَّوْبِ الوَاحِدِ لَيْسَ عَلَى عَاتِقَيْهِ شَيْءٌ».

అబూ హురైరహ్ (రదియల్లాహు అన్హు) ఉల్లేఖనం: “ప్రవక్త సల్లల్లాహు అలైహి వసల్లం ఇలా పలికినారు:
“మీలో ఎవరూ మీ భుజాలపై ఏ ఆచ్ఛాదనా లేకుండా ఒకే వస్త్రములో సలాహ్ (నమాజు) ఆచరించకండి”.

ప్రామాణికమైన హదీథు అల్ బుఖారీ మరియు ముస్లిం నమోదు చేసినారు సహీహ్ అల్ బుఖారీ - 359

వ్యాఖ్యానము

ఎవరైనా ఒకే వస్త్రం ధరించి భుజాలను, భుజము మరియు మెడ మధ్య భాగాన్ని, కప్పి ఉంచకుండా, బహిర్గతం చేస్తూ నమాజు ఆచరించడాన్ని ప్రవక్త సల్లల్లాహు అలైహి వసల్లం నిషేధించినారు. ఎందుకంటే భుజాలు “ఔరహ్”లో భాగం (ఔరహ్ అంటే శరీరములో అంటే తప్పనిసరిగా కప్పి ఉంచవలసిన ప్రైవేట్ శరీర భాగాలు) కానప్పటికీ, ఔరహ్ భాగాలను కప్పడంతో పాటు వాటిని కప్పడం కూడా సాధ్యమే. ఇది సర్వశక్తిమంతుడైన అల్లాహ్ ముందు నిలబడి, సలాహ్ ఆచరిస్తున్నపుడు, ఆయన గౌరవానికి మరియు ఆయన ఘనతకు దగ్గరగా ఉంటుంది.

హదీథు యొక్క ప్రయోజనాలలో నుండి

  1. తప్పనిసరిగా కప్పిఉంచవలసిన శారీర భాగాలను కప్పుతూ ఉన్నట్లయితే ఒకే వస్త్రములో నమాజు ఆచరించుట అనుమతించబడినదే.
  2. ఒక వస్త్రము నడుము నుండి పైభాగము కప్పుతూ ఉండి, మరొక వస్త్రము నడుము నుండి క్రింది భాగము కప్పుతూ ఉండేలా, రెండు వస్త్రములలో నమాజు ఆచరించుటకు అనుమతి ఉన్నది.
  3. నమాజు ఆచరించే వ్యక్తి (ఉన్నంతలో) మంచి దుస్తులు ధరించి, వీలైనంత ఆకర్షణీయమైన స్థితిలో ఉండేలా చూసుకోవడం అభిలషణీయము.
  4. వీలైతే నమాజు ఆచరించునపుడు రెండు భుజాలను లేదా వాటిలో ఒక దానిని కప్పుకోవడం తప్పనిసరి, అయితే, కొందరు ఉలెమాల అభిప్రాయం ప్రకారం భుజాలను ఆచ్ఛాదన లేకుండా వదిలి వేయడం ఖచ్చితంగా నిషేధించబడలేదు, నమాజు ఆచరిస్తున్నపుడు భుజాలను కప్పుకోవడం పరిశుద్ధతను సూచిస్తుంది.
  5. సహబాలు రజియల్లాహు అన్హుమ్ పేదవారు. కనీసం రెండు వస్త్రాలు కలిగి ఉండేంత ధనం కూడా వారి వద్ద ఉండేది కాదు.
  6. ఈ హదీథు యొక్క అర్థం గురించి వ్యాఖ్యానిస్తూ ఇమాం అన్’నవవి ఇలా అన్నారు: దీని వెనుక ఉన్న వివేకం ఏమిటంటే, అతడు తాను ధరించిన వస్త్రాన్ని తన భుజంపై ఏమీ లేకుండా కేవలం దిగువ వస్త్రంగా మాత్రమే ఉపయోగిస్తే, ఒక్కోసారి అది జారిపోయి అతని ‘ఔరహ్’ బయటపడవచ్చు; అయితే, అతను ఆ వస్త్రములో కొంత భాగాన్ని తన భుజంపై, భుజాలను కప్పిఉంచేలా ధరిస్తే ఇది జరగదు. అంతే కాకుండా, అతడు ఆ వస్త్రాన్ని నడుము నుండి క్రింది భాగపు ఆచ్ఛాదనగా (దిగువ వస్త్రంగా) ధరించిట్లయితే, అది జారి పోకుండా అతడు దానిని తన ఒక చేతితోనో లేక రెండు చేతులతోనో పట్టుకోవలసి రావచ్చు. అందువల్ల అతడు తన కుడి చేతిని, ఎడమచేతిపై ఉంచి, రెండు చేతులను ఛాతీ క్రింద గట్టిగా ఉంచుకోవడం, మరియు నమాజులో రెండు చేతులను పైకి లేపవలసిన సందర్భాలలో ఆ సున్నత్ ఆచరణలను కోల్పొయినవాడు అవుతాడు. పైగా మనిషిని మంచిగా కనిపించేలా చేసే శరీరపు పైభాగమైన అలంకరణ స్థలాన్ని, దుస్తులతో కప్పి ఉంచకుండా వదిలి వేసిన వాడవుతాడు. దివ్య ఖుర్’ఆన్ లో సర్వశక్తిమంతుడైన అల్లాహ్ ఇలా అంటున్నాడు: {ఓ ఆదం సంతతి వారలారా! మీరు మస్జిదుకు హాజరైన ప్రతిసారీ వస్త్రాలంకరణ పట్ల శ్రద్ధ వహించండి} [సూరత్ అల్-ఆఅ్'రాఫ్: 7:31]

అనువాదాలను చూపించండి

48 భాష
EN English الإنجليزية
UR اردو الأوردية
ES Español الإسبانية
ID Indonesia الإندونيسية
BN বাংলা البنغالية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
SW Kiswahili السواحيلية
TA தமிழ் التاميلية
MY မြန်မာ البورمية
TH ไทย التايلندية
DE Deutsch الألمانية
PS پښتو بشتو
AS অসমীয়া الأسامية
SQ Shqip الألبانية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
NE नेपाली النيبالية
PRS دری الدرية
SR Српски الصربية
TG тоҷикӣ الطاجيكية
RW Kinyarwanda الكينياروندا
RO Română الرومانية
HU Magyar المجرية
MOS Moore الموري
MG Malagasy المالاجاشية
OM Oromoo الأورومو
KN ಕನ್ನಡ الكانادا
WO Wolof الولوف
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية