Hadithi: Hakika Mwenyezi Mungu Mtukufu anapata wivu, na wivu wa Mwenyezi Mungu Mtukufu, ni kuyafanya mtu yale aliyoyaharamisha Mwenyezi Mungu kwake yeye.
عن أبي هريرة رضي الله عنه مرفوعًا: «إِنَّ الله -تَعَالى- يَغَارُ، وغَيرَةُ الله -تَعَالَى-، أَنْ يَأْتِيَ المَرء ما حرَّم الله عليه».
[صحيح] - [متفق عليه]
المزيــد ...
Kutoka kwa Abuu Huraira radhi za Mwenyezi Mungu ziwe juu yake, Hadithi Marfu'u: "Hakika Mwenyezi Mungu Mtukufu anapata wivu, na wivu wa Mwenyezi Mungu Mtukufu, ni kuyafanya mtu yale aliyoyaharamisha Mwenyezi Mungu kwake yeye"
Sahihi - Wamekubaliana Bukhaariy na Muslim
Imekuja hadithi ili ibainishe kuwa Mwenyezi Mungu anapata wivu juu ya Maharamisho yake, anachukia na anakereka kuvunjwa mipaka yake, na katika hayo ni uchafu wa zinaa, hiyo ni njia ya udhalili na mbaya, na kisha Mwenyezi Mungu akawaharamishia waja wake zinaa na njia zake zote, mja atakapozini basi Mwenyezi Mungu anakuwa na wivu (anaghadhibika na kuchukia) zaidi na vikubwa mno kuliko anavyochukia katika mambo mengine katika maharamisho, hivyo hivyo hata kulawiti, nako ni kumwendea mwanaume kwa matamanio, kwani hili ni kubwa na ni kubwa zaidi kuliko zinaa; na kwasababu hiyo Mwenyezi Mungu Mtukufu akalifanya kuwa ni chafu baya zaidi kuliko zinaa. Na hivyo hivyo pia wizi na kunywa pombe na maharamisho yote Mwenyezi Mungu hupata wivu kutokana nayo, lakini baadhi ya maharamisho unakuwa wivu wake ni mkubwa zaidi kuliko mengine, inategemeana na ovu, na inategemeana na madhara yanayoambatana na hilo.
Katika Faida za Hadithi
- kuchukizwa na kufanya maharamisho; kwasababu yana mkasirisha Mwenyezi Mungu Mtukufu.
- Kuthibitisha wivu kwa Mwenyezi Mungu Mtukufu-kwa namna inayomstahiki- Aliyetakasika na Kutukuka.
- Ni mtu kuhisi anaangaliwa na Mwenyezi Mungu Mtukufu- na kuogopa ghadhabu zake, yanapovamiwa maharamisho yake.
Aina tofauti
Ziada
- Hadithi: Atakaye shuhudia kuwa hapana Mola ispokuwa Mwenyezi Mungu yeye pekee asiye na mshirika nakuwa Muhammadi ni mjumbe wake na ni mja wake, nakuwa Issa ni mja wa Mwenyezi Mungu na Mtume wake na neno lake alilolipeleka kwa Mariam na ni roho toka kwake, na pepo ni kweli na moto ni kweli, Atamuingiza Mwenyezi Mungu peponi kulingana na yale aliyokuwa nayo katika matendo.
- Hadithi: Hakika Mwenyezi Mungu ameandika mema na mabaya kisha akalibainisha hilo, atakayepania kufanya jema kisha akawa hakulifanya analiandika Mwenyezi Mungu kwake jema kamili, na akilipania na akalifanya analiandika Mwenyezi Mungu kwake kuwa ni mema kumi mpaka kufikia ziada ya mia saba mpaka ziada nyingi zaidi.
- Hadithi: Hakika Mwenyezi Mungu hatazami katika mili yenu wala katika sura zenu, lakini anaangalia katika nyoyo zenu na matendo yenu
- Hadithi: Tukiwa sisi tumekaa kwa Mtume -Rehema na Amani ziwe juu yake- siku moja, ghafla akatokeza mwanaume mmoja, mwenye nguo nyeupe sana, mwenye nywele nyeusi sana, hazionekani kwake athari za safari, na wala hakuna anayemfahamu yeyote katika sisi
- Hadithi: Enyi waja wangu, Hakika mimi nimeharamisha dhulma katika nafsi yangu na nimeifanya kati yetu kuwa ni haramu hivyo msidhulumiane, Enyi waja wangu, nyinyi wote mmepotea ila yule niliyemuongoza niombeni uongofu nikuongozeni
- Hadithi: Hakika Mwenyezi Mungu humpa muda mtu dhalimu, basi anapomshika hamuachii.
- Hadithi: Wenye huruma huwahurumia Ar-Rahmani -Mwingi wa huruma-, wahurumieni watu wa ardhini atakuhurumieni aliyeko mbinguni.