Хадис: „Божјиот пратеник, салаллаху алејхи ве селем, ни забрани да клањаме намаз или да закопуваме мртви во три временски периода

عَنْ عُقْبَةَ بْنَ عَامِرٍ الْجُهَنِيَّ رضي الله عنه قَالَ:
ثَلَاثُ سَاعَاتٍ كَانَ رَسُولُ اللهِ صَلَّى اللهُ عَلَيْهِ وَسَلَّمَ يَنْهَانَا أَنْ نُصَلِّيَ فِيهِنَّ، أَوْ أَنْ نَقْبُرَ فِيهِنَّ مَوْتَانَا: حِينَ تَطْلُعُ الشَّمْسُ بَازِغَةً حَتَّى تَرْتَفِعَ، وَحِينَ يَقُومُ قَائِمُ الظَّهِيرَةِ حَتَّى تَمِيلَ الشَّمْسُ، وَحِينَ تَضَيَّفُ الشَّمْسُ لِلْغُرُوبِ حَتَّى تَغْرُبَ.
[صحيح] - [رواه مسلم] - [صحيح مسلم: 831]

Од Укбе бин Амир ел-Џухени, Аллах нека е задоволен со него, се пренесува дека рекол:
„Божјиот пратеник, салаллаху алејхи ве селем, ни забрани да клањаме намаз или да закопуваме мртви во три временски периода: – кога Сонцето изгрева сè додека добро не се издигне над хоризонтот, – кога Сонцето е во зенит – сè додека не започне да се наклонува кон запад, – и кога Сонцето започнува да заоѓа – од моментот кога започнува да се навалува кон хоризонтот, сè до неговото целосно заоѓање.“
[صحيح] - [رواه مسلم] - [صحيح مسلم - 831]

Објаснување

Божјиот пратеник, салаллаху алејхи ве селем, забранил во три периоди од денот да се клања доброволен намаз или да се врши закоп на починатите: Првиот период е веднаш по изгрејсонце – од моментот кога Сонцето ќе се појави над хоризонтот, па сè додека не се издигне во висина од едно копје, што се смета за приближно 15 минути. Вториот период е кога Сонцето се наоѓа точно во зенит – односно на средината на небото, не правејќи сенка ниту на исток ниту на запад – сè додека не почне да се наклонува и да се појави сенка од источната страна, што го означува почетокот на времето за пладневниот намаз. Овој период е краток – трае околу 5 минути. Третиот период е пред зајдисонце – од моментот кога Сонцето почнува да се спушта кон хоризонтот, па сè до неговото целосно заоѓање.

من فوائد الحديث

1. Временските периоди во кои е забрането клањање, како што се наведува во овој и други хадиси, се следниве:
2. 1. По сабахскиот намаз – сè до изгрејсонце.
3. 2. Во моментот кога изгрева Сонцето – сè додека не се издигне на висина од едно копје, според видното поле, што трае приближно 15 минути.
4. 3. Кога Сонцето е во зенит – односно кога не прави сенка ни на исток ни на запад, сè додека не започне да се наклонува, што трае околу 5 минути.
5. 4. По икиндискиот намаз – сè до зајдисонце.
6. 5. Кога Сонцето ќе пожолти – па сè до неговото целосно заоѓање.
7. Забраната за клањање во овие пет временски периоди не се однесува на задолжителните намази и на намазите кои имаат конкретен шеријатски повод.
8. Исто така, не е дозволено намерно одложување на закопот на починатиот до овие три кратки периоди спомнати во хадисот, додека во сите други делови од денот или ноќта закопувањето е дозволено.
9. Мудроста зад забраната за клањање во овие времиња: Основата е муслиманот да се покорува на Аллаховите наредби и да се воздржува од Неговите забрани како чин на ибадет, без да ја условува својата покорност со претходно разбирање на причината или мудроста зад нив. Обврска му е да се потчини и покори.
10. А во други хадиси е пренесена и самата мудрост:
11. – Прво: во периодот непосредно пред настапувањето на времето за пладневниот намаз, Џехенемот се распалува со особена сила.
12. – Второ: забраната за клањање при изгрејсонце и зајдисонце е поради сличноста со праксата на многубошците, кои му се поклонуваат на Сонцето токму во тие моменти.
13. – Трето: забраната за клањање по сабах до изгрејсонце и по икиндија до зајдисонце е со цел да се затвори патот кон поистоветување со неверниците – за муслиманот да не им наликува во нивното идолопоклонство, бидејќи тие му се клањаат на Сонцето во тие периоди.