عن أبي هريرة رضي الله عنه : أن رسول الله صلى الله عليه وسلم قال: «ينزلُ ربُّنا تبارك وتعالى كلَّ ليلةٍ إلى السماء الدنيا، حين يبقى ثُلُثُ الليل الآخرُ يقول: «مَن يَدْعُوني، فأستجيبَ له؟ مَن يسألني فأعطيَه؟ مَن يستغفرني فأغفرَ له؟».
[صحيح] - [متفق عليه]
المزيــد ...
Ebu Hurejra (Allahu qoftë i kënaqur me të!) tregon se i Dërguari i Allahut ﷺ ka thënë: "c2">“Zoti ynë i Lartësuar zbret (ashtu siç i takon madhërisë së Tij) çdo natë, pasi të mbetet e treta e fundit e natës, në qiellin e Tokës, dhe thotë: "A ka kush më lutet Mua, që t'i përgjigjem? A ka kush kërkon nga Unë, e t'i jap? A ka kush kërkon falje prej Meje, e ta fal?”
Ky hadith është sahih. - Muttefek alejhi.
Allahu i Lartësuar zbret (ashtu siç i takon madhërisë së Tij) çdo natë, pasi të mbetet e treta e fundit e natës, në qiellin e Tokës, dhe thotë: "A ka kush më lutet Mua, që t'i përgjigjem? A ka kush kërkon nga Unë, e t'i jap? A ka kush kërkon falje prej Meje, e ta fal?” Kjo do të thotë se Allahu i Lartësuar në këtë kohë të natës kërkon nga robërit e Tij që t'i luten Atij dhe i inkurajon ata që ta bëjnë këtë gjë, kështu që Ai u përgjigjet atyre që i luten dhe u kërkon që t'i kërkojnë çfarë të duan. Kësisoj Ai u jep atyre që i kërkojnë, si dhe kërkon që ata të kërkojnë falje prej Tij për gjynahet e tyre, rrjedhimisht Ai i fal robërit e Tij besimtarë. Ajo që kuptohet prej kësaj kërkese është inkurajimi dhe motivimi. Kjo zbritje është një zbritje e vërtetë, që i përshtatet madhështisë dhe përsosurisë së Tij, e nuk është e ngjashme me zbritjen e krijesave. Nuk është e saktë të interpretohet zbritja si zbritje e mëshirës ose e melekëve, por është obligim të besohet se Allahu zbret në Qiellin e kësaj bote asi lloj zbritjeje që i takon madhërisë së Tij, pa bërë shtrembërim, mohim - refuzim, përshkrim të formës e as përngjasim (të cilësive të Tij), ashtu siç është drejtimi dhe rruga e ehlu sunetit dhe xhematit.