Hadiis: Wakat a tãabo, Wẽnd Tẽn-tʋʋmã (Wẽnd pʋʋsg la A tɩlgr be a yĩnga) gɩdga tõndo tɩ d ra pʋʋs b pʋgẽ ye, la d ra mum d kũ-rãmbã b pʋgẽ,

عَنْ عُقْبَةَ بْنَ عَامِرٍ الْجُهَنِيَّ رضي الله عنه قَالَ:
ثَلَاثُ سَاعَاتٍ كَانَ رَسُولُ اللهِ صَلَّى اللهُ عَلَيْهِ وَسَلَّمَ يَنْهَانَا أَنْ نُصَلِّيَ فِيهِنَّ، أَوْ أَنْ نَقْبُرَ فِيهِنَّ مَوْتَانَا: حِينَ تَطْلُعُ الشَّمْسُ بَازِغَةً حَتَّى تَرْتَفِعَ، وَحِينَ يَقُومُ قَائِمُ الظَّهِيرَةِ حَتَّى تَمِيلَ الشَّمْسُ، وَحِينَ تَضَيَّفُ الشَّمْسُ لِلْغُرُوبِ حَتَّى تَغْرُبَ.
[صحيح] - [رواه مسلم] - [صحيح مسلم: 831]

Yii a ʿƲƙbat ɭbn ʿAamir Al-Guhaniy nengẽ, (Wẽnd yard be a yĩnga):
Wakat a tãabo, Wẽnd Tẽn-tʋʋmã (Wẽnd pʋʋsg la A tɩlgr be a yĩnga) gɩdga tõndo tɩ d ra pʋʋs b pʋgẽ ye, la d ra mum d kũ-rãmbã b pʋgẽ, yaa wĩntoogã sẽn wat n pukdẽ wã halɩ t'a wa zẽke, la sõorã sẽn wat n lugã halɩ t'a wa gõbge, la wĩntoogã sẽn wat n mooge n na n lʋɩ wã halɩ t'a wa lʋɩ.
[Naṣʋn Ṣahɩɩhʋn (Gom-sikdem sẽn manege)] - [A Muslim n togs-a] - [Ṣahɩɩh Muslim - 831]

bilgrã

Nabiyaamã (Wẽnd pʋʋsg la A tɩlgr be a yĩnga) gɩdga wakat-rãmb a tãabo, sẽn yi wĩndgã, tɩ b ra wa pʋʋs naafɩl b pʋgẽ, maa b wa mum kũ-rãmbã b pʋgẽ: Rẽenem wakatã: wĩntoogã sẽn wat n puk paalmã, halɩ n wa tʋg n zẽk n zems kãnd alkadre, la yẽnda korda wala minit piig la a nu. La yiib soabã: Wakat ning wĩntoogã sẽn wat n be saaga sʋka, a ka tar maasem goabga ka rɩtgo, halɩ n wa tãag a sẽn na n gõbge saagã tẽng-n-sʋgrẽ, la a sẽn na n kɩll n bas tẽng-n-sʋgrã, tɩ maasmã vẽnege wĩntoogã sẽn pukdẽ, Zafarã Pʋʋsg sẽn sɩngd wakat ninga, la a yaa wakat sẽn yaa koεεga, a zemsa minit a nu bilgri. Tãab soabã: Wakat wĩntoogã sẽn wat n kɩll n rat n na n kẽ wã, halɩ t'a wa lʋɩ.

Sẽn be Hɑdiisã yõod-rãmbẽ

1. Wakat-rãmb nins b sẽn gɩdg Pʋʋsgã, wala hadiis-kãngã sẽn wilgã, la hadiis-rãmb a taabã: rẽenemã yaa Fagirã pʋʋsg poorẽ n tʋg n tãag wĩntoogã pukri. Yiib soabã: wĩntoogã pukr sasa halɩ wa tʋg n zẽk n tãag wala kãnd woglem nin gesg pʋgẽ, rat n na n yeel tɩ sẽn zems minit piig la a nu bilgri. Tãab soabã: yaa wĩndgã sʋk sẽn wat n ta, halɩ tɩ wĩntoogã wa gõbge, la rẽnda yaa wakat ning wĩntoogã sẽn wat n ka tar masasem, wĩntoog sẽn pugdẽ maa a sẽn lʋɩtẽ, la sãnda kord-a lame tɩ yaa minit a nu. Naas soaba: Yaa Laansar poorẽ, halɩ tɩ wĩndgã wa tʋg n lʋɩ. Nu soaba: yaa wĩntoogã sẽn wat n moogã, halɩ t'a wa tʋg n lilli.
2. B sẽn gɩgd Pʋʋsdgã wakat-kãensã a nu wã, b tũusa faril rãmbã la Pʋʋsg nins sẽn tar sababã, bãmb ka lagem gɩdgrẽ wã ye.
3. Yaa b sẽn gɩdg tɩ b ra maan putoog n yaoolg kũum mumbu, n tãag wakat a tãab-kãensã sẽn yaa sẽkã, sẽn togs hadiisã pʋgẽ wã ye, la sakdame sẽn yaa wakat ning fãa, sẽn kẽed ne yʋngo maa wĩndgã.
4. Hɩkma (Yam-bedr) ning sẽn be b sẽn gɩdg Pʋʋsgã wakat-kãensã pʋgẽ wã: a yẽgrã yaa bas meng n tũ Wẽnd saglsã, la zãag f meng n yi Wẽnd gɩdgrã, tɩ yaa Wẽnd tũudum, la a ka basd tũudmã halɩ t'a tʋg n ta sabab ninga sẽn be yell ning pʋgẽ wã, maa b sẽn gɩdgã yellã. La sõmbame n sak n tũ n ka bao n na n bãng a sababã ye. La waa hadiis-rãmb a taab pʋgẽ, yõod ning sẽn be a pʋgẽ: rẽenemã: yaa tɩ wĩndto sʋka, taoor tɩ wĩndgã na n ka maagã, b yõgenda Gεhannam yõgneg sẽn ta tεka. Yiib soabã: la sã n yaa yam-bedr ning sẽn be b sẽn gɩdg tɩ b ra pʋʋs wĩndgã pukrã sasa maa a lʋɩɩsã sasa wã, a yaa kɩfr-rãmbã wõnesgo, bala bãmb maanda suguud ne wĩndgã, a pukrã sasa la a lʋɩɩsã sasa. Tãab soabã: La sã n yaa gɩdgr ning sẽn be tɩ b ra pʋʋs fagirã poorẽ, halɩ tɩ wĩndgã wa tʋg n pukã, la laansar poorẽ halɩ tɩ wĩndgã wa tʋg n lʋɩ wã, yẽnda yaa sẽn na gɩd sore, tɩ b ra wa wõnes b mens ne kɩfr-rãmbã ye, tɩ lɩslaam ra wa wõnes-ba b lagem-n-taarã pʋgẽ, bala bãmbã maanda suguud ne wĩndgã, a pukrã sasa la a lʋɩɩsã sasa.