عن أبي هريرة -رضي الله عنه-: أن رسول الله -صلى الله عليه وسلم- قال: «ينزلُ ربُّنا تبارك وتعالى كلَّ ليلةٍ إلى السماء الدنيا، حين يبقى ثُلُثُ الليل الآخرُ يقول: «مَن يَدْعُوني، فأستجيبَ له؟ مَن يسألني فأعطيَه؟ مَن يستغفرني فأغفرَ له؟».
[صحيح] - [متفق عليه]
المزيــد ...

အဗူဟုရိုင်ရဟ် (ရဿွိယလ္လာဟုအန်ဟု)က ဆင့်ပြန်ခဲ့သည်။ အလ္လာဟ်အရှင်မြတ်၏ ရစူလ်တမန်တော်(ဆွလ္လလ္လာဟုအလိုင်ဟိဝစလ္လမ်) မိန့်ကြားတော်မူသည်။ ကျွန်တော်တို့အား ဖန်ဆင်းမွေးတော်မူသော မင်္ဂလာအပေါင်းနှင့် ပြည့်စုံတော်မူသော ကြီးကျယ်မြင့်မြတ်တော်မူသော အရှင်မြတ်သည် ည၏နောက်ဆုံး သုံးပုံတစ်ပုံအချိန်တွင် မိုးကောင်းကင်အောက်ဆုံးထပ်သို့ ညစဉ် ဆင်းသက်တော်မူပြီး မိန့်ကြားတော်မူသည်မှာ - ငါအရှင်မြတ်ထံ တောင်းဆုပြုမည့်သူ ရှိသလော။ ငါအရှင်မြတ်သည် သူ(၏တောင်းဆု)ကို လက်ခံတော်မူမည်။ ငါအရှင်မြတ်ထံ တောင်းခံမည့်သူ ရှိသလော။ ငါအရှင်မြတ်သည် သူ့အား ချီးမြှင့်တော်မူမည်။ ငါအရှင်မြတ်ထံ လွတ်ငြိမ်းချမ်းသာခွင့် တောင်းခံမည့်သူ ရှိသလော။ ငါအရှင်မြတ်သည် သူ့အား လွတ်ငြိမ်းချမ်းသာခွင့် ချီးမြှင့်တော်မူမည်။
ဤဟဒီးဆ်သည် ဆွဟီးဟ် အဆင့်ရှိသည်။ - ဗုခါရီကျမ်းနှင့် မွတ်စ်လင်မ်ကျမ်း။

ရှင်းလင်းချက်

ကြီးကျယ် မြင့်မြတ်တော်မူသော အလ္လာဟ်အရှင်မြတ်သည် ည၏နောက်ဆုံး သုံးပုံတစ်ပုံအချိန်တွင် မိုးကောင်းကင်အောက်ဆုံးထပ်သို့ ညစဥ်ညတိုင်း ဆင်းသက်တော်မူပြီး မိန့်ကြားတော်မူသည်မှာ “ငါအရှင်မြတ်ထံ တောင်းဆုပြုမည့်သူ ရှိသလော။ ငါအရှင်မြတ်သည် သူ(၏တောင်းဆု)ကို လက်ခံတော်မူမည်။ ငါအရှင်မြတ်ထံ တောင်းခံမည့်သူ ရှိသလော။ ငါအရှင်မြတ်သည် သူ့အား ချီးမြှင့်တော်မူမည်။ ငါအရှင်မြတ်ထံ လွတ်ငြိမ်းချမ်းသာခွင့် တောင်းခံမည့်သူ ရှိသလော။ ငါအရှင်မြတ်သည် သူ့အား လွတ်ငြိမ်းချမ်းသာခွင့် ချီးမြှင့်တော်မူမည်။”ဆိုလိုသည်မှာ ညစဉ်ထိုအချိန်၌ အလ္လာဟ်အရှင်မြတ်သည် မိမိ၏ကျေးကျွန်များကို မိမိထံ ဒုအာဆုတောင်းကြရန်နှင့် ဒုအာဆုတောင်းခြင်းတွင် စိတ်အားထက်သန်မှုရှိစေရန်အတွက် အရှင်မြတ်သည် ဒုအာဆုမွန်တောင်းခံသူ၏ တောင်းဆုကို လက်ခံတော်မူကြောင်း မိန့်ကြားတော်မူပြီး ဖိတ်ခေါ်တော်မူသည်။ ထို့အတူ ၎င်းတို့အား မိမိတို့အလိုရှိသည်ကို တောင်းခံကြရန်နှင့် အရှင်မြတ်သည် မိမိထံတောင်းခံသူအား ချီးမြှင့်တော်မူကြောင်း မိန့်ကြားကာ ဖိတ်ခေါ်တော်မူသည်။ ထို့အတူ အရှင်မြတ်ထံ ၎င်းတို့၏အပြစ်အကုသိုလ်များကို လွတ်ငြိမ်းချမ်းသာခွင့် တောင်းခံကြရန်နှင့် အရှင်မြတ်သည် မိမိ၏မုအ်မင်န်ကျေးကျွန်များ၏ အပြစ်အကုသိုလ်များကို လွတ်ငြိမ်းချမ်းသာခွင့် ပေးသနားတော်မူကြောင်းမိန့်ကြားကာ ဖိတ်ခေါ်တော်မူသည်။ ဤနေရာတွင် ဖိတ်ခေါ်ခြင်းဆိုသည်မှာ တိုက်တွန်းခြင်း၊နှိုးဆော်ခြင်းကို ဆိုလိုသည်။ ထိုသို့ဆင်းသက်ခြင်းသည် အရှင်မြတ်၏ ကြီးကျယ်မြင့်မြတ်မှု၊ အရှင်မြတ်၏ ပြီးပြည့်စုံမှုနှင့်အညီ အမှန်တကယ်ဆင်းသက်တော်မူခြင်းဖြစ်ပြီး မည်သည့်အဖန်ဆင်းခံ၏ ဆင်းသက်မှုနှင့်မျှ တူဆင်ခြင်းမရှိပေ။ထိုသို့ ဆင်းသက်ခြင်းအား အရှင်မြတ်၏ ကရုဏာတော် ဆင်းသက်ခြင်း သို့မဟုတ် ကောင်းကင်တမန်များ ဆင်းသက်ခြင်း သို့မဟုတ် အခြား တစ်စုံတစ်ရာ ဆင်းသက်ခြင်းဟူ၍ အဓိပ္ပါယ်ဖွင့်ဆိုခြင်း မမှန်ကန်ပေ။ထို့ပြင် ထိုသို့ဆင်းသက်ခြင်းအား “သဟ်ရီးဖ်” အရှင်မြတ်၏ဂုဏ်တော်များကို အဓိပ္ပါယ်ပြောင်းလဲ သတ်မှတ်ခြင်း၊“သအ်သွီးလ်” အရှင်မြတ်၏ဂုဏ်တော်များကို ငြင်းပယ်ခြင်း၊ “သက္ကယီးဖ်” အရှင်မြတ်၏ဂုဏ်တော်များကို မည်သို့မည်ပုံဖြစ်သည်ဟု ပုံသဏ္ဍာန်သတ်မှတ် ဖေါ်ပြခြင်း၊ “သမ်ဆီးလ်” အရှင်မြတ်၏ဂုဏ်တော်များကို အဖန်ဆင်းခံများ၏ ဂုဏ်အရည်အချင်းများဖြင့် ပမာပေးခြင်းတို့မပြုဘဲ “အဟ်လွလ်စွန္နသ်ဝလ်ဂျမာအသ်”လမ်းစဥ်၏ ယုံကြည်ချက်အတိုင်း အလ္လာဟ်အရှင်မြတ်သည် အရှင်မြတ်၏ ကြီးကျယ်မြင့်မြတ်မှုနှင့်အညီ မိုးကောင်းကင်အောက်ဆုံးထပ်သို့ ဆင်းသက်တော်မူကြောင်း အီမာန်သက်ဝင်ယုံကြည်မှုထားရန် တာဝန်ရှိသည်။

ဘာသာပြန်: အင်္ဂလိပ် ပြင်သစ် စပိန် တူရကီ အုရ်ဒူ အင်ဒိုနီးရှား ဘော့စနီးယား ဘင်္ဂလီ တရုတ် ဖါရစီ(ပါရှန်း) တဂ္ဂလော့ ဟင်ဒီ ဆင်ဟာလီ ကာ့ဒ် ပေါ်တူဂီ မလေးရာလမ် တေလဂူ ဆွာဟီလီ တမီးလ် ထိုင်း
ဘာသာပြန်များကို ကြည့်ရှုရန်

အကျိုးကျေးဇူးများ

  1. အလ္လာဟ်အရှင်မြတ်သည် ည၏နောက်ဆုံး သုံးပုံတစ်ပုံအချိန်တွင် မိုးကောင်းကင်အောက်ဆုံးထပ်သို့ ဆင်းသက်တော်မူခြင်းအား“သဟ်ရီးဖ်” အရှင်မြတ်၏ဂုဏ်တော်များကို အဓိပ္ပါယ်ပြောင်းလဲ သတ်မှတ်ခြင်း၊“သအ်သွီးလ်” အရှင်မြတ်၏ဂုဏ်တော်များကို ငြင်းပယ်ခြင်း၊ “သက္ကယီးဖ်” အရှင်မြတ်၏ဂုဏ်တော်များကို မည်သို့မည်ပုံဖြစ်သည်ဟု ပုံသဏ္ဍာန်သတ်မှတ် ဖေါ်ပြခြင်း၊ “သမ်ဆီးလ်” အရှင်မြတ်၏ဂုဏ်တော်များကို အဖန်ဆင်းခံများ၏ ဂုဏ်အရည်အချင်းများဖြင့် ပမာပေးခြင်းတို့မပြုဘဲ အရှင်မြတ်၏ ကြီးကျယ်မြင့်မြတ်မှုနှင့်အညီ ဆင်းသက်တော်မူကြောင်း အီမာန်သက်ဝင်ယုံကြည်ရမည်။
  2. ည၏နောက်ဆုံး သုံးပုံတစ်ပုံအချိန်သည် ဒုအာ ဆုမွန်လက်ခံခြင်းခံရသည့် အချိန်များတွင် ပါဝင်သည်။
  3. ဤဩဝါဒတော်ကို ကြားနာရသူအနေဖြင့် ဒုအာ လက်ခံခြင်းခံရသည့် အချိန်များကို အကျိုးရှိစွာကုန်ဆုံးရန်အတွက် အလွန်စိတ်အားထက်သန်မှုရှိသင့်သည်။
ထပ်၍